انا حبيبتي اقوم الصبح على الساعه 10 تقريبا هذا لأني الى الان ما داومت بالجامعه نبدى الدراسه الاسبوع الجاي انشاءالله .. زوجي يقوم من 6 الصبح مايرجع الا 4 العصر.. اجلس ارتب البيت.. اطلع .. اروح السوق.. اي شي.. وما اسوي غدى .. بس سلطه او فواكه.... بعدين اذا جى زوجي يدخل و ينام الى بعد المغرب.. يا اما اني انام معه او اجلس اناظر التلفزيون او النت او اني اروح بيت جدتي:42:
بالليل اسوي العشى او نجيب من بره.. و زوجي يا اما يطلع او نقعد نسولف او يسوي رياضه

الأربعاء نروح لأهله او نطلع تمشى او نروح البحرين
الخميس نفس الخيارات
و الجمعه كذلك:22: :D عموما ماهنا شي معيييييييييييين

السلام عليكم


لاحظت ........أنا أكثركم يدرسون :)وعليه عليهم :((((((

السلام عليكم


لاحظت ........أنا أكثركم يدرسون :)وعليه عليهم :((((((

السلام عليكم

بالنسبة لى انا اغعد من النوم على صلاة الظهر اصلى و ازهب الغداء اللى اكون محضرته من الفجر لانى اصلى الفجر ثم اطبخ و بعدين انام ...لانى مو موظفة مع انى جامعية تخصص لغة انجليزية... ولكنى غير محتاجة للشغل لان معاش زوجى يكفينا .
يرجع من العمل يتغدى ينام له ساعتين و بعدين يودينى عند اهلى و يروح محله لانه عنده محل اجهزة كمبيوتر فيجابل حلاله .... يرجع لى الساعة 10 بالليل ونرد البيت و اعشيه ونسولف بشنو كل واحد سوى فى يومه وندخل النت مع بعض ... كل واحد كمبيوتره... نشوف التلفزيون القنوات الاخبارية نقرا جرايد نتابع الاحداث ... ويروح ينام الساعة بال1 و يوصينى اغعده لصلاة الفجر و الساعة الحين 3 ونص بتوقيتنا يعنى بعد ساعة اغعده للصلاة و انا الحين اللحم على النار علشان غدانا باجر مجبوس لحم .

وشنو بعد ... اييه اغسل ملابس دايما باللليل الله يخلى غسالات هالايام حطى الملابس تطلع ناشفة بس الكوى االى متعب ... يعنى شغلى كله باللليل وهو نايم و لما يكون غاعد ماعندى شى الا مجابلته و انام الوقت اللى هو بالدوام.

مو معنى هذا انى ابد ما غعد بالنهار لانه مرات تصير ظروف تجبرنى على الغعدة مثل موعد طبيب او زيارة مريض او تسوق مع الاهل .... وبس .

ودمتم

:26: