يعطيك العافيه اختي وانا بعد متابعه الموضوع لحد ما أشتري مكينه

بس أتوقع أشتري سنجر لإنها أرخص وأكثر شهره وخاصه على قولة سيد إحباط(المحروس جوزي )بكره ألقاها بالمستودع

عزيزتي انا عندي جانومي بس مب عاجبتني لما ازيد الدواسه بالخياطة تتحرك كثير وتشد الخيط حتى وانت مظبتيه وصوتها قوي شوي أنصحك تشتري الأفضل حتى وانت مبتدئة لأن الماكينة تظل عمر واشتري أحدث شي موفقة

وردة الجوري
هلا عيوني اي والله انا كنت ناويه اشتريها الاسبوع اللي فات بس قلت اشاور البنات واشوف وما شاء الله ماقصروا ولا راح يقصروا باي معلومة تفيدني وتفيدك وتفيد الغير :o يعطيهم واياك العافيه

سحر الخيال
عزيزتي ما عليك من السيد احباط :16: عندي وعندك خير:hahaha:
بس تخيلي معايا كيف لما تزبطين فستانك بنفسك وتضيفين اللمسات اللي تبغيها او تعملي شنطه والا شباصه لبنوتتك اتوقع فرحتها مالها وصف وسنجر ممتازه بس برذر معظمهم يمدحونها
وكمان ما ادري اش صناعتها
عالعموم تابعي معانا وان شاء الله تلاقيناللي يسرك

هجوره
تسلمي يالغلا بجد جانومي بحثت عنها ولقيت فيها مشاكل بس اكتبي مشكلتك في ها لقسم يمكن تلقين لها حل
نـــــــــــــــــــــــــــداء :06:
يابنات اللي تعرف حل لمشكلة هجوره ترد

رحيل شاخبارك


البارحه قالي زوجي مشينا نشتري مكينه بغيت استخف (وتذكرت إني قلت له بسدد لك سعرها أقصاد من باب الإقناع يعني )


المهم رحنا محلات لوازم الخياطه ونا مشوته ناويه عالسنجر المهم ماحصلت سنجر إلا نوعين نوع سنة جدي إللي معاها يد ونوع غالي أم 800 و750 ريال وفكرت بيني وبين نفسي أنا توني أتعلم ألف باء الخياطه حرام الإسراف وخلاص قررت أشتري القديمه سعرها 200 ريال وبيني وبين نفسي ماتكلف شي وبتكون هديه من زوجي (شدعوه أقصاد ل200 ريال ) وإذا شفت نفسي فنانة خياطه أكافئ نفسي بمكينة أم 800 ريال 00المهم جابها العامل وفتحها بالمحل بس شغلها ذكرني بايام كنت أكره فيها الخياطه وشكلها شاخباري شوي علىي ألبس برقع إذا بخيط فيها كني بزمن جدتي قلت خلاااااااااااااااااااص ماأبيها وكلمت زوجي بيني وبينه قلت صراحه شكلها يضيق الصدر أبي إنفينيتي أم 420 ريال عالأقل شكلها مودرن وفيها تطريز بعدوماصدقت شراها

والله اني مادري عن مزاياها وقالولي صناعتها صينيه والمكائن كلها صيني إلا بعضها المكينه داخل ياباني (أعتقد اسمها ياسمين )


تبين عاد الصدق كنت ناويه مكينه رخيصه تدرين يمكن احطها بالمستودع عقب سفر الشغاله

وبصراحه كلامك فعلا نفس تفكيري لما أقدر أفصل لبنتي موديل بكون جدا سعيده


مثل ماقالو حددي المرغوب من المكينه

طولت عليج سوالف ؟؟؟شورانا من هني لين تشترين مكينه

سلام ياحبي

هذي المره تصلحلها السنجر القديمه السوده ام يد

لاحظي زوجها شلون ضايق صدره 000000000

خاطره عابره 0000جدتي الحبيبه لاتلوميني إن عبت مكينتك شكلها موكشخه مع حبي لك ولكل جيلك