الله يجزاك الجنه على هالنصيحة

جزاك الله خير ........

وبالكويت منعو حبوب تايلند من زمان

طيب شاي جامو فيه شي ؟؟ بليز قولوا لي صايره اشربه انا :(

مشكوره اختي والله يجزاكِ خير

نحتاج توعيه صحيه كما نحتاج التوعيه الدينيه

فالبنات يبيعون اعمارهم بسبيل الحصول على الرشاقه ويسلكون طرق ضاره تؤدي بهم
الى نتائج لا يعلم مضارها الا الله,,,,فشكرآ لكِ اختي ماقصرتي ونتمنى مزيد من المواضيع التوعويه

أهلاً خواتي..

زوزو..
عاشقة الحب..
سوسو..
قرية التوت..
همسات الشعر..
بنت الإمارات..
قصر من سكر..
جاذبية..
فاتنة الحي..
أمل الإمارات..
بنت أجاويد..
بنت الكويت..
ميلاد..

الله يجزاكم خير حبيباتي مشكووووورين على الردود.. والله يعافينا وإياكم..
اللي خلاني أكتب هالموضوع هو أني أتذكر أن وحدة كتبت عن حبوب تنباع في كشك صغير في سوق في الشرقية يبيع حبوب تخسيس مجهولة المصدر .. والصفحات صارت بالعشرات من كثر ردود اللي يسألون عن هالحبوب يبون يشترونها فحبيت أحذر..
والله يرزقنا جميعاً الأجسام الحلوة بدون حبوب ولا ريجيم قاسي وخرابيط و يجمعني وإياكم في جنات النعيم إن شاء الله..

ميلاد شاي جامو ما أعتقد فيه شي.. لكن مع الاستخدام المتواصل الطويل ممكن يسبب سرطان الأمعاء لأنه يرهقها من الإسهال المتواصل أعزك الله وأبسط آثاره حدوث الكسل في الأمعاء والإمساك -أعزك الله- بعد تركه لأن الجسم تعود عليه..
أفضل شي تستخدمينه فترة محدودة ما تزيد عن شهر أو على فترات متباعدة..