حبيباتي تعالوا اسمعوا قصتي مع العقم وكيف تغيرت حياتي .....

السلام عليكم ...ز
اول شي انا عضوة جديدة بس متابعة لكم من زمان مريت في ايام صعبه قصتي طويلة لكن اسمعوها للاخر ..... شرط مو تنسون .
تزوجت من سنتين زوجي حبيبي وهو وحيد امه وابوه وبعدين انا احب الاطفال حب موطبيعي بعد شهر من زواجي خالتي ام زوجي تقولوا لزوجي ما احملت زوجتك لان اللي معانا تزوجوا احملو ما شاء الله طبعا انا رحت المستشفى بروحي بدون لا يدري حتى أتأكد من اني ما فيني شي سويت تحاليل طلع الحمد لله ما فين شي مريت الايام وصار لزواجنا شهرين انا خفت قلت حق زوجي وصارحته والحمد الله طلع شخص متفهم وقلته يسوي تحاليل طلعت المشكلــــــــــــــــــــــــــــــــــــــــــه


زوجي حبيبي عقيــــــــــــــــــــــــــــــــــــــــــــــــــــــــــــــــــــم الحيوانات المنوية عنده
صفـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــر

ادري مليتوا بس سمعو للآخر
طبعا صاعقة الخبر بكيت وبكيت وبكيت نفسيا تبعت لفينا كل الدكاترة كلهم اجمعو ما علاج غير اطفال الانابيب

استعملنا اعشاب مدة طويلة وابر وادوية ما كو فايدة بس في نقطة ما قلتها واعتراف اني كنت جاهلة
شلون ؟؟؟؟
كنت اسمع كلام الدكاترة ونسيت ربي اذا اراد شي قال كن فيكون بعدين
سوينا عملية اطفال الانابيب وما صار على زواجي سنه لانا متشوقه للاطفال وكان عمري 24 سنه طبعا فشلت والنفسية دمار ومع هذا كنت انا في غفلة الاني اركض ورا الادوية والعلاج اروح عند افضل دكتور ونسيت شي اسمه دعاء وتوكل على الله بعدين بعد 6 اشهر سويت عملية ثانية اطفال انابيب عند افضل دكتور في الكويت والكل يمدحه وعنده زحمه مو طبيعيه مع هذا افشلت ليش لان الله ما اراد موعشان دكتور شاطر او لا بعد العملية الثانية سافرت عمره مع امي الحبيبة وتغير الحال شلون ؟؟؟؟
سمعت شريط اسباب منسية للدكتور خالد الجبير غير حياتي كلها عرفت شي اسمه
1 توكل على الله
2 دعـــــــــــــــــــــــــــــــــــــــــــــــأء
3 حسن الظن بالله
4 الاستغفـــــــــــــــــــــــــــــــــــــأر
5 الصدقة
6 ماء زمزم
7 قيام الليل
8 الاخذ بالاسباب للعلاج

بعدها غيررت حياتي صحيح ان مرات يضيق صدري ولكن عن تجربه عرفت ان لو لفيت الدنيا كلها وعند احسن دكتور في العالم اذا ربي ما اراد ما راح احمل واذا ربي اراد راح يكون باذن الواحد الاحد
اخيرا ادري اني طولت بس تحملوا
ادعولي لان راح اسوي العمليه ان شاء الله في الاشهر القادمة للمرة الثالثة ولكن نفس العلاج مع تغير الاسباب والنفسية واستعدادي للعملية راح اكتب لكم بعدين كيف راح استعد للعملية مو عن طريق الابر والادوية لا والله عن طريق شي اخر راح تسمعونا بعدين

اخر شي انا صحيح اني جديدة لكن اعرف قصه كل وحده منكم لان متابعه صار لي سنه ونصف اتصفح وقريت عنكم

اللهم اني اسألك باسمك الاعظم الذي اذا دعوت به اجبت واذا سئلت به اعطيت ان ترزقني وترزق بنات منتدى حواء جميعهم بالذرية الصالحة ........ آآآآآآآآمين يا ارحم الرحمين

لا اله الا انت سبحانك اني كنت من الظالمين ....

مع تحياتي :) :)