حبيباتي لا تخلوني محتاجتكم ومحتاجه افكاركم بانقل لبيت جديد....:)

وينكم :(
يعني علشاني قلت بعد كم شهر طنشتوني :( تكفون تكفون ابي مساعدتكم :(:(


وش تبون اكثر من ذا ترجي :(

الله يجعله منزل مبارك مقدماً

بالنسبه لتجميع التحف والمواعين وغيره الأفضل انك تبدين بجمع الكراتين الكبيره ( تلقينها مرميه عند السوبرماركات خصوصاً بالليل ) واذا جاء وقت التعزيل ماعليك ألا جمع الأشياء فيها وتشميعها واكتبي على كل كرتون محتوياته أسهل عند إفراغها في البيت الجديد

والأفضل انكم تستعينون بشركات نقل العفش لأنهم بيوفرون عليكم التعب والحوسه , فهم يجون يلمون العفش كله ويرجعون يركبونه في البيت الجديد ويرتبون العفش في المكان اللي تبينه حتى الستاير والمواعين وكل شئ

والله يعينك على هالهم والحوسه لأني مجربتها

مشكوره اختي كالوري بس ترى ابدا مانحتاج نقل الا ان كان غرفة النوم والاشياء الثقيله لاني انا ساكنه مع اهل زوجي وماعندي الاغرفتين وحمام ومجلس صغير يعني جناح فقط
ان شاء الله تكون النقله خفيفه
بس تصدقين اشيائي الخفيفه واغراضي احس انها كووووووووووووووووووووومه يعني مثل مانقول قراشيع وش كثرها عشان كذا احس اني بتعب في ترتيبها ......

ووووووووووووووووينكم انا اصلا دايم حظي كذا كل ماكتبت موضوع ما احد يرد فيه الا انا :(

منزل مبارك اختي عندي نصيحتين اولا مواعين التقديم الزجاجيه رتبيها بسله الترامس البلاستك وحطي بينهم مناشف وخليها اخر شي ينقل للبيت الجديد يعني انتي اللي شيليها مو زوجك وحطيها بسيارتكم مو مع العفش ثانيا الملابس اللي معلقه افرشي شرشف نفرين بالارض وخلي احد يساعدك يمسك الطرف الثاني للعصااللي معلقه عليها الملابس وبشويش حطيهم عالشرشف مع العصا واربطي الشرشف من فوق ومن تحت وشيليهم انتي وزوجك وحطيهم بالسياره زي ماهم بدون ثني ولما تجين باذن الله للبيت الجديد بالسهوله ارفعيي العصا واللي عالق فيها من الملابس وعلقي اللي نزل من العصا احسن من الترتيب بالشناط