نجي عند رغد .. رتبت اغراضها وصلحت كل شي عشان يوم الخميس .. بعدين راحت لابوها

رغد : بابا عبد الله

عبد الله : هلا بنتي حبيبتي شلونج ؟

رغد : الحمد لله

عبد الله : زهّبتي اغراضج ؟

رغد بفرح : ايه بس ابي اروح الجمعيه بشتري حلاو وشبس وخرابيط

عبد الله يسحبها من اذانها : هذي اشياء مو مفيده

رغد : اااي يبه يللا عاد لاتصير جذيه انت تدري اني ابلع في هالأشياء من وراك

عبد الله : يالكريهه , هذا وانا مأمن تاني عليج ماتخليج تكثرين من هالكت كات والجالكسي والشبسات ,, ليز وبفك مدري شنو بعد

رغد بفرح : برنجلز يبه

عبد الله : وتعترف بعد . انزين قومي لبسي بوديج

رغد : انشاااااااء الله يبه , مشكور مشكور يا أحلى ابو في الدنيا

عبد الله : انزين لاتعطلينا

رغد : لا لا دقيقتين وانا بشغّل السياره وانطرك فيها

عبد الله : يللا ببدل واييج

رغد : يللا

( وراحت رغد ويا ابوها .. وطبعا عبد الله ماقدر يمنعها تاخذ شي .. خمّت الاولي والتالي .. )

عبد الله : حشى شنو هذا كل هذا عشان يوم الخميس بس؟

رغد : لا يبه هذا مؤونه

عبد الله : حق شنو بعد ؟

رغد : موب انت بترد تسافر السبت ؟ بخشّهم عندي عشان اذا بغيت ومالقيت احد يودّيني اضمنهم في الثلاجه

عبد الله يدفها : مو تاكلينهم كلهم دفعه وحده

رغد : انشاء الله

عبد الله : يللا بنتي مشينا تأخرنا وايد على يدتج اكيد اهي قاعده تنطرنا

رغد : انزين يللا

يوم الاربعاء امل ماقالت شي حق رغد عن سالم , لانها تعيش حالة تضارب في نفسها , وكانت بتروح عند رغد تقعد عندها شوي بس هوّنت .. خافت تشوف سالم وماتعرف كيف تتصرف

وسالم اللي راح عند رغد بحجة انه بيقعد ويا عمه ويدّته .. وانتظر امل تيي على عادتها بس مايات ..

وصار يوم الخميس .. الساعه 6 صباحا


حملوا عفشهم وانطلقوا يخيمون في البر واول ماوصلوا قعدوا يرتبون الاغراض .. وشوي الا يات الساعه 8 الصبح .. حطوا فطور وقعدوا يفطرون

عايشه : الله يعافيج فطوم يوم انج فكرتي بهالفكره , الجو وايد يهبل

عمهم محمد : مو حلو بس الا يينن ,, ساره يبه شفيج ماتاكلين ؟

ساره : يبه مالي نفس

محمد : مو بكيفج تعالي قعدي

ساره : امرنا لله

( وشوي الا بجية رغد )

رغد حطت يدينها على خصرها تستهبل : ياسلام ؟ ونا وين اقعد

عبد الله : وسعوا لبنتي اقول لاييكم شي

رغد تضحك : عاد هالمره ابي اقعد يم امي عايشه , واحد منكم يوسّع لي ( تأشر على طارق وفيصل )

عايشه تدف طارق وفيصل : تعالي بنيتي حياج

فيصل : شنو يماه محنا عيالج

عايشه : عيالي , بس انا احبها اكثر منكم

رغد : لاصقين فيها زي اليهال , حتى خواتكم قاعدين بعيد , وخروا بس ( تدف طارق من حرّتها عليه )

رغد تربعت : يازين امي عايشه وياشين عيالها

طارق : اوكيه فهمنا , الحين انا صرت بطة سودا

عبد الله : طارق ولدي بيه تعال انا ابيك خل امك ماعندها سالفه بس , ايل حد يحب رغد ؟ من زينها ؟

طارق يضحك : ياحيا الله عمي عبد الله

الكل ضحك عليهم

رغد : الحين انا شينه يبه ؟ احسن اصلا امي عايشه تبيني , والباقين كلهم يبوني , مايبونه . ( تأشر عى طارق )

ولا لا يمه ؟

عايشه : الا ابيج عبد الله تبادل ؟

فاطمه : والله ياعايشه لو رغد تعيش عندكم جان تنتحر

عايشه : ليش ؟

فاطمه تأشر على فيصل : من الشخير اللي مالي صوت البيت , عندكم واحد لا اله الا الله 24 ساعه نايم .. حشى تقول دب قطبي ؟


الكل ضحك

محمد : هههههههههاي يبه بنتي شوفي خطيبج الله يعينج عليه

ساره سكتت شوي بعدين فقعت ضحك : عشان جذيه صاير متين , ماغير ياكل وعقب يرد ينام

فيصل يطالع في روحه : انا متين يالدبا ؟

عبد الله يضحك : تهاوشوا من الحين

محمد : سالم يبه شفيك ساكت

سالم رفع راسه : شقول .؟

مريم : عمي هذا دايما جذيه وايد هادي , يعني ولدك ماتعرفه ؟

سالم ابتسم لمريم بنت عمته : عادي انا جذيه

طارق : لايصير هدوء يسبق العاصفه ؟

سالم يضحك بقوه : لا تطمنوا ماكو عاصفه ولا حتى اعصار ..

محمد : اشوى

يا الظهر , نص اليهال رقدوا لانهم قايمين من الساعه 6 الصبح ..

رغد : نعسانه

ساره : نامي شوي الين العصر

رغد بقرف : شنو انام هني ؟

طارق : لا والله يعني بنت نعمه , شفيها الخيمه ؟

رغد : مو انه بنت نعمه بس اخاف ييني شي , بعدين شمس وحر

ساره : حتى انا موب نايمه هنيه , امشي ننام في سيارة ابوي

رغد : يللا , مريوم تيين ويانا ؟

فيصل : شنو كلكم بسياره وحده ؟ ومعاكم هالدبا ( يأشر على ساره )

ساره تطالع فيصل : مالدب الا انت

رغد : لاتسوونها سالفه احنا بس بنريح , الله وكبر الحين بننام , بنقعد على الكنبه ونحط راسنا

سالم : لأ مافيه

رغد : طاع هذا انتا شكو ؟ الحين احنا قلنا سيارة عمي محمد ماقلنا سيارتك من زينها اصلا , امشوا بنات رحنا

فيصل : من صجهم هذولي؟

مريم : شنو فيها يعني السايرة سيارة اهلنا وبعدين هذهي هنيه

فيصل يضحك : امزح وياكم

رغد : عاد احنا اللي بناخذ برايك

مريم : تمسون على خير

طارق : اذا يا وقت صلاة العصر بيقعدونكم

ساره : وانتوا مابتنامون ؟

فيصل يتثاوب : الا

طارق : احنا ريايل نتحمل البر بننام في الخيمه

رغد : هين بعد شوي بشوفكم في السياره

ضحكوا البنات عن الشباب وراحوا عنهم

وبعد العصر



كان الجو ولا اروع .. الكل مبسوط على الاخر .. الين قرب العصر خفت الشمس شوي طلعوا البنات يتمشون

تمشوا لين ماقالوا بس , ردوا ياخذون لهم شي ياكلونه ويشربونه ويردون يتمشون مره ثانيه


عبد الله : يبا بناتي لاتبعدون هاه ؟ ترا الدنيا ليل والحين الساعه جربت على9

رغد تأشر على عيونها : من هذي قبل هذي , يللا ساره , مريوم , امشوا جدامي

ضحك الكل عليهم

مريم : حسافه ياليتها نوف ويانا

ساره : ايه والله جان كملت الوناسه

رغد : ايه صح اهي ليش مايات ؟

مريم : تقول ظروف

رغد : اها

( وشوي الا ييهم فيصل )

