تسلمين حبيبتي على متابعتك واهتمامك.. ربي يسعدك..
كنت افكر انزل روابط مواضيع البنات اللي قريتها بمنتديات سيدات الامارات لكن خفت يكون ممنوع تنزلين روابط لمنتديات ثانيه .. فبطلت وصرت انقل الكلام بنفسي بس...
ماشاءالله الله يتمم ويسهل حملهم وولادتهم يااارب..
وعقبال عندنا ان شاءالله الشهر الجاي وحنا حوامل..



اللهم امييييين يالغلا.. وشكرا على متابعتك ..
وان شاءالله تسمعون الاخبار اللي تسرنا وتبسطنا جميعا يارب..



هلا ياسكرر..
للاختصار اسمي توفاا.. هههههههه
وتسلمين ياقلبي على هالدعوه.. وان شاءالله ربي ينفعك به ويكون سبب بعد الله للحمل يااارب..
موفقه يالغلا..



تسلمييييين ياقمر.. اللهم امين يارب..
وانتبهي على نفسك من الاعشاب وكثري شرب مويه ربي يحفظك..
والله يرزقك الذريه الصالحه..



الله يسلمك.. ولوو ماسوينا شي ياقمر.. :26:



ياحبي لك وللناس المتفاائله.. ربي يرزقنا جميع بالتوأم السليم المعافى..
وشكرا على متابعتك.. حمستوني بنات وزدتوا تفاؤلي تفااؤل ..الله يسعدكم..



اللهم اميييييين .. وياك يارب ..
نورتي موضوعي يالغلا.. :26:

سامحوني ينات على التأخير عندنا عرس يوم الجمعه والله مزحومه

بالنسبة لللاستفسارات عن الفايتكس بكتبلكم قصتي معاه بالكامل

بدت القصه مع اختي ليمونه وكتبت في المنتدى انه في علاج جديد واغلب الاجنبيات يستخدمونه عشان الحمل بذكور او التوأم وكان الها كم يوم باديه مع العلاج


بالنسبة لي كان الحمل شبة مستحيل لان لي 4 سنوات تقريب استخدم علاجات منها جونال اف و كلوميد واعشاب وحجامه ( مع انه نتيجتها في تكبير البويضه ممتاز )ومايصير حمل سويت مرتين تلقيح صناعي وبدون فايده وبعدها انابيب و الاحباط وصل الحدود كت مرهقه وتعبانة ونفستي فالحضيض , اول ما سمعت عن الفايتكس قلت اخليها اخر تجربة والله والله يا بنات كنت في نفسي اقول خل يعرس ويريحني من هالتعب لانه نفسيتي دمار
بلاخص انه اخت زوجي كانت متأخرة مثلي وحملت قبلي وهات يا تلميحات و افعال وحركات كله هذا في نفس الشهر تعرفون انها حملت وماطاعوا يخبروني الا في الشهر التاسع عشان الهانم لازم تجلس عندنا في البيت فملزومين يقولولي (تعبوا نفسهم بصراحه) كنت ادعي الله من التعب مش بالحمل ... يارب انك تريح نفسيتي واتخلص من الالم اللي في قلبي وادعي ربي انه يثبتني وماانهار من اللي اشوفه واكون عاديه بالذات الذا ولدت ورحت المستشفى واشوفها مع ضناها اللهم لا تجعل في قلبي حسد عليها والله هالفتره نسيت الحمل وادعي انه ربنا يربط على قلبي


نرجع للفايتكس

قريت موضوع ليمونه وشجعتني استخدمه معاها قلت وشو بقى ما استخدمنها كأنه فيران تجارب .... رحت واشتريت علبه منه وفي نوعين يا بنات انتبهوا VITEX وهذا المطلوب

وفيهVETEX وهذا واحد ثاني


استخدمت الفايتكس VITEX معاه مكملات ولازم تستخدمونها اللي هي MULTI VITMINS و GENSENG WITH HONEY بتحصلون المكملات في نيتروشن لايف

والفايتكس لقيته في نيتروشن زون علبته خضرا ومرسوم عليه ورده بنفسجيه


الاستخدام كالتالي

الفايتكس

حبتين مره الصبح ومره المسا بس انا اخذت حبه لاني كنت اريد واحد بالذات لانه بكر و

الفيتامينات
اول اسبوع حبه والاسبوع الثاني حبتين

الجنسنغ بالعسل
حبه وحده ( على فكرة كنت اضيفه لزوجي بالعصير ر وهذا يساعد عشان تقوية الحيوانات المنويه )

على فكرة اللي تريد تستخدمه عشان تحمل بولد تستخدم غسول بكربونات الصوديوم

استخدمته شهر كامل وخلال هالشهر التبويض قدم عندي واحلفلكم يا بنات اني مع الابر والكلوميد وغيرة ما نزلت معاي علامات التبويض والله العظيم وما كنت مهتمه متى يصير جماع يمكن صار مرة او مرتين ب ولا جلست المده الكافيه بس نخلص اقوم اغتسل (شوفوا اذا الله كاتبلكم الحمل بيصير بدون تعب ) وبعدها بدا معاي الم الدورة قلت بقطع الحبوب هالفتره
ودخل رمضان والحلوه ما شرفت ما اهتميت المي كان اكبر من اني الاحظ الدورة نزلت ولا لا كنت اقوم الليل بصورة البقرة كامله بس عشان اريح نفسيتي وذكر الله مافارقني بس الضيق في قلبي يزيد والم الدورة يزيد وطنشت وشرف المولود الجديد وانا محد اهتم بنفسيتي بكلمه تجريحات وتلميحات ... خلاص وبنتهم حملت من حقهم يجرحون ...... خلص الشهر والدورة ما نزلت وانا قلت اكيد تلخبطت ... اخليها تنزل وقت ما تريد

في نفس الشهر بدت معاي دوخه واشوف كل شي اثنين قلت ايوا اكيد فقر دم ... والله والله ما فكرت اني حامل ولو دقيقه والم الدوره كل ماله يزيد قلت كله من الادويه لخبطت دورتي وصبرت والله ما فحصنت ولا أجرأت اخذ فحص من الصيدليه بدا النوم بزياده و التعب والارهاق وكل اللي يشوفني يقولي مرهقه اقولهم من الشغل واتعذر بالف عذر وانا في نفسي اقول من كثر الهموم الله يخففها
مر الشهر الثاني وانا صامده واعراض الوحم اتزيد وانا اعتبرتها من تأخر الدورة .... كملت الشهرين وقرب العيد الاضحي وانا خلاص منهارة من التعب ..... في وقفة عرفة قالي زوجي قومي تاخذين اغراض للعيد وهو ملاحظ التعب اللي فيني وكان شهر كامل يترجاني نروح المستشفى وانا اقوله بعدين للاسبوع الياي واصر لازم تروحين تاخذين اغراض باجر العيد وانتي ما اخذتي شي بالعاده اتم في السوق بالايام قلت عشان خاطره بروح وانا والله ماقدر اوقف وركبت السيارة وظهر مودني العياده وحلف الا انزل

نزلنا ودخلنا عند الدكتورة وقالتلي من متى مت نزلت الدورة قلتلها شهرين وخبرتها بقصتي مع العلاجات قلتلها عطيني دوا ينزل الدوره قالتلي لازم فحص حمل اصيرت اني ما اسويه وزوجي والدكتوره مصرين انهم ما يعطوني اي علاج قبل فحص الحمل ورحت وسويته ورجعت البيت بدون ما اخذ النتيجه وجا العيد وانا فيعالم ثاني من التعب والارهاق وقالي زوجي النتيجه اقوله الاسبوع الياي لحد ما يأس وراح واخذ النتيجه بدون

والمفاجأه اني حامل .... اللهم لك الحمد والشكر قالتله الدكتورة لا تخبرها بالتيلفون يمكن يستوي فيها شي وهو جايبلي في ايده كيسة المستشفى ويمكن عشر علب ددوفاستون

قلتله عشان تنزل الدور قالي ما بتنزل نحنا نمتريا بيبي واتحسبه يمزح وراواني النتيجه والله والله اني فرحت وندمت بسوء ظني بالله الله هو اقرب من حبل الوريد وسجدت لله شكر ومرت الايام وشفت بنتي في بطني ولله الحمد شلتها بين ايدي والحين كملت 10 شهور وافكر اكرر التجربه

على فكرة اختي استخدمتة 3 شهور وحملت ويابت ولد وهي بعد خافت من مسأله التوأم وخففت الجرعه لحبه وحده
وسماحوني كتبت قصة حياتي واي استفسار انا حاضره

ياااااارب ماتخلص السنه الا وبطننا سابقتنا
والله ياتوفا اني متفااائله والشهر الجاي راح اخذها مع الحقن المجهري ان شالله وذحين راح اقول تجربتي قبل يوصلو ضيوفي
اناا طبعا كنت في مستشفى تورنتو بكندا اتعالج طبعاا كانو بدل الكلوميد يوصفو فيدكس طبعا انا مررره مهمله وكنت اخذها بجرعات على كيفي وبدون متااابعه فطبعا لانو الحبوب لها مفعول اكيد ضرتني مانفعتني وهيا صراحه منشط طبيعي وقوي انا ضرتني لانو ماشالله كان عندي سبع بويضات واتكيست ماانفجرت لانو حجمهاا كبير مرره
برب لي رجعه اسمحيلي توفاا

رفع

اختي رومانسيـــــــــــــه
الله يعطيك العافيه ومشكوره على شرح تجربتك يالغلا..
والله يحفظ لك بنوتتك يارب ويرزقك برها يا احلى ام..
كلماتي اقل بكثير من اللي بقلبي لك.. ربي يسعدك دنيا واخره ويرزقك بالولد السليم المعافى يارب العالمين..



هلا يالغلا..
شكرا ياقمر على المعلومه .. وانتظرك بعد مايروحوا ضيوفك..
موفقه ياقمر.. :26: