مدري شقول @mdry_shkol

محررة

حبيباتي تعالوووو هنا شوي الله لايهينكم ..

السلام عليكم ورحمة الله ...
شخباركم حوائيات حواء .. جعلكم بخير وعافيه .. احبكم في الله .. :27:

بنات انا انسانه مقصرة بالمواضيع لاني صراحة اشوف قمم وابداعات ماقدر انافسها .. جعلكم على القوة والله يجعلها في ميزان حسناتكم .. لكني كثيرة المشاركات والردود على مواضيع عضوات اخريات .. انسانه مسالمه جدا ولااذكر اني تهاوشت او اختلفت مع وحده في هذا الصرح العالي .. احترم الكل واحترم عقلياتكم المثقفه واستفتدت منكم كثيرررر والله يقدرني على رد الجميل ..

الموضوع ومافيه ابي اطلب منكم طلب صغيرون واتوقع الكل الكل يقدر عليه ... ابيكم ياحبيباتي ترفعون معي يدينكم وتدعون لاختي اللي اكبر مني ان ربي يتمم زواجها على خير .. السالفه ومافيها ان اختي انخطبت من رمضان اللي فات واللحين بتدور السنه والموضوع ماتم .. كل شي صار ومابقى الا الملكة والدفع لكن الموضوع تعلق كذا من دون سبب من طرف اهل الزوج .. يعني لااتصال ولاخبر منهم .. واحنا محتارين فيهم مع انهم ابدو رغبتهم وقبولهم لنا ولاختي .. الحمدلله ماعلينا قصور ..
وانا اشوف ان نفسيتها متوترة وقلقه واتمنى افرح فيها وانها تتزوج خصوصا انها مو اول خطبه لها كثير تنخطب ومايتم الموضوع سبحان الله ..

ارجوكم حوائيات المنتدى ادعو لها ..وان شاء الله اذا تم الخبر بكون هنا وبعلمكم بالتفاصيل .. الله يسعدكم ..

يله اترخص انا .... :39:

210

يلزم عليك تسجيل الدخول أولًا لكتابة تعليق.

تسجيل دخول

غريبه بهالدنيا • 16 سنة

***** الله يتم الزواج يارب وتفرحون فيها وتشوفون مو عيالها عيال عياله

أخت اشواق • 16 سنة

الله يتمم لها على خير
وييسر لها اللي فيه الخيره
والله يوفقها ويسعدها بالدنيا والاخره
والله يفرح قلبها باللي يسعدها.. امين يارب لعالمين..

ولاتنسين ان الاستغفار ييسر كل ماهو عسير بفضل الله
والحمد لله انا مجربه كثييييييييييير امور تعسرت ومع المداومه على الاستغفار تنحل
عليكم بالاستغفار والدعاء
وبالتوفيق يارب

لميس. • 16 سنة

الله يتمم عليها وتفرحون فيها يارب.........
يمكن هذي عين او حسد عشان كذا ياليت تحصن نفسها اختك

زهرة الوفاء • 16 سنة

الله يسهل لها يارب عليها بقرائة سورة مريم كل يوم وسورة الرحمان كل يوم والله يسهل لها يارب لان انا بعد كنت نفس السالفه لين مالله سهل على وملكت والحين انا متزوجه رغم الصعوبات الي صارت بس الحمد الله

الأميره جوري • 16 سنة

غريبه بهالدنيا :

***** الله يتم الزواج يارب وتفرحون فيها وتشوفون مو عيالها عيال عياله

***** الله يتم الزواج يارب وتفرحون فيها وتشوفون مو عيالها عيال عياله