WIDTH=0 HEIGHT=0
ابتسم لي وجه حظي والمنى
في حياتي واختصرتك يالعنى
حتى تعرف يازمان منهو انا
لاقني ناظر نجاحي في ذهول
ياجناح الحلم خذني للنجاح
طير وارسمني بفرحه وارتياح
شايف اصراري على ضم الصباح
من طلب بالعزم غاياته ينول
ما تعبت ولا توانت خطوتي
هذا هو وقتي وهذي لحظتي
شاهد احساسي تأمل نظرتي
ازهرت في نظرتي كل الفصول
ياجناح الحلم خذني للنجاح
طير وارسمني بفرحه وارتياح
شايف اصراري على ضم الصباح
من طلب بالعزم غاياته ينول
كل ما حققت خطوه هانيه
تندفع ذاتي لخطوه ثانيه
والاراده دامها متفانيه
لازم تبشرك بايام الوصول
ياجناح الحلم خذني للنجاح
طير وارسمني بفرحه وارتياح
شايف اصراري على ضم الصباح
من طلب بالعزم غاياته ينول
نلتها والله وفقني لها
واقطفت نفسي ثماير بذلها
فرحتي وما رح اكون الا لها
ياعساها عن عيوني ما تزول
ياجناح الحلم خذني للنجاح
طير وارسمني بفرحه وارتياح
شايف اصراري على ضم الصباح
من طلب بالعزم غاياته ينول
واحد اثنين وابتديت من الصفر
لين حققت الذي فيه افتخر
ايه كذا ياقلبي واصل واستمر
اعشق احلامك وعنها لا لا لا لا تحول
النجاح
قوة الاراده
العزيمه
ليست صعبه
اذا كنا نريد تحقيقها فعلا
هل انتي سمينه ؟
تعبتي من السمنه ؟؟
سمنتك عائقا لك في كل مجالات حياتك
هذه هي سمنتك كهذه الصخره
متى ستنوين ازاحتها عن طريقك ومشاهدة الحياه باجمل صوره ؟؟
لا تقولين لم استطيع
وصعببببببب
ليس هناك شيء صعب في هذه الحياه
نحن من يجعل الامور صعبه ونحن من يجعلها سهله
فان اردنا تسهيلها جعلناها اسهل من شرب الماء
وان اردناها تصعيبها جعلناها اصعب من صعود الجبل
اقولكم كيف <<بتقلب بالعاميه لازم تشكيل مره فصحى مره عامي
يوم من الايام عزمتك وحده من صديقاتك
وقالت لك راح نجتمع كلنا يابنات علشان اختي مصلحه حفله لتخرجها
وراح نفلللللل ابو ابوها
طبعا وانتي تبين تحضرين هالحفله لااااااااااازم
وجاء اخوك او زوجك قال ماراح اوديك
قلتي له ليه ؟؟
قال العصر بروح اصلح سيارتي
وبعدها مواعد ابوي اوديه مدري وين
وبعدها بطلع مع الشباب لمدري وين
المهم كان جدوله فعلا مزحوم وماعنده وقت
وصعب انه يوديك
لكن انتي تبين تروحين باي طريقة كانت
هل راح تقولين انه فعلا صعب على اخوي مسكين وماراح اشغله
خلاص ااجلها لمره ثانيه
لا والله بتخلينها سهلللللللللللللله وتجلسين تفكرين بحل
ليييييييييين تلاقين هالحل علشان يوديك
لكن لو انتي ماتبين تروحين ومالك نفس
واخوك اصلا فاضي وماراح يرفض انه يوديك
بتدورين على عذر
والله ماعندي لبس جديد
ووالله ماعندي فلوس اجيب هديه
وامي مسكينه من بيجلس معاها
المهم بتخلين هالامر صعب لانك انتي مو مصره على الروحه
شفتو اشلون هذا هو حالنا بالضبط يالسمينات
نقول والله مانقاوم الاكل
والله صعععععععععب اشوف الحلى قدامي ومااكل الصينيه كل ابوها
والله انا اتعب من الرياضه <<بلاه من الشحوم اللي اثقلت اجسامنا
والله انا اشوف نفسي كذا حلوه << لا والله ماصدقتي
والله صعب اكسر بخاطر زوجي لما جاب عشاء من برا
ماقلنا اكسري بخاطره لكن لا تاكلين الاخضر واليابس وتمسحين الصحون مسح
،،،،،،،،
،،،،،،،،،،،
حبايبي السمنه مو شيء صعب ولا كارثه مالها حل
لاااااااا والله السمنه شي بسيط
وممكن ازالته والتخلص منه للابد
لكن بشرط هو
>>إرادتك القويه وعزيمتك<<
لين متى واحنا ناكل بدون تعب ولا ملل ولا كلل
والله من جد يابنات فكرو وياي
طيب كلينا سنين طويله
وجمعنا شحوم مااستفدنا منها اي شي
بالعكس الا بتجميعنا لهالشحوم خسرنا اشياء كثيره
واولها واهمها صحتنا ثم ثقتنا بانفسنا
