حبووووبة وكل الخوات اللي يسووون ريجيم!!!

عزيزتي um salamy

تسلمين على هالنصائح الحلوه

وفعلا اهم شي الرضا عن الذات

وعلى الإنسان مايقارن نفسه بغيره، كل جسم يخلف عن الثاني في نواحي كثيره

ومو كل شي جربه الغي بيصلح معاي

واكبر خطأ يوم وحده تقارن نفسها بعارضة أزياء!! ليش هالتفكير وهالمقارنه

الكل يعرف انا اجسام الناس تختلف من ناحيه الطول والعرض وتكوينات الجسم نفسها

في ناس طوال وعراض
وناس طوال وضعاف
وناس متوسطين القامه
وناس قصار ونحاف
وناس قطار ومليانين

ناس يتركز وزنهم على طولهم وثقل عظمهم

فالإنسان لازم يقتنع بالوضع إللي هو فيه ويبتدي يصحح الأخطاء إللي يمارسها في حياته
لا بد من تصحيح عاداته الغذائيه
وتنظيم وجباته
الإهتمام بتناول الخضار والفاكهه
الإلتزام بشرب السوائل وبالذات الماء
وممارسة أي نوع من الرياضه المحببه والمناسبه لصحتي وسني وحالتي
والإبتعاد عن تناول الوجبات الدسمه وذات السعرات الحرارية العاليه
بالإضافه إلى تصحيح عادات تحضير الطعام والتقيد بطرق الطهي الصحيه

جزاك الله كل خير اختي العزيزه um salamy

تسلمين أختي نبض على هالرد .. وصدق كلامج بأنا مانقارن عمارنا بالغير .. ونكون راضين.. تبين الصدق انا فيني كرشة بس مال الولادة وبعدني في الشهر الثالث لاكن من فترة وانا أدور عن الريجيم اللي يصلحلي وحايسة حوووووووووسة لاكن الحين قررت اني أخفف الاكل وأزيد من الفواكة والعصاير ويمكن أسوي ريجيم عادي مب قاسي بعد العيد اذا تفيقت .. وسلامتج.. وتحياتي لج..

شحالج أم سلامي :
مثل ما قلتي و الله ، لازم نكون راضين عن أجسامنا وبعدين نسوي ريجيم علشان انحسن من شكل أجسامنا ، لا نحن ما فينا صبر نبى انسوي تغيير جذري على طول . بس شوه الريجيم الي نستخدمه أنا اومن أن الرياضة لازم تلازمه لأن ما في ريجيم من دون رياضة ...
و بالنسبة لموضوع القهوة شكلج يئست أم سلامي ومليتي و الله حتى أنا مليت بس استمري أم سلامي على الأقل ألين ما تكملين شهر وإذا شفتي تغيير كملي على شهر ثاني و دايماً سوي تمارين حق شد البطن هذا الي متبهدلين فيه و أنا رديت على سؤالج في موضوع القهوة ، و إذا غيرتي الريجيم لا تبخلين علينا بالمعلومات

هلا أختي أم روضة .. مشكورة والله على ردج ..ومثل ماقلتي الرياضة ضرورية بس أنا أحس اني مب متفيجة بس ألقط ورا ولدي الاشياء اللي يخربها وأوني أخم الصالة مرات وهييييييك ياستي.. والقهوة بعدن يمستمرة فيها بس مب كل يوم الحين مرتين او 3 بالاسبوع وتوني مسوتنها بعد وريييييييييييييحة ( كرمتي ) الحمام ياسلاااااااااام من القهوة تقولين داخلة محمصة :22: :22:

هلا um salamy
كيف حالكم بنات
كلامج حلو ويبرد القلب
لكن انا مب راضيه عن شكلي ولا جسمي ولا كرشتي :30:
كل هذا بسبب الحمل والولادة :16:
لكن شو انسوي هذي ضريبة الزواج والامومه :23:
والصراحه انا اعرف وحده شخصيا صديقة امي وشفتها بعيني قلت اكيد عنده 2او 3 اطفال وما شاء الله جسمها حلو ومافي كرش
لكن بنات اتصدقون عندها ما شاء الله 9 اطفال ولا يبين عليها محافظه على جمالها ورشاقتها
ولهذا السبب انا احاول اضعف :32: