حبوب كلوفاج للتخسيس

ان شاء الله البنات يردون عليك ونستفيد انتي بالضبط مهما اسوي مشي ورياضيه وزني ثبت اللحين وزاد اربعه كيلو وسويت تكميم من ثلاث سنوات بكره بكمل اربع سنوات سبحان الله السنين مررت بسرعه ننتظر البنات

اقصد انتي مثلي بالضبط

ميتفورمين او الجلوكوفاج علاج لمرضى السكر ويوصف لعلاج تكيسات المبايض وللمصابين بالبدانه اللي اوزانهم جدًا عالية
لأنه يقلل من مقاومة الخلايا للانسولين ويضبط مستوى السكر في الدم ...هذا لمرضى السكر
ويقلل افراز الانسولين من البنكرياس فيضبط معه هرمون التستوستيرون( هرمون الذكورة) في الدم
اللي يتزامن ارتفاعه وجود التكيسات ...وهذا لتكيس المبايض
وبما ان المصابين بالبدانة هم أكثر عرضه للإصابة بمرض السكري النوع الثاني ويترتب عليه متلازمة الايض
فيصير ضعف في البنكرياس لكذا يوصف لهم ميتفورمين للوقاية او العلاج وللمساعدة على خسارة الوزن
مع أن منظمة الغذاء والدواء الامريكية نفت أن الميتفورمين يساعد على خسارة الوزن لعدم وجود دراسات مؤكدة
وانه ممكن يثبت الوزن ويخفض مستوى فيتامين B12
ومن أعراضة الجانبية :
إضطرابات في المعدة
خفقان في القلب وصعوبة تنفس
غثيان وتقيؤ واسهال
إجهاد وصداع وتنمل الاطرف
ضعف عام والم في العضلات
نقص فيتامين B12 <<(بتضطرين تستخدمين مكمل غذائي والا بتسوء صحتك بسبب انخفاضه)
ومايناسب مرضى القلب والكبد والكلى والام المرضعة
هذا من الجانب العلمي ومن الجانب الشخصي
أستخدم الجلوكوفاج من سنوات لتكيس المبايض واستشفيت خلالها ان الجلوكوفاج تبين فاعليته مع الحميه الصحية والرياضة
من دونهم يثبت وزني وممكن يزيد وهالشيء تكرر عند أكثر من حالة
لكذا أستخدام الميتفورمين او الجلوكوفاج لا ينصح فيه الا للثلاث الحالات اللي ذكرتهم بأول سطر و خسارة الوزن مو مضمونه مع الكل .
وإذا كنتِ مصره على استخدامه لا تتجاوز الجرعة 500 في اليوم بعد تناول وجبة رئيسية
ويستحسن قبلها ترفعين نسبة فيتامين D ممكن ينزل وزنك وما تحتاجين للجلوكوفاج.

والله ماجربته
بس اعرف وحده جربته ولا نحفت ولا استفادت شيء وزنها نفسه ماتغير
موفقه والله ينحفنا واياك بالعافيه♥️

هذي حبوب تنظيم سكر مب حبوب تخسيس ما تضعف عليها الا اللي سمنتها تكون نتيجة مقاومة الأنسولين
انتي عندج الدال نازل ممكن يكون سبب يعيق نزول الوزن حاولي ترفعينه