فيصل : لو سمحتوا شوي ابي حرمتي

ساره استحت : شنو مو من الحين

فيصل : تعالي ابيج شوي

رغد بخبث : مايصلح نخليكم بروحكم

مريم : لازم لازم ننكد عليكم

فيصل : ياويلكم , ( مسك ساره من يدها وسحبها منهم ) تعالي بكلمج

رغد ومريم ضحكوا .. وبعد مابعدوا ساره وفيصل عنهم

ساره : شكو تمسكني فشلتني جدامهم

فيصل : وانا شعلي منهم ؟ ابي اتمشى وياج فيها شي ؟

ساره : اممممم لا مافيها

فيصل يتلفت حوله

ساره : شنو ؟

فيصل : لا كنت ادور على شي

ساره : لقيته ؟

فيصل : لأ .. ويطالع قدام بعدين مسكها وسحبها وراه : لقيته تعالي

ساره : شكو تسحبني جذيه شنو عدنان ولينا ؟

فيصل التفت لها وضحك وكمل مشيه وهي وراه

فيصل وقف عند عشبه صفرا : نقعد شوي ؟

ساره : ماكننا بعدنا ؟

فيصل : مو وايد , انا ياي عشان هذي ( يلتفت على النبته , كانت عشبه صفرا )

فيصل شال العشبه وعطاها ساره : تفضلي

ساره تقلب فيها : شكو تعطيني اياها ؟

فيصل : شنو شكو؟ والله انج ماتعرفين الرومانسيه , هذي انها ورده يعني

ساره ضحكت : الحين انا ماعرف الرومانسيه يايب لي عشب تقول ورده

فيصل : انا ادري عنج ؟ منين بلاقي لج ورده بالصحراء ؟

ساره : بعتبرها ورده ( شالت وحده ثانيه وعطته اياها )

فيصل خذها وشمها

ساره فقعت ضحك : شكو تشمها شكلك صدقت انها ورده

فيصل يرقّع : استهبل

ساره : ههههههههههههههههههههه ماتترقع لاتحاول

( فيصل تثاوب وساره قامت من مكانها )

فيصل مسك يدها : شنو وين بتروحين ؟

ساره تطالع ساعتها : وقت النوم يللا

فيصل ضحك : ماني نعسان قعدي يللا خلينا نسولف لاتسوين لج ملاهه

ساره : لا والله خلينا نرجع لهم بعدنا وايد , بعدين سالم لو شافني بيذبحني

فيصل : لا ذبحج اذبحه وابح عمري وراه

ساره تقوّم فيصل : ههههههههه لايبه مايحتاي امش يللا

( قام فيصل وراح عند البنات ,, اشوي الا نادوه الشباب وراح لهم )

طارق : فيصل البنات كلهم هناك ؟

فيصل : ساره ورغد ومريم

سالم بخبث : الحين انت ناسي شتفقنا عليه احنا وابوي ؟

فيصل يحط يده على راسه : اوووه نسيت

فيصل بخبث : وينه اهو موجود ؟

سالم : هنيه

طارق : على الله توكلنا ( وراحوا عند البنات )

فيصل مخبي شي ورا يدينه : يايبين لكم هديه

البنات لاحظوا نظرات الشباب ماتطمن

رغد : مانبي شي وخروا

فيصل : انزين شوفوا شنهوا اول

ساره : مانبي وخروا

فيصل طلع الضب من ورا يدينه : حلو مو ؟

البنات صرخوا صرخه وحده ورجعوا على ورا

رغد بخوف : شنو هذا في مثله بالكويت هنيه ؟ منين يبتوه ؟

سالم : لا هذا يايبينه لج مخصوص من السعوديه ( ويقربه منهم )

