اختي تكفين الله يوفقج ويناولج اللي في بالج ابي اسم الحبوب هذي
وهل تعطي درجة البياض بالنسبة للسمر ....
انا ناطرتج ترسلين لي لان ورااااي زواج فلاتبخلين علينا

صدقتي أختي البدر
وفيه أيضا تغيير لخلق الله إذاكانت الوحده سمراء مره وتقلب لونها بياض فهي داخله في حديث اللعن
ثم إن الحبوب هذه هي حبوب البرص أعاذنا الله منه يعطونها من تريد البياض بنسب معينه

مشكورة Basbosah على اهتمامك ونصيحتك بس أنا ودي أعرف هل هذه الحبوب فعلا طبيعية و تساعد في الحفاظ على الصحة العامة لأنه هذا الكلام اللي قريته في المواقع الأجنبية كلهم يقولوا أنها مجرد فيتامينات يحتاجها الجسم عشان يكون أقوى وأكثر صحة وكمان تحتاجها البشرة ولو كان فيها أي مشاكل زي الحبوب و سواد بعض المناطق هذه الحبوب ترجع كل شي لأصله زي الأطفال الصغار ومع مرور الوقت بيفتح الجسم أكثر وأكثر

أنا ودي وحدة من عضوات المنتدى تسأل طبيب (ثــــــــــــــــــــــقــــــــــــــــــــــــــة)
وتفيدنا هل فعلا هذا الكلام صحيح

ومشكورين الأخوات على اهتمامهم بالموضوع و ردودهم

:)السلام عليكم ورحمة الله وبركاته
اول شي اختي البدر انا لااسوق ولاابيع انا شفت بعيني جارتنا تغيرت بشرة وجها وصارت اصفى وصارت رايقة وناعمة وضاهجة يعني زي المراية ، بعدين انا لما اقول الاميرات او الشيخات فانا قلت نفس الكلام اللي سمعته عزيزتي وحبيت اني اشارك في فايدة تعم على الجميع
سراب دبي تسلمي اختي انا عارفة انكن ماتقصدن الجرح انما الافادة والنصيحة بس عزيزتي انا بعد احب اقولج اني لما تكلمت عن الكريم هاذ ماقلت انه يبيض انا قلت يفتح البشرة يعني يخلي فيها حيوية ونضارة من زود صفاءها عزيزتي
الاخت sad mad حبيبتي هاذي كريم مب حبوب ومجرب من جارتنا اللي تسكن عدالنا صارلها اكتر من 13 سنة يعني مصدر موثوق وانا بروحي بجربه ولو تستني 15 يوم انا بقولج النتيجة ان شاء الله من تجربتي الخاصة
3etwia عزيزتي هاي دكتورة اختصاصية بالامراض الجلدية مختصة بتجميل البشرة وموجودة في عمان وتسوي هالتركيبة على ايدها وكلها مواد طبيعية مفيدة للبشرة
اختي الفور عود الموز والاخت عضة الابهام لحد الان مااعرف عنوانها او اسمها بس اليوم بجيبلكم كل المعلومات عن الكريم وعن الدكتورة ان شاء الله
اما الاخت عطر الليل مااعتقد حبيبتي اني احمل الكريم وادور فيه على المختبرات اعمله فحوص وتحاليل ماانا اقولج انها مركبته طبيبة اختصاصية جلدية يعني مو اي حد جاي يسوي تجارب على خلق الله
الاخت pure tear اعتقد لما تكون التركيبة طبيعية من مواد طبيعية مااعتقد ان ليها تأثير على الميلانين او خلايا البشرة اختي
مرآة نفسي تسلمي اختي تغيير الخلقة يكون لما تسوي شي يغير من خلقة رب العالمين مثل النمص والشد وتصغير الانف ونفخ الشفايف
اما لما تستخدمي شي يصفي وجهك ونقيه ويخليه متل المراية يضوي وبشرة صافية نضرة مافيها اي اثر للكلف او النمش او اثار الحبوب مااعتقد انه تغيير لخلقة ربي
والسلام عليكم ورحمة الله وبركاته وجزاكم الله كل الخير على تفاعلكم معي :)

الحين كل هالكلام ولا وحدة جربت شي يبيض ...معقولة
طيب اللي ابيضوا ليش ما يعلمون