حبيباتي المشرفات والتاجرات والعضوات الكل يدخل فديتكم ...والله يرضى عليكم

1 - ان شاء الله المشرفات يفيدكو اكثر مني
بس اتوقع انه من خلال اضافة موضوع لطلب عضوية تاجرة

2 - نصيحة شخصية افضل الوحدة في الاول تتاجر بالطلب
تورين الزباين المنتجات الي ممكن توفرينها والسعر
والي يبغى يدفع مقدم
عشان تعرفي ايش اكثير شي عليه طلب وتكون عندك خبرة بجودة المنتجات
مو تتورطين بكمية كبيرة من شي غالي ومايمشي
اما بالنسبة للمفارش التركية ماجربتها

والله يوفقك يارب ويفتح عليك

ولو احتجتي متجر الكتروني
او منتجات جملة من الصين انا بالخدمة

حبوووبه قدمي طلب في قسم طلبا عضوية التاجرات

بالنسبة لتجارة المفارش مثل ماقالت لك الاخت ^^
بس للامانه الناس تبحث عن التصوير الشخصي عشان يكون على عينهم شايفينه
فممكن تطلبي 6 وتجربي

بس كل شي تقريبا له موسمه

وربي يوفقك

ررفع لعيوونك غاااليتي
والله الموووفق

الله يوفقك يالغالية
ومثل مافادوك الاخوات الانضمام لعضوية التاجرات من خلال تقديم طلب في منتدى طلبات عضوية التاجرات من هذا الرابط
http://forum.hawaaworld.com/forumdisplay.php?f=253

وبالنسبة للمفارش تجارتها جدا رائة خصوصا لو اسعارها مناسبة
وما انصحك ابدا تبيعي بالطلب لعدة اسباب
أهمها : انها تقع في حكم بيع مالا يملك
قال صلى الله عليه وسلم: "لا يحل بيع وسلف، ولا شرطان في بيع، ولا بيع ما ليس عندك" أخرجه النسائي وأبو داود ، ولأن من شروط البيع أن يكون المبيع ملكاً للبائع،

ثانيا : بما أنك تاجرة مبتدأة راح تلاقي صعوبة في كسب ثقة الزبائن لو انك تبيعي بالطلب

ثالثا : إفرضي اللي وصل كان على غير طلب الزبونة .. هل انتي مستعدة لإعادة المبلغ لها بعد الطلب وتورطتي بالمفرش اللي وصل ؟؟!!

نصيحتي لكِ هي ...

أن تدخلي السوق بقوة مع المفارش التركية ولو 3 حبات ..!
تجسين نبض سوق المفارش التركية بعرضك لها وهي متوفرة
وإذا لا سمح الله ما مشت بسرعه فيكون ماخسرتي شي !!
ورزقها بيجيك بإذن الله والتجارة محتاجة لصبر
بس داومي على الاستغفار وكثرة التسبيح
والله يوفقك ويرزقك من واسع فضله

جزاكم الله كل خيرجميعا وأسأل الله أن يرزقنا وياكم الرزق الحلال والله يجمعنا بكم في الفردوس الاعلى من الجنه

أختي شروق الجمال الله يرضى عليك ويوفقك دنيا واخره والله ودنا فعلا بشي حلال ولايكون فيه شي حرام او شبهه

وفعلا سمعت مايجوز الوحد يبيع سلعه وهوه لسى مامتلكها الله يوفقك دنيا واخره ..