رغد : اااااااااااااااااه , ياويلك ياويلك

ساره ومريم انحاشوا للخيمه وبقت رغد لحالها

رغد تلتفت : وجع راحوا وخلوني بروحي

رغد بخوف : ان فلتوه ياويلكم

سالم : شحادح انحاشي مثلهم ؟

رغد : عشان تفلتونه وراي لا مابي , ياويلكم , يللا عاد خلاص وخروه

فيصل : اهو معجب فيج يبي يطالعج

رغد بخوف : وععععععع , شعور غير متبادل , شيله

( طارق كان واقف قريب منها وهو ساكت ويضحك عليها وسالم وفيصل في الجهه الثانيه )

رغد تطالع طارق : ان صار فيني شي ياويلك انت

طارق مبتسم : وانا شكو ؟

رغد : متفق وياهم وساكت عنهم , تلتفت على سالم وفيصل : يللا عاد والله لاعلم ابوي

فيصل ترك الضب يمشي على الارض وراح الضب ناحية رغد وطارق

رغد تلقائيا راحت ورا طارق ومسكت في بلوزته : وخرووووووووووووووه

فيصل وسالم يضحكون عليها .. وطارق مستغرب منها بس عاجبه الموضوع

طارق : فجي بلوزتي توها يديده

رغد مغمضة عيونها ماسكه فيه اكثر : وخروه احسن لكم ترا والله ابجي الحين

سالم : والله يحبج شوفيه تحت ريولج

رغد : اااااااااااااااااااااااااااااااااااااااااااااااااا ااااااااااااااا ( ومازالت متمسكه بطارق لانه اهو كان جدامها ..

( سكتت رغد فتره )

طارق : رغد شلناه خلاص

رغد شوي وتصيح : جذاب

سالم : فتحي عيونج شوفيه عندي

رغد فتحت عيونها بشويش وشافته عند سالم

استوعبت انها تخبّت ورا طارق

رغد بفشله : مالت عليكم زين جذيه تسوون فيني ؟ الحين انا لو متّ من الخرعه زين ؟

فيصل : والله احنا استأذنا من اهلكم اهما قالوا لنا خرعوهم

رغد : لا والله ؟

سالم : سألي ابوج

رغد من حرتها دفت طارق وراحت عند فيصل دفته من جتفه ,, بس ماقربت ناحية سالم لان الضب كان في ايده

رغد تطالع فيصل : عطه الطقة وع ماني يايه يمه

رغد : عند ابوي

سالم يطلع لسانه : روحي يالياهل

( رغد راحت عندهم وكانوا كلهم متجمعين .. وياو وراها الشباب )

رغد وقفت يمهم : يبه صج اللي سمعته ؟

عبد الله ببراءه : شنو ؟

رغد تأشر عليهم وراها : انت قايل لهم يخرّعوني ؟

عبد الله : هاه؟ لا ذولي عماتج

رغد : إه ماهقيتها منكم

فاطمه : نصاب ماعليج منه هذا عمج محمد اهو اللي قال لهم روحوا خرعوا البنات , واهوا اللي يابه وخرعنا فيه قبل

رغد تلتفت على ساره ةومريم : وتروحون عني وتهدوني ؟

مريم : شنسوي انتي مالحقتينا

رغد تطالع طارق بعصبيه : شلون انحاش وهما محاوطيني وبيفلتونه وراي

ضحك الكل عليهم

سالم يأشر على الضب: وبنتعشى فيه اليوم بعد

رغد بقرف : واي شنو هذا , والله لو اموت مااكل منه , بعدين انتوا حقدت عليكم

عايشه : انا بعد شافوني بروحي فلتوه علي

عبد الله يضحك : ياتنا الخيمه تصرخ واهما يركضون وراها

فاطمه : حسبي الله على بليسكم

فيصل : غريبه انا توقعت ساره تحب الضبان , انزين انا لو اشتهيت ضب على الغدا ولا العشاء منو بيطبخ لي

ساره تطالع فيه بقرف : يع تاكل ضب ؟ اقول شوف لك وحده غيري انا بقعد بيت ابوي

رغد شالت سعود : اقول يازينه هذا بس

طارق " منو سامح لج تشيلين ولدي ؟

رغد : منو قال لك اني اخذ رايك ولا اذنك قبل لا اشيله ؟ رح مناك زين

طارق : مو على كيفج بعدين الصراحه ( يطالع فيهم كلهم ) حطّينا تسعيره , اللي يبي يشيله 5 دقايق 50 دينار .. ةاللي بيحبه على كل بوسه 5دنانير

رغد تحب سعود : خذ حسابك من ابوي

( ضحكوا كلهم )

مريم : رغد قومي خلينا نقعد برا الجو وايد حلو

محمد : يبه ماشبعتوا من التمشيه ماتعبتوا .؟

ساره : يبه احنا مانتعب من الوناسه ,بعدين احنا بنقعد بس مو بالخيمه برا بنقعد عالارض جذيه

رغد تلتفت على الشباب : وياويلكم لو يبتوا لنا هالضب هذا

فيصل : اهو يحبج شوفي نظراته معجب فيج ( يقربه منها )

رغد كانت ماسكه سعود تخبت عند عايشه : وخروووووووووووه , وعايشه خايفه اكثر من رغد مسكت في محمد

ضحكوا كلهم عليهم ,

رغد : ترا ولدك عندي , ان خليته ييبه بقط ولدك

طارق : جربي

رغد : ولو انه مايهون علي لو الود ودي تنقط انت

محمد : والله انكم تضحكون يالحريم , هالكثر تخافون من هالأشياء ؟

عايشه : مع ويهك , ونت يايبه تخرعنا فيه

محمد : هاهاهاهاهاهاهاهاهاهااهاهاهاهاهاهاه هذا اتفاقنا انا ويه عبد الله

رغد : انزين تطلعون ويانا بره ؟

شوي الا بيية تاني : رغد ويأه

رغد : شنو شتبين ؟

تاني : من شاف اهبابو في ينسى اصهابو , زين جذيه تخلين انا بروحه

طارق : ههاهاهاهاهاهاهاهاهاهاهاهاهاهاهاه ياللزقه , شكو انتي ماعندج خدامة عمي محمد وعمتي فاطمه تقعدين وياهم , ولا اقول لج خدامتنا يديده روحي علميها بعضا من خبراتج

تاني : انت مالك شغل انا في يكلم رغد ( تأشر لطارق يسكت وهو يضحك عليها )

تاني تهمس لرغد : وين تويكس مال انا ؟

رغد : بشنطتي بالسياره

تاني : سيارة منو ؟

رغد : يبه جنطتي بسيارتك ؟

عبد الله : ايه يبه

رغد : احذف علي المفتاح بروح اييب شي وايي

عبد الله : اعرفج انتي وياها شبتييبون

رغد تضحك : يبه لاتفضحنا

عبد الله رمى المفتاح عليها : هاج

رغد قامت : تاني ييبيه وياج ( تأشر على سعود ) , مازال رهينه

طارق رفع حواجبه : مخليه عندج برضاي ترا هاه

رغد قامت وماردت عليه وراحت ويا تاني

رغد عند السياره : هاج

تاني : ياسلام ؟ انا في اربأه تويكس هذا ثلاثه

رغد : اعطيج اياه في البيت

تاني : انا يبي الحين

رغد : اووووف منج هاج

تاني : مشكور انت واجد ذوق

رغد : ولّي زين

رغد كانت فاتحة باب السيارة وحاطه سعود على الكنبه , شالت سعود وحبته : يمه شسوي فيه يينن

طارق من وراها : وابوه ؟

رغد تلتفت عليه انها زعلانه : ابوه شكو ؟

طارق يبتسم : لا ماشي , ( يمد يدينه ) هاتيه شوي

رغد : مابي لاتصير نحيس يللا عاد خله عندي شوي , الله واكبر الحين اشتقت له ( تضحك )

طارق : بحبة وردّه

رغد : حبه في بيتكم , الحين اهو حقي

طارق : مابي ابي الحين

رغد : انزين ون ماعطيتك اياه ؟.

طارق : ايي انا عنده واحبه ( ومانطر رغد تتكلم راح عند سعود في يدينها , ورغد استحت لايقرب منها وايد ,,)

رغد بتمد يدينها لقدام : خلاص تعال خذه

طارق مبتسم : اسف انتهى وقت العرض ( وراح يمها وحب سعود وهو في يدينها ,, ورغد استوى ويهها اشارة مرور طارق جريب منها )

رغد بعصبيه : خلاص عاد كل هذي حبه ؟

طارق : انتي شكو ؟ انا وولدي نتفاهم ؟

رغد : فيي يديني ؟

طارق بخبث : عندج مانع ؟

رغد تطالع سعود : حبيبي سعود ابوك ماينبلع ابد

طارق يضحك : حبيبي سعود الى متى بتّم بنت عمك رغد مليقه وماتنعطى ويه ؟

( سعود بدا يصيح )

رغد : قبسه , من طليت بويهه قام يبجي زين جذيه ؟

طارق ببرود قاتل : اهو مابجى الا لما قلت اسمج , ولا انا بوه يبجي ليش ؟ ( وشال سعود من يدينها يسكّته )

طارق : بس بابا بس بس

رغد تضحك : كله منك , اشوف عطني اياه بيسكت عندي

طارق : وايد ثقه

رغد : جرب وشوف ؟

طارق قرب عندها يعطيها اياه

رغد بعدت عنه : عطني اياه من هنيه

طارق ببرود : اخاف يطيح

رغد : مابيطيح ( شالته وحطته على كتفها وسكت )

رغد : احم احم , المشكله انك دايم ماتثق بقدراتي , شفت ؟ كاهو سكت

طارق ابتسم وبحنيه : لانه وااااااااااااااااااااااااااااااااااااااااااااااااا اااااااااااااااااايد يحبج

رغد ضحكت ومشت عنه للخيمه اللي كانت بعيده عن السيارات مسافه مو قصيره

طارق تم يطالع في السما وهو يغني ويمشي وراها , هذي حركته المعتاده , طارق وايد يحب يغني وهو يتمشى سواء في أي مكان , برضوا رغد بس اهي تستحي تغني يم احد ..

لان الوقت كان ظلمه رغد ماكانت تشوف زين .. تعثرت بحجره وبغت تصفق على ويهها .. طارق انتبه لها ومسكها من ذراعها اهي ويا سعود

رغد تفشلت ونزل ويهها

طارق : زين جذي بغيتي تصفقين ويصفق الولد وياج ؟ طالعي عدل المره اليايه . زين يبه ؟

رغد : انشاء الله

طارق رد يكمل : مين أسّاك علي ,, لو ترضى بهواني برضوا انتا اللي ليا , بتزيد عزابي ليه , ويهون شبابي ليه ؟ ليه ليه ليه ليه يااسمر

رغد كانت تسمع طارق باهتمام اهي تحب عبد الحليم وكل الاغاني الجديمه حقات فيروز وام كلثوم , وغير جذيه طارق صوته وايد حلو . وتذكرت يوم اللي تغني اغنية تايتانك وتكتشف انه كان يسمعها ويشوفها . الله فشله صوتي يفشل مو زي صوته

واول ماتذكرت رغد ضحكت

طارق : شفيج ؟

رغد : لا , بس تذكرت شي ضحكني

طارق رافع راسه للسما : ضحكينا وياج

رغد : لا ماكو , شي بايخ

طارق التفت لها وهو عارف شتذكرت : براحتج

رغد سكتