حبيباتي ممكن تفهموني ؟ تعبت من التفكير

السلام عليكم،
اليوم اتصلت على زوجي بالدوام واستأذنت منه اروح مع خالي الصغير للمشغل قال لي طيب ،نزلت عيالي عندهم مع العلم لهم ٣ ايّام ماشافوهم ولا عندهم شغل وأم زوجي جالسه بالحوش وعيالي يلعبون ،دق زوجي علي الساعه ٦ و٤٠ دقيقه وينك ليه مارجعتي يالله بسرعه ارجعي


المهم الحمد لله كنت مخلصه ورجعت أحسبه موجود،ماحصلته طلع بالداوم،لما جات الساعه ١١ وطلع قلتله أحسبك طالع بدري ،استغربت تقول ارجعي
قال لا امي داقه علي تقول وينكم عيالكم من العصر وهم عندنا


طيب سؤالي ،ليه مادقت علي،يعني تبغين غرض ولا تبغيني اسوي لك حلا لعزيمه تدقين علي ليش في موضوع الخروج تدقين على زوجي


مو اول مره
مره رسلت عيالي ومعهم شغالتهم ،مدة ساعه ونص عندهم،وجلست انا بحمام الساونا بالصاله ،مابغى عيالي يشوفوني
أرسل لي زوجي واتس (ماشاء الله وين رحتي العصر) قلت مارحت ليه مين اللي قال لك ؟قال انتي مارحتي اهم شي؟قلت لا قال خلاص مالك شغل باللي قال لي


ومره انا كنت مشغوله وعيالي كلهم بالمدرسه الا الصغير حطيته بالمشايه ورحت اكمل شغلي انا والشغاله ننظف في البلكونه ونجرد الملابس
ولدي يصيح وانا مطنشته
يوم جا زوجي قال الولد ليه يبكي الظهر ،👀وماعنده احد
ابوي يقول شكلها مو بالبيت
؟؟؟؟؟؟؟
بنات انا ساكنه ب دور كامل مستقل عنهم ومدخل مستقل عنهم
ولا عمري طلعت من البيت الا باستئذان وموافقه من زوجي


بس بعرف ليه اذا بغوا شي دقوا علي
واحباب مع بعض
واذا خرجت تروحون تدقون على زوجي
باالامكان بما اني انا اللي منزله عيالي تدقون علي


ليييييش


وانا ودي افضفض لزوجي واقوله ليش ؟بس مادري فيه شي يردني ويقول طنشي مصيرنا نطلع ونستقل


احس بكتمه وقهر