وانا سمعت وقريت عن بنات ياخذون الحبوب بدون وصفة طبيب!!!!!!!!! مادري ليش الأطباء عندنا وايد متساهلين!!؟؟
والله العظيم دكتورتي كانت تعطيني اياهم وتعدهم لي بالحبه... ولا حبه زياده.. لدرجة ان لما الصيدلي يشوف انها حاطه عدد الحبوب وتكون أقل من اللي بالعلبه.. يروح يجيب مقص ويقص لي على العدد بالضبط!!
ولما كنت أرجع البحرين في الاجازه ما ترضى تعطيني زياده للفتره اللي ما راح اكون موجوده فيها،، تعطيني رساله تكتب فيها الحاله والجرعه والتحاليل اللازمه وتقول لي اذا خلصت الحبوب وانتي للحين في ديرتك، روحي لطبيب جلديه وعطيه هالرساله وبعد ما تطلع نتيجة التحليل خليه يكتب لك الوصفه!!! تخيلي التعقيدات هاذي ليش؟ لأنهم ياخذون الأمور بجديه وما يستهينون بصحة الناس
والسالفه مثلما ذكرت أخطر أعراضها هي تشوه الجنين... والأعراض ألاقل خطوره هي تأثيرها على وظائف الكبد
يعني الجفاف وتساقط الشعر يعد لا شئ على الاطلاق
وعلى فكره،، الطبيبه قالت لي ان اللي ياخذ الحبوب ما يصير يمارس الجماع الى على الأقل 6 شهور من بعد ما يخلص الكورس.... شوفي لأي درجه هي قويه وتأثيرها ما يطلع من الجسم بسرعه؟؟
واللي ترجع لها الحبوب بعد فتره،، معناتها عندها مشكله في الهرمونات لازم تعالجها أول ..
انا بقول لك عن تجربتي
أنا استعملت هالحبوب لمدة 6 شهور تحت اشراف طبيبه كنديه في مونتريال
الطبيبه خلتني أوقع على ورقه الغرض منها تعهد مني بعدم ممارسة الجماع أو عدم ممارسة الجماع بدون واقي (رغم اني مو متزوجه لكنهم أصروا علي اني أوقع لأنهم ما تفرق معاهم اذا متزوجه أو لا)
ليش خلوني أوقع على هالورقه؟؟
لأن الحبوب عباره عن جرعه مركزه من فيتامين A .. اللي ممكن ينتج عنه جنين مشوه في حالة الحمل
الطبيبه خذت تحليل دم وكبد قبل العلاج، وكانت تعيد التحاليل كل 4 أو 5 أسابيع، و ما تكتب لي الوصفه للشهر اللي بعده الا بعد ما تشوف نتيجة التحليل
الطبيبه شرحت لي كل الاثار الجانبيه ((وطبعا أكثر شي كانت مركزه عليه هو موضوع تشوه الجنين))
الاثار الجانبيه اللي صارت لي
- جفاف شديد في بشرة الوجه والجسم .. وتخيلي هالجفاف مع جو مونتريال في عز الشتا ودرجة الحراره 20 و 30 تحت الصفر
كنت أحس بالألم في يدي من كثر ما هي ناشفه ومتشققه
لكني استحملت
وطبعا الكريمات العاديه ما كانت تنفع،، فكنت على طول أستعمل الفازلين .. أدهن فيه وجهي ويدي ورجولي
- تشققات في الشفايف لدرجة اني لما ابتسم كان يطلع دم
وهم هاذي واظبت عليها بالفازلين
النتايج بديت اشوفها أعتقد من ثاني أو ثالث اسبوع
وكانت نتايج رهيبه
أهم شي هو التحاليل الشهريه
وانا مستغربه من الاطباء في منطقة الخليج اكثر شي مركزين عليه هو تساقط الشعر!! بدال لا يحذرون الواحد من الاثار الاكثر اهميه وخطوره.. ماسكين على تساقط الشعر!!!