حبيباتي.. ايش رايكم بهالفكرة الجهنمية :|

كيفكم يا حلوااات ...:)
بنات انتو قريتو موضوعي الماضي وشفتو الفلم الهندي اللي انا عايشه فيه مع حوستي في البيت ..

تقدرو تعتبرو هذا الموضوع الجزء الثاني من مسلسلي مع الحوسه .. لأني الحين عندي فكرة جهنمية بس ماادري عن امكانية تطبيقها .. وابغاكم تفتوني بليييييييييييييييييييز

شوفو يا حلوات الحين شغالتي علو وشك الوصول . :icon28: . وانتو زي ماانتو عارفين انا بالدوام من 8 الى 5 كل يوم .. غير عن البيبي اللي بالطريق ..بإذن الله

والحين على كثر ما كنت متشققة على الشغالة على كثر ماصرت مترددة .. عارفين ليش .. لأني هبلة وقاطة اذني مع كل حكاوي الشغالات والبلاوي اللي بيسووها بالبيوت في غياب اصحابها . :30: . هذا غير عن اللي بيسووه في الأطفال :icon33:

الزبددده ... انا مؤخرا سمعت عن كاميرات المراقبة اللي تنحط في البيت :S_45:وحدة من صاحباتي مشترية من الإمارات ثنتين الوحدة ب 800 ريال و تقول انها خطيررررررة .:2thmup:. صوت وصورة وبالألوان .. والحركة في الموضوع ايييش .. قولو اييش .. الحركة انها مو مخبيتها عن الشغالة .. لأ ياحلوات حاطتهم عيني عينك وحدة بالصالون ووحدة بغرفة البيبي وموريتهم للشغالة .. عارفين ليييش ... بتقول انا ليش استنى اشوف الشغالة تسوي تجارب بأبني وبعدين ابكي واطرد الشغالة بعد مايفوت الفوت .. لااااا .. انا من البداية اوقفها عند حدها .. لأنه بعيد عنككم في نااس تخاف ما تختشيشش:024:
والشغالات في بعض الأوضاع الله لا يبلاكم زي وضعي .:3_2_8v:. تعتبر شر لا بد منه .. فكيف نتعامل معهم من غير ما نجيب العيد ؟؟ ..

عموما انا قرقرت اني افاجئ زوجي بهذا الخبر السعيد وهو اني ابجيب من هالكاميرات و الزقها بكل مكان بالبيت .. يعني امهات 800 بحطها بالأماكن الرئيسية وبجيب من الأنواع الأرخص (اللي من غير لون او صوت مثلا) واحطها ببقية الأماكن ..

عارفين وين كمان اهم شي ؟؟ .. حأحط وحده قدام مدخل البيت :S_45:لأني حأخلي الشغالة لحالها بالبيت . وبصراحة ماابغى اقفل عليها بالمفتاح لا يروح لا سمح الله يصير حريق ولا مشكلة بالبيت وتروح تنحبس بالبيت واخذ ذنبها .. فأحسن شي اذا طلعت ابقفل عليها بالمفتاح و حأكون معلقة لها نسخة من مفتاح البيت بجمب الباب من جوه .. والأكشن وييين ... ان الكاميرا مركزززة عليه وابقولها ان هذا المفتاح مايستخدم الا بالشديد القوي لا قدر الله .. غير كذا بوريها الكاميرا واقول لها اني باشوف لو استخدمت المفتاح استخدام مال امه داعي

وحأقرا على بيتي اية الكرسي والمعوذات وادعي ان ربي يحفظني و يحفظ بيتي وزوجي و اللي في بطني وانه يجيب لي شغالة تخافه وماتحتاج لكل هالإستعدادات .. بس ايش "اعقل وتوكل" يعني بأدعي و بأنفذ بإذن الله .. والله يسهل

بنات ايش رايكم ... قبل مااتهور و اقول لزوجي قراري و اسمع لي كلمتين تسم بدني :icon33: عن اني موسوسة ولا ولا ابغى اسمع رايكم .. علشان لو اتفلسف علي اعرف ايش ارد .. بلييييييييييييز الله يعافيكم ردو لي وادعو ليييي


المحيوووسة ... انا