ليه مانبي نحضر جمعات الحريم والمناسبات
ليه نكره نزلة السوق وحتى اللي ينزل معنا يكرهنا
من كثر مانلف فيه ولا نلاقي شي
وان لقينا مايكون على حسب ذوقنا ومزاجنا
ليه نصبر للنظرات القاتله والجارحه ممن حولنا
طيب علشان ايش احنا نكون مستسلمين لهشحوم
ونخليها تبني بجسدنا ادوار لا نهاية لها
متى راح نقول للسمنه
كفااااااااااااااااااااايه stop
من اليوم الاربعاء 2 /3 /1433
لااااااااااازم كلنا نقول للسمنه stop قفي عند حدك
والله ياسمنه انا مو مضحكه تضحكين بعقلي
والله ياسمنه انا مو مجنونه علشان تستهبلين عليه
والله ياسمنه انا مو ضعيفة ارادة علشان تهزميني
ياسمنه انا انسانه اقوى منك
وبقوتي وارادتي وعزيمتي راح ازيلك من حياتي
راح اخليك مجرد مااااااااااااااااضي
ويكون بعلمك صحيح احيان نتذكر الماضي
لكن انتي مستحيل افكر فيك بيوم
راح انهيك من حياتي
وراح اعيش مع حبيبتي الرشاقه
اي نعم راح اعيش باقي حياتي
بكل ثقه
بكل سعاده
بكل صحه
ماراح استسلم لك
وكل ماجيتي تغلبيني بيوم
راح اتذكر خيانتك لي
وايش صلحتي فيني من جروح ومن تعب ومن مرض
وابعععععععععععععععد عنك للابد
،،،،،،،،،،،،،
،،،،،،،
طيب الحين عرفنا ان الاراده والقوه والعزيمه
هي الاساس للوصول الى الرشاقه والصحه والجمال
لكن وشو الطريق اللي راح نسلكه للوصول الى هدفنا
شحوم جمعناها على مدى سنين طووووووووويله
كيف الطريق الصحيح لازالتها وعدم عودتها للابد
هل هو تعذيب النفس وحرمانها وتجويعها جزاء ماكانت تفعله في الماضي ؟؟
او نتدرج حبه حبه بدون انظمه قاسيه ولا حرمان ولا تجويع للوصول الى الهدف ؟؟
الصحيح بالطبع هو التدرج
حتى يتعود الجسد على النظام الصحيح الجديد
يعني ماتفاجئين الجسم بالحرمان والقسووووووووه
وتلاقينك بعد فتره تاركه هالحرمان وراجعه للاكل بشراهه
وتقولين لا ابوك لا ابو الشخص اللي اخترعك ياهالرجيم :hahaha:
وتجلسين مسنتره بقسم السمنه وتتابعين كل جديد
ولا حياة لمن تنادي
وتجلسين كل مره تكتبين بردودك ومواضيعك هذا الكلام :
الرجيم صعب اذكر لما صلحت رجيم
مره ماقدرت وتعبت ومجرد ماوقفت رجع وزني اكثر
وش اصلح يابنات الرجيم صعب
مدري وشلون تضعفون وتتحملون ماعندكم شي يسد الشهيه
ابي اموت ابي اذبح نفسي ابي انتحر :icon33:
وهلمممممممم جرا من هالمواضيع والردود
وهذا كله مو بسبب الرجيم لااااااااااا
بسببك انتي واتباعك للطريق الخطاء وتفكيرك الخاطيء بالرجيم
طيب تقولين لي ياحنونه عطينا انتي الطريقه الصح
اقولك اوكي ابشري من عيوني ماطلبتي شي
>>>اول شي<<<
لازم تقنعين نفسك انك راح تنحفين
وراح تكون عزيمتك وارادتك قويه
وان الاكل ماراح يطير من هالحياه ولا يختفي
واني راح اكون اجمل واحلى لما انحف
وراح امشي امام الجميع وانا رافعه راسي وواثقه من نفسي
وانا مو اقل من غيري
يعني اللي قدرو ينحفون 50 كيلو او اكثر ماهم افضل مني بشي ؟؟
الحمدلله عندي يدين ورجلين وعندي عقل مثلهم
وراح اكون افضل منهم
،،،،،،،،،،،
،،،،،،،،،
>>>ثاني شي<<<
لازم تعرفين ان السرعه في نزول الوزن مو حلوه ابد
والحرمان كمان مو حلو
افضل واحلى شي التوسط
فكري معاي شوي
كم صار لك بهالقسم وتقولين ابي انحف ؟؟
انا عن نفسي صار لي 5 سنوات
كل يوم اجي هالقسم واتصفح الجديد
وتقوى الاراده شوي
وبعدها تضعف مع اول زياره للمطبخ
وخلال هالخمس سنوات جمعت اكثر من 35 كيلو
والحين وزني 102
يعني يبي لي انقص 37 كيلو
لين اوصل للوزن المثالي وهو 65
من اخطائي السابقه اني كنت ماافكر بجسمي الا قبل المناسبات
اصلح رجيم قاسي ورياضه عنيفه
ومجرد تنتهي المناسبه
اسحب سيفون على الرجيم والرياضه
وارجع دبل اللي راح
طيب وشو الصح اللي لازم نصلحه الان ؟؟
هو التخفيف بدون حرمان
يعني مثلا كنتي تفطرين 3 حبات بيض و2 صامولي
غيري من اليوم افطري 2 بيض و1 صامولي
والغداء والعشاء نفس الشي كلي نفس اكلك لكن بتقليل الكميه
على المغرب مثلا تاكلين نص صينية الحلى كلي اليوم ربعها بس
وهكذا لمدة 5 ايام خليك على هالنظام
بعد خمس ايام قللي الكميه كمان اكثر
يعني افطري حبة بيضه ونص صامولي
والغدا والعشاء نص اللي كنتي تاكلينه الخمس الايام الماضيه
حتى لو كان مقليات او فيه دهون مو مشكله اهم شي بالشهر الاول
نعود المعده على تقليل الاكل
وصينية الحلى كلي صف واحد يعني 3 قطع
واستمري كذا 5 ايام
بعدها حاولي تدخلين باكلك الاكلات الصحيه
مثلا افطري بيضه وربع خبز بر او شريحة توست لا تاكلين صامولي
او كلي يوم صامولي ويوم بر
الغدا حاول يكون الدجاج مسلوق او مشوي بالفرن مو كل يوم
العشاء خليه خفيف شوي وقدمي وقته نفس الشي مو كل يوم
الحلى بدال 3 قطع كلي قطعه وحده تكفيك
واشربي كوب شاي اخضر
الحين خلصنا 15 يوم وهي نص شهر
وبداء جسمنا يتعود على تقليل الاكل
وماحرمناه من شي ابدددد
طيب نص الشهر الثاني
استمري على نظام التقليل او التخفيف
كل خمس ايام قللي الاكل حسب قدرتك
لكن من دون ماتحرمين نفسك
مع البحث عن الاكل الصحي
ومحاولة الابتعاد عن مسببات السمنه
وبكذا الجسم راح يتعود معاك على الاكل القليل والصحي
وبدون حرمان
،،،،،،،،،،،،،،،
،،،،،،،،،،،،،،،،
ثالث شي
الرياضه
ماابيك تهلكين نفسك من اول يوم
ثم تطفشين وتتركين الرياضه لا
اول يوم امشي 10 دقايق فقط واستمري كذا 5 ايام
بعدها زودي 10 دقايق واستمري 5 ايام
وبعدها زودي 10 دقايق واستمري 5 ايام
لين توصلين مع الايام للقدره على المشي ساعه بكل سهوله
كمان لا تنسون الرقص رااااااااااائع وينحف
لكن احذركم من الرقص على الموسيقى حتى لا تغضبون الله
وابرء ذمتي ممن ترقص على الموسيقى
وافضل شي الرقص المصري
واللي تبي ترقص مصري
ترقص على انشودة العفاسي الله الله يامصر
اضغطي هنا لو تبين تسمعينها
بعد ماتتعودين على الرياضه وتحبينها
ادخلي النت
ودوري مقاطع ايروبك
وصلحي معاهم على حسب قدرتك
وبكذا راح تتعودين على هالشي
ولو تركتي يوم المشي او التمارين
راح تحسين انه ناقصك شي
،،،،،،،،،،،،،،،،،،،،،
،،،،،،،،،،،،،،،،،،،،،
>>>رابع شي<<<
الميزان
ماراح تنقصين كثير في البدايه
لانك جالسه تعودين نفسك على شي غريب عليه
فراح يكون نقصك في البدايه بطيء
لكن مع الشهور القادمه راح ينزل وزنك بشكل رائع
ولو نزلتي كل اسبوع كيلو واحد فقط
احممممممممممدي ربي واشكريه
لانك راح تجمعين كل شهر 4 كيلو
واحسبي معايه الحين باقي على رمضان 6 شهور
لو نقصتي كل شهر 4 كيلو
راح تنقصين قبل رمضان 24 كيلووووو
شيء راااااااااااااااااااائع جدا
ومع الشهور القادمه راح تنقصين كمان نفس الشي
بشكل بسيط وسهل وافضل من انك تستعجلين على نفسك
ثم يجي السنه القادمه مثل هاليوم
وانتي لا زلتي بهالقسم ووزنك زايد اكثر من الحين
وتدورين عن رجيمات
انقصي حبه حبه واوصلي للي تبين
افضل من انك تنقصين بسرعه ثم ماتوصلين للي تبين
كتبت لكم كل اللي بقلبي
واللي راح اصلحه انا باذن الله من اليوم
واسال الله ان يعين يارب وينحفنا جميعا من غير ضرر ولا مرض
بقلم محبتكم واختكم : حنونه في زمن جارح
والموضوع غير منقول
بل من مجهودي وكتاباتي من القلب
ويارب توصل للقلب مباشرة
دعواتكم ياغاليات
واللي تبي تنقله حلالها
موضوعك مره حلووو واسلوبك الاروع