حبني ولا راضي ينسااني ؟شورا علي يا بنااات

الأسرة والمجتمع

السلام عليكم ورحمة الله...

حبيت اطرح لكم مشكلة ..محتارة فيهاا...ولو اني اتخذت قراراتي...بس حبيت اخذ رايكم...

ويا بنااات..ابغي نصيحة... والنصيحة تجي بالهداااوة...

يعني كل انسان يغلط... بس اهم شي انه يتعلم من الخطأ...

انا عرفت واحد عن طريق الجوااال (وهذي قصة طويلة... ملخصهااا انه كان جااني ع اساس انه بنت..ومسجااات..وانا كنت حاطة في بالي الحذر..هالزمن بنت او ولد ما منهم امااان ...وبعد ما اكتشفت انه ولد... تم يلاحقني عشان ما ابتعد عنه..واتصالات ومسجااات...وتم معااي فترة طويييلة... وانا طنااااااااااش... ويترجااني... وقالي بيتزوجني..وانا طبعا ما مصدقتنه...قالي خبري اختج ..عشان تتطمنين..وانا اللي ما داش عقلي انه حتى ما شافني .. ولا يهرف شي عني...مسرع عشقني:eek:.

طنشششته فترة طوووووووووويلة... وهو يحاااول فيني... اخرتهااا قلت له .. وش يبي...قال انه يبيني ومن هالسوالف... قلت له تبيني عندي اهل...

طبعااا تعذر لي بأحواله الماادية وانه ما يقدر يخطب.. وهو عليه ديون .. وخبرني وضعه المادي من طق طق للسلام عليكم...

...طبعا انا هناا مرةةة شكييت...وقلت له هالحركااات قديمة وما تمشي علي...:30:

وهو يحااول فيني..وجاب عني معلوومااات..وطبعا ما خفت منه

اخرتهااا....استسلمت له( وقلت يمكن الريااال يبيني صدق:06: ) قلت له.. بنتظر ضرووفك..بس بشرط..هذا رقم اخووي... تكلمه هو على الاقل في الموضوع...

وافق الاخ...هو تعرف على اخوووي بس ما رمسه بالموضوع..لانه ..ما بالمرة يقوله...وخاصه انه ما يعرفه..

وتواصلت ويااه... تعرفت عليييه... وعلى وظيفته ووين يسكن وووو معلومات عنه...

وكنت دايم اضغط عليه عشان يتحرك في الموضوع..(كنت متخووفه وربي..) وهو يتعذر لي دايم بضروووفه...


وبدت الشكوك تيني... وانا ما مال مشااكل..وخاصة مال هذي السوالف...

المهم بعد فترررة... قلت له..اني راح انقطع عنه... تعارف وتعارفنااا... واذا يباني انا في بيت اهلي...

وهو كل مرة يدق ويحاول معاااي عشان ارجع وانه يحبني وما قادر ينساني.... وانا مطنشتنه... وقلت له ما يدق علي

واني انتظره في بيت اهلي... لاني طفشت من الوضع...

اقنعته يكممل درااسته ..ودرس وجاب نسبة حلوووة... ويوم ابتعدت عنه ترك الدرااسة..ومرض..حاول يقنعني ارجع بس صديته


وطبعااا كل فترة..يرسل لي مسجاااات... يعاتبني وانه يريدني

وقلت له بغير رقمي

ولا غيرت الرقم... قلت يمكن يأس مني...:22:

بين فترة وفترة ..يرجع لي... قلت له انخطبت... وانصدم..وسألني عن رايي...قلت له الاهل وافقوا وانا ما برد كلمتهم...

(وهو الصراحة..فيه حد جا يخطب..بس بعدهم ما ردوا عليهم الاهل )

وهو من هذيك اليوم... يرسل لي انه يحبني وحرام انساااه ... ويكسر خااطري:(..وبعدهااا رمسني..انه خلاص مستعد يرمس الاهل ويخطب..وانه اتصل لاخوي ..لمح له عن السالفة...بس جا يتأكد من موقفي ويقنعني...

(ما مستوعب اني قلت له اني مخطوبه):06:

ورفضته... قلت له ينسااني خلاااص... وانه تعارفنااا اساسه غلط... (بديت اصحى خخ) واللي يبنى على بااطل...بكوون بااطل...وحاولت استفزه..:09:. اقوله اننا تعارفنا عن طريق جواال ..يقول عادي..دام اننا نحب بعض..


المهم.. هزأته..وبجد كنت قاسية معاااه..لانه ما راضي يهدني...وعصبت عليه (وهو يحليله ساعتها يقول لي اهم شي اني ما اعصب...:09:..ما همه وش قلت له..)

وقطعني... وانا بعد ما غيرت الرقم...

صار بعدين يجيني رقم غريب... وانا طنااااش.. بس اليوم عصبت..لانه يعطيني مس كول من الصبح...رسلت للرقم وانا معصبة... رد علي يقولي ارجوووك لا تعصبيين خلاص(همه اني ما اعصب :eek: ) انا فلااان...

قلت ليه يرسل...يقول ما قادر انساك...وانا مستعد اجي اخطب...وانتي ليش نسيتيني...,,,,


انا ما عارفة وش اسوي...!! قبل قلت له تقدم..وانا بوقف ويااك..ان الاهل رفضواا..لانه من منطقة بعيدة..والاهل اكيد راح يرفضوون...غير انه ما نعرفهم .. واالاهل ما يزوجون للي ما يعرفونهم...وفوق هذا بيقولون لي من وين تعرفيييه...

وانا تكلمت معه عن الزواااج... اشترطت علييه اموور اذا صح بيتزوجني.. مثل بيت لوحدي.. وما اريد اسكن في منطقته ووووو. وواافق..حتى انه بدأ...يرتب بعض الامووور...

بس الحين..هذاك من الاهل اللي جا يخطب...الاهل ما ردواا للحين...بس دام انه هذاك جاي يخطب..صعب يوافقوا على البعييد...


انا الحمدلله عرفت خطأي ورجعت لله... بس حاسة بذنب هالانسان ان كان صاادق...:06:
اللي ناوية اسويه ...اقنعه ينسااني.. واصكر هالبطاااقة...وافتح لي بطااقة جديدة....

شوروا علي يا بنااات
32
3K

هذا الموضوع مغلق.

*أحاسيسـ أنثى*
اعرف واحد تزوجت بهلطريقه عارفه وحب وغرام بعد كام سنه جواز بدا الخناق وبدا يعايرها انتي كلمتيني باطريقه دي وايه عرفني يمكن عرفتي غير ي كمان ولا كلمتي واحد تاني ودا زوجها تخيلي وهينسي كان بيجري وراكي ازاي وا الي هيفتكره ضدقيني الجواز مش لعبه اتجوزي واحد تحطي رجليكي وايديك في عينيه مش واحد بعد كام شهر يعايريك ويطلع سبب يسيبك بيه
وسالي نفسك هل انتي يعني اول واحده يكلمها ؟ وهل اخر واحده ؟ الاجابه الله اعلم اقبلي الي شاريكي وجيلك من الاول لبيتك ومقدرك وعارف قيمتك
الرجال اطفال ولو بيحب الان بعد كده هيتغير والحاجات دي هي الي هيفتكرها والله يديكي الخير ويدلك على الصح ويرزقك ابن الحال الي يصونك ويحبك واتمني اكون افدتك
G&D G&D
G&D G&D
هلا حبيبتي صراحة تأثرت كثير من قصتك
وكل شوي اقول كفو يمكن هذا الي خلاه يتعلق فيكي اكثر اذا كان صادق
اختي أنتبهي على نفسك و لاتنسي ربك استخيري اكثر من مرة خلية يتقدم مو تعرف على اخوك خلاص
بعدين راح يقررو اهلك من بين الاثنين ويساعدوك عن الافضلك

بعدين لاتستعجلين ولاتتعاطفين فكري استخيري خذي رآي اهلك هم ادرى بمصلحتك
بالتوفيق
جل وخل
جل وخل
اختي اللي تسوينه ما يرضي الله

كيف تكلمين رجل غريب؟

لو هو صاق كان من البدايه خطبك

انصحك تبتعدين عنه ولا تردين على اتصالاته
زمردة البيت
زمردة البيت
الزواج مشروع اكبر من مجازفة عاطفية ،،او شفقة لشخص قد ((قد )) يكون صادق ،،،،،
الرررررريم
الرررررريم
الحب الشريف العفيف مو عيب
لكن انا احساسي يقول الولد لعاب لان انتي طلبتي كثير منه انه يخطبك بس هو تاخر اذا هو يتحمل نتيجة تاخره
وانتي غيري رقمك حالا
ولا تحاولين تتذكرينه حتى لان بكره بتتزوجين والشيطان شاطر بعض البنات لما تتزوج وكانت تحب من اول الشيطان يغويها لما ما تلاقي بزوجها مواصفات الحبيب فتظطر انها ترجع للحبيب
اسحبي عليه وانسيه بالمره سيبيه يتعذب خخخخخخخخخ نذله صح بس يستاهلون الشباب حلال فيهم من اللي يسوونه بالبنات