السلام عليكم ورحمه الله وبركاته ......
انا ابغا اقولكم عن تجربتي مع الحبوب استخدمت قبل سنه تقريبا حبوب ياسمين قريت عنها في المجلات انها توها جديده ومضمونه ومزاياها حلوه ورحت للدكتوره وسالتها عنها وبصراحه مدحتها وقالت انها احسن حبوب موجوده حاليا بس لازم اسوي لك فحص علشان اشوف هل هي تناسب جسمك والحمد لله طلع كل شى تمام وبديت استخدم الحبوب وتميت عليها شهور بس سوت لي فقدان للشهيه ونزل من وزني كثير ونحفت وخرب جسمي لاني والحمد لله كنت اتميز بجمال جسمي وتناسقه وكل اللي حولي لاحظوا علشان كذا هي تناسب النساء البدينات وبعد كذا تركتها واخذت حبوب جراسيال وهي بعد جديده نزلت بعد ياسمين لكن كان تاثيرهاعلي قوي من ناحيه العصبيه كنت اعصب وازعل لاتفه الاسباب ووزني قل بعد ومااستفدت اي شى من تغيير الحبوب وانا حاليا وقفتها ومااستخدم شي بس ناويه بعد فتره ارجع استخدم حبوب ياسمين والله يكون في عون الجميع .......
انا اسفه على الاطاله بس حبيت احكي لكم عن تجربتي وتقبلوا خالص تحياتي :26:

السلام عليكم ... انا بقولكم تجربتي بعد الولاده سالت دكتورتي وش احس حبوب منع الحمل .. قالتلي جينيرا ..ومن اول يوم اكلتها والنفسيه صارت زفت والله صرت ماتحمل كلمه من زوجي (كني ادور المشاكل ) بعدها بكم شهر ...رحت لدكتورتي في امريكا وقلت لها اني ابي حبوب نسبة الهرمون فيها بسيطه للنفسيه..وتكون توها نازله السوق ..(لاني سامعه ان الحبوب الجديده اتكون احسن ) وكتبتلي نوع والله ماعرف اسمه والحمدلله زينه ..

شكرا لتواصل الجميع والله يعطيكم الصحه والعافيه والذريه الصالحه

سبحان الله الناس يختلفوت (جينيرا ) ماسببت لي عصبيه ملحوظه لحد الان الله يستر .


هل فعلا ياسمين تنحف هل فيه احد استخدمها ونحفته غير( الفاتنه) ودنا باللي نحف ولا شرايكم.


ونريد المزيد.

مرحبا بنات
كييييييفكم
انا مستغربة ان الى الان مافي احد جرب او سمع عن " لوجانون"
هذه هي اللي استخدمها او اللي كنت استخدمها
انا بصراحة اخذتها من صاحبتي قالت انها مرتاحة منها كثير واهم شئ انها ماتزيد الوزن
وفعلا جربتها الحمدلله مااحس انها زادت وزني لكن بالنسبة للعصبية ماادري لاني مااقصر اساسا في هالموضوع

بس انا الحين تركتها لي الحين ثلاث شهور
وحاولت الحمل بس مرة وحدة الشهر الماضي وماصار وانشاءالله راح احاول الشهر الحالي
المعنى اني ماادري اذا كانت تأخر الحمل والا لأ .... ياليت اللي عندها خبرة تعلمنا
المشكلة انه صاحبتي اللي علمتني عن الحبوب لها اكثر من سنة ونص وهي تاركة الحبوب والى الان مافي حمل
بس بصراحة انا مااعرف اذا هي تحاول انها تحمل والا تستعمل موانع ثانية لانه على حسب علمي انها ماتبي الحين اطفال بس احساسي يقولي انها ماتستعمل موانع يعني الظاهر ان الحبوب سببت لها مانع او يمكن يكون عندها ضعف لانها خذت الحبوب قبل الزواج بشهر
بس بالنسبة لي انا استعملتها بعد ماجبت بنتي

طولت ها ؟ معليش لي فترة ماكتبت وتحمست شوي

يالله بنات اللي تعرف اي شئ عن هالحبوب تعلمنا
باااااي

اختي حروف فعلا حبوب ياسمين تنحف انا لاحظت ان وزني بدا ينخفض رغم اني ما اسوي ريجيم ولما كنت بالاول استخدم جينرا كان وزني يزيد بشكل غير طبيعي :27: