tofatofa :

هلا حبيبتي... ان شاءالله .. انا ناويه اروح للدكتوره اسوي التراساوند لأني من بعد الاجهاض الثاني ماسويت.. والمفروض اني اسوي اتطمن.. بس راح الوقت وانا اقول بكره وبعده... ياقلبي المره الاولى استمر حملي 3 شهور وكان كل شي طبيعي واعراض الحمل واضحه جدا من تحجر الصدر الى المغص الى الوحم الى كل شي... الين وصلت لنهاية الثالث ورحت اسوي الالترا ساوند وشفت النونو مكتمل النمو سبحان الله ايدين ورجلين وحتى الاصابع واضحه وكنت اشوفه يتحرك وكل ما اكح وقت الالترا ساوند يتحرك كثير وينقلب..وانا كنت اتعمد اسوي كذا عشان اشوفه يتحرك .. كنت مبسوووطه.. الموهم والدكتوره تكشف قالت في سائل متجمع حول الجنين بين البشره وجسم الطفل وهذا يدل على ان الطفل فيه اعاقه وعادة اذا ماكان في شي واضح في جسم الجنين تكون الاعاقه في القلب... قلت وش السبب قالت خلل في الكروموسومات من وقت التقاءالبويضه بالحيوان المنوي انتي مالك دخل فيه.. لاني وقتها كنت اسألها هل من المنظفات او الميكرويف او أو أو لاني جاني اكتئاب فضييييع وحسيت انه انا السبب.. بس الحمدلله طمنتني وقالت انه خلل في الجينات من البدايه مو منك... وحمدت ربي.. قالوا لي اذا تبين تجهضينه عادي ننزله لك ورفضت انا.. وهم كانوا يلحون علي لأنهم كانوا متأكدين انه راح يموت باي شهر لأن نسبة السائل اللي حول جسمه صارت تزيد وبدأت تضغط على القلب.. وقالوا نزليه بدري افضل من انه يموت بالسادس او السابع وتتعبين انتي اكثر.. ورفضت.. رجعت البيت منهاااره ومصدوووومه انا وزوجي.. اخترنا اسم النونو لانهم قالوا لنا بنت بعد ماسووا لي تحليل للسائل اللي حول الجنين.. وصرت اتذكر كل ما اشوف فستان نونو اقول بأشتريه لبنتي ووووو اشياء كثيييير كنت مجهزه لها.. وجلست ابكي وادعي ربي انه يختار لي الخيره الطيبه.. وبعدها بأسبوعين بالضبط جاني مغص شديد ووقف وبعدها حسيت الوحم وقف قلت يمكن خلاص لأني عديت الثالث لكن صار يجيني صداع وشكيت انه في شي مو طبيعي.. وصحيت يوم الفجر من مغص شدييييييد ورحت ع المستشفى ع طوول وكشفوا ولقوا الجنين متوقف عنه النبض ,, لحظتها ما اكذب عليكم فررررحت من قلبي لأنه توفى من غير تدخلهم الحمدلله وحسيت انها خيره من ربي.. اما حملي الثاني كان بنوفمبر اللي راح كنت حاسه اني حامل وحللت بعد موعد الدوره بأسبوع دم وطلع نيقاتيف وسافرنا لماليزيا وجلسنا اسبوعين ورحنا للسعوديه ولما وصلت حللت وطلعت حامل بس وقف النبض عنه في 8 اسابيع وقالوا لي السبب تجلطات دمويه بالمشيمه وكان لازم اني اخذت اسبرين من بداية الحمل... وهذي قصة حملي الاول والثاني.. دعواتكم ان ربي يعوضني فيما فقدت بالتوأم السليم المعافى ياااااااحي ياقيوم يارب العالمين وكل من قالت امين...

هلا حبيبتي... ان شاءالله .. انا ناويه اروح للدكتوره اسوي التراساوند لأني من بعد الاجهاض الثاني...