حبوب على سطح رحمي اسوي عمليه والا لا انصحوني الله يرزقكم

السلام عليكم ورحمة الله
وبركاته

يابنات اسمعو سالفتي ويشهد علي ربي اني اكتب لكم موضوعي وقلبي يحترق وماني عارفه وش اسوي
المهم ....
سويتا التحاليل اللازمه وسويت الترا سوندطلع معي
صغر في حجم البويضتين ومعي حبوب على سطح الرحم تقريبا جايه ها الحبوب على جنبين سطح الرحم لما جتني الدوره المره هذي استخدمت البروليفين لمدة خمس ايام من ثالث يوم من الدوره واستخدم معها حبه يوميا الفوليك اسيد وثلاث حبات يوميا الكلوكوفيج المهم قالت لي الدكتوره اذا خلصت منك الدوره ونضفتي سوي الترا سوند عشان تشوف ان كان فيه تغير او لا بعد العلاج سويت الالترا سوند وكان موعدي اليوم مع الدكتوره شافت الالترا سوند قالت مافيه اي تغيير نفس نتيجة الالترا سوند اللي كانت قبل العلاج المهم قالت لي انتظري الين يجي موعد الدوره اذا ربي رزقك وحملتي اوكيه واذا جتك الدوره وخلصت ونضفتي تجين وتسوين عمليه عشان تشيل الحبوب اللي على سطح الرحم :icon33: تقول لي الدكتوره اذا بعطيك علاج وادويه لها الحبوب اللي على سطح رحمك راح تاخذ فتره طويله ويمكن تضرك اكثر واكثر ..
سألتها عن طريقة العمليه يعني من وين با الضبط قالت انها تفتح فتحتين على الجنبين صغيره وفتحه فا الوسط اكبر من الصغيره بشوي وتدخل التلسكوب وتشيل الحبيبات :( وترجع تخيطها وبعد خمس ايام اروح لها عشان تفتح الخيوط وبعد العمليه اذا حملت اوكيه واذا ماحملت تبدى معي في علاج صغر حجم البويضه وتقولي الدكتوره ان الحبوب مشكله من مشاكل عدم حملي با الاضافه لصغر البويضه هي طمنتني تقول ان العمليه هذي دايما تسويها وهي ماشاء الله عليها مره شاطره ومعروفه وسألت عنها دكتوره مدحتها والله اعلم انا ماني خايفه من كذا انا خايفه اذا كانت ها العمليه تسبب لي عقم او امراض ثانيه مع انها قالت لي انها عمليه مره صغير وبنفس اليوم اطلع بس اتم عندها خمس ساعات واطلع من المستشفى
الا هنا انا محتاره:09: وماني عارفه وش اسوي؟؟؟ اسوي العمليه والا انتظر شهر او شهرين ؟؟ وش تنصحوني فيه وهل مرت عليكم ها الحاله وسويتوا عمليه حملتوا ؟؟ او قريتوا او سمعتوا؟؟ تكفون طمنوني واللي عندها خبره في ها الامور لاتبخل علي انا توي عمري 23 وصار لي متزوجه 11 شهر احس اني صغيره على ها العمليات :icon33: تكفون ساعدوني وادعوا لي اني احمل ها الشهر لاتنسوني من دعواتكم المشكله اني في غربه وماحولي أحد ادعوا لي
ربي لاتذرني فردا وانت خير الوارثين اللهم امين :)