حبوب وشعر خشن وتحت الجلد واسمرار بالمنطقة الحساسة الحل عندي

اهلين بنات كيفكم ، 
المهم قلت بكتب موضوع واقولكم عن السحر اللي خلاني ما اتخيل بيوم من الايام تصير المنطقة كذا ؟ عقب الحبوب والشعر تحت الجلد والعذاب بالحلاوة والموس وحالة الله لايوريكم !! 
وماخليت احد ما قلت له ابي كل البنات يوثقون بأنفسهم ويعجبون ازواجهم
المهم دايم نسمع المرة تشيل الحبوب وتشد وتضيق وتفتح ! بس ولا مرة فكرت استخدمها كنت اقول خرافات 
بس ذاك اليوم ضاقت بي الوسيعة فعلا تعبت اقعد ساعات اشيل بالحلاوة ويبقى تحت الجلد شعر ويصير مكانه نقط سوداء وبعده يطلع حبوب كنت اصيح من الغبنه والقهر لين قالت لي وحدة الله يدخلها الجنه من غير حساب ولا سابق عذاب

اول شيء جهزي الحلاوة وموس فينوس الازرق وبودرة تالك ونص ليمونة وملعقتين صغار سكر و 4 كسرات مرة وديتول وقطن وقارورة مويه نظيفة وماء دافي 

غسلي يدك زين وجيبي قطنة وحطي ديتول وامسحي المنطقة عشان اذا شلتي بالحلاوة ماتنفتح المسام وتدخل الجراثيم وتسبب حبوب اذا نشف الديتول اخلطي النص ليمونة مع ملعقتين صغار سكر لحد مايذوب السكر ويصير كأنه شيرة ومديه على المنطقة من فوق بس ! واذا نشف جيبي حلاوة بحجم اللبانة وابدي شيلي بعكس الاتجاه بتحسين كل السواد والجلد الميت والقشور طلعت والشعر اللي تحت الجلد يبرز على فوق واحيانا يطلع بس اسحبيها وبتطلع بيدك وبتنصدمين من طولها وبيكون اخرها كذا كأنه وصاخه ! وشيلي ونظفي اصغر الشعرات لين تحسين مابقى شيء خلاص والشعر اللي برز وماطلع معك بالحلاوة اضغطي عليه بإصبعينك السبابة وعلى طول بيطلع طبعا النتف هذا كله للي فوق لاتقربين من الاشفار لأنه يألم وغير كذا يرخي المنطقة عندك.
غسلي اذا خلصتي ونشفي المنطقة وجيبي البودرة وحطيها من تحت ومن ورا وبالشفرة اتجاه نمو الشعر شيلي بدون ماء او رغوة واذا نظفت خلاص تحممي بس لاتحطين صابون او تقشرين.
نجي الحين للمرة * جيبي المرة 3 او 4 كسرات وحطيهن بالقارورة النظيفة وغطاء ونص ديتول الاخضر وماء دافي وخليه عندك بالحمام* وامسحي بقطنه يوميا والمتزوجات تمسح المهبل لانه يشد وينظف ويضيق! وكل يوم امسحي بالقطنة انا الان صارلي 6 ايام امسح واقسم بالله الحبوب خفت بنسبة 95 بالمية ولا فيه حكه ولا شعر تحت الجلد وابد مرتتاحة بلا كريم ابو اسد بلا سودو بلا هم ! واذا صارت المنطقة عندك جافة امسحي بطرف اصبعك جلوسليد وليمون ومرتين بالاسبوع غسلي بغسول ببتادين وبعد الدورة اجلسي بماء وملح خشن واذا متزوجة حطي نقطة على اصبعك ويكون نظيف مسك الطهارة الاسود من عبدالصمد القرشي ودخليه جوا وبترتاحين من الالتهابات والبلاوي وبتوثقين بنفسك وتصيرين زيي كل شوي ودي اشوف المنطقة من كثر ما انا مصدومة انها صارت كذا.
و اي استفسار من عيوني
واللي تستفيد تدعي لي اخلص هالترم على خير بمعدل يرفع الراس ويرزقني بالبيبي.