حبوب الروكاتين

هلا والله
شوفي يااختي هي طريقتها انها تضيق المسامات الدهنيه بحيث ماتفرز دهون كثير
وانا الحين اخذها بس توي ببداية العلاج يعني مابعد بين معي شي
بس اذا طلعت معي نتيجه ان شاءالله باجي اقولك



وبعدين دامك تقولين انو فيك حبوب ليه ماتستخدمين الرواكيتن وتريحين نفسك؟؟

مشكوووووووره حبيبتي وان شالله ابستخدمها لان مساماتي واسعه وعندي كذا حبه وكل فتره يطلعون ويروحون بهذلوووني مرة
وان شالله تفيدينا بتجربتك والبنات برضوو الي استخدمو ه يعطونا تجاربهم عشان كلنا نستفيد
ماتقصروووووووون كلكم

انا استخدمتها من قبل سنة ..

والسبب اني حفيت وجهي ,, وظهر لي حبوب ,, وهي اول مرة تقريبا تظهر لي ,,

ورحت عند دكتور مختص ,, ووصف لي حبوب الريكوتين ,,,


وخذتها كورس كامل لمدة 5 شهوور ,,

طبعا اول مرة ظهرت حبوب في ويهي اكثر ,, من قبل ,, حتى اني خفت ,,

ولما سألته قالي ,, هذي الحبوب تظهر الحبوب الي تحت الجلد كلها وبعديت تعالج البشرة ,,

ونصحني ان ارطب ويهي وشفايفي دايما بفازلين او جليسرين ,,

حبيبتي انا استخدته ,, وظهر لي حبوب , ووبعدين بدت الحبوب تختفي ,,

وبالفعل اختفت نهائيا من ويهي ,,, والحمد لله ,,
وقبل ما اخذ هذا الدوا كانت بشرتي دهنيه ,, الحين صارت جافة ,,
ودايما ارطبها ,,

انا ارتحت لهذا الدوا وايد ,,, وايد ,, لانه صفى بشرتي ,,

لكن له آثار ,, انه يسبب تساقط الشعر ,, وجفف جسمي ,, حتى شفايفج بتتقطع وايد ,

ولازم ما تلبسين عدسات في عيونج ابدا ,,

حبيبتي مثل ما قلت لج ,, داومي على الفازلين او الجلسرين , على ويهج وشفايفج ,, بس لما تحطينهم لا تظهرين بالشمس ,, لانج بتسمرين ,,

وعشان اكون صريحة معاج ,, بعد مروور سنة كاملة ,, رجعت الحبوب ظهرت مرة ثانية ,,
وانا اجهل السبب ,,

واستخدم لها حاليا خلطة ( الريتين + الدوكين )

والحمد لله بعد ,, احس الحبوب خفت وايد ,,

وانا الحبوب الي تظهر لي خفيفة ... وعلى الخدين ,,


لازم تقرين الارشادات المكتوبة في ورقة الدوا ,, عشان تحتاطين ,,

واي سؤال انا حاضرة ,,

مشكورين ماقصرتو بس ماقلتو لي يسوي اثار ؟؟؟؟؟؟

وزياده انه يلخبط الدوره الشهريه ويخشن صوت ويساقط الشعر ويسبب جفاف للبشره من تجربة صديقه لي وكلام الدكتور لها