حبيباتي، ممكن تدخلو؟

يسعد صباحكم ويسعدكم يارب
بشرحلكم حالتي واكيد مرت عليكم كثير حالات مثلي هالفترة انا كثير متضايقة وافكر كثيييير والله إني مهمومة
انا قبل كنت مهمتمة بس بدراستي ايام الدراسة والجامعة وما أفكر ولا مجرد تفكير بالزواج وأن يكون عندي أسرة وأطفال مثل باقي صديقاتي عايشه أيامي وسنيني وبس
مرت الأيام وتخرجت وبعدها جرت السنون جري ولا ادري كيف سرعة هالأيام وكمان ما أهتميت حتى دخلت الثلاثين وكمان كنت عادي اقول بنفسي نصيب إذا الله كاتب لي
خلال هالفترات كلها يكون فيه من يتقدم لي ومايتم او اسمع أن ناس بتتقدم ولايصير وعلى هالحال
الحين أنا قربت اوصل ٣٥ هنا جتني الهواجس والخوف والتفكير
انا مؤمنة إن كل شي بالدنيا نصيب والزواج مو اكبر همي
حتى نظرت المجتمع ماتهمني لأن عندنا ماحد يفكر هالتفكير تغيرت هالنظرة السلبية
بس يابنات أنا انجرح من اقرب الناس لي
تدرون ايش الي خلاني اكتب الحين أن أخوي مره جبت سالفة من باب المزح قلت لتزوجت باخلي زوجي يسوي كذا
تدرون ايش رد ضحك ضحكه هستيرية وقال وانتي مين بياخذك وقدام الكل وأقسم بالله انكسرت نفسي وللان تأثيرها فيني وحاز في خاطري
ما امدح نفسي أنا جميلة وما ينقصني شي وأهلي عايلة لها قدرها في المجتمع الي أنا فيه
وقتها قمت أهوجس في نفسي لو اني قعدت عند أهلي يمكن أقعد السخرية او اربي عيالهم وأصبح عالة كذا أفكر
تكفون أدعولي لعل منكم مستجاب الدعوة اليوم جمعة ويارب يارب يرزق كل محروم ويحقق لكل وحدة منكم امنيتها الي تتمناها ويوفقكم دنيا وآخرةيارب يارب يارب