حبوبـــات اريد محل تفصيل كنبات بالرياض سعر معقول وجودة حلوة اثابكم الله//قديم

اهلين ياقلبي انا توني مفصله كنبين اخذتهم مع الستاير ب7 الاف مره السعررر معقول

واحد باربعه الاف وواحد بثلاثه الاف ...

وخشب قووي واقمشه اكثر من ممتازززه ..


روحي للحراج في محل اسمه برجس رهيب واسعاره تمااااام واحنا لقينا كنب عند ديموس ب8000 ورحنا فصلنا عليه كلفنا 4000 يعني مرررره ممتاز السعر ...

ونصيحه لك حبيبتي
خليه يحط تحت جلسة الكنب خشب يعني زي البلاكاشه هم يحطون قماش مطاطي مع الوقت ينشق وينخفس بس الخشب لو تطلعين عليه انتي ماينكسر وعرض الكنب خليه 80 او 75 افخم ..واسفه ع الاطاله :)

انتي وين ساكنه....
في السويدي بشارع النخيل محل اسمه همس الخريف اسعاره معقوله وانا جربت سابقا الحراج بس مره مايدوم يخرب بسرعه..

همس الخريف تفصيلهم متقن فصلت عندهم مجلس رجال..وزي منتي عارفه المجالس ماتنكرف عكس الصاله وغرفة المعيشه..

المتر عندهم ب450 وفوق تقريبا..

اناا كمان ابحث عن محل تفصيل افيدونا جزاكم اله خير

للرفع

رفع