حبك ارميه بالزباله مع حفايظ بنتك

السلام عليكم ورحمة الله وبركاته

كيفكم يابنات وش اخباركم ؟

بنات انا عندي مشكله مع زوجي بس قبل بحكيلكم شوي عن حياتي معه

انا متزوجه من سنتين وعندي بنت عمرها 10 شهور عايشه مع حمولتي

اشتغل لحمولتي والشغل فوق وتحت على راسي

انا مسئوله عن البيت كله

زوجي حالته الماديه معدومه وعايشين الحمدالله المهم زوجي اذا جيت اجلس معه يامشغول باللاب توب او

بالجوال لدرجة اني اذا جيت اكلمه لازم اعيد كلامي 10 مرات عشان يرد علي المهم جت في بالي فكره

اني اركب البرنامج اللي بجوال زوجي واضيفه على اساس اني بنت مااعرفه ومنها اكون حبيبته يعني اغازل بالحلال
اللي صار انه عطاني وجه وقالي قصة حياته كلها وحتى عطاني رقمه وارسلي صورته

قالي ارسلي صورتك ورفضت المهم اللي صار انه شك وانا اعترفت على طول اهو زعل

وقال اصلا مو انا اللي كنت اكلمك هذا صديقي <<طبعا كذاب وصديقي قال زوجتك تشك فيك وماعندها ثقه

اهو زعل وانا قلت له نيتي اني اقرب منك مو تزعل قلت له انا احبك قالي حبك ارميه بالزباله مع حفايظ بنتك

وانتي فتحتي على نفسك باب ماراح يتسكر وقالي ماراح ارجع للبيت انتي مو كفو الواحد يعيش معك بغرفة وحده

واذا رجعت ماابيك تفتحين السالفه مره ثانيه قلت تعال عشان بنتك وجا نام وللحين مايكلمني

وش اسوي دلوني ادري اهو غلطان وراعي بنات ياما كشفته بس ماابي اخسر بيتي وبنتي :(

وفي شي ثاني بنتي عمرها 10 شهور عادي اعطي بنتي حليب عادي بودره بدل حق الاطفال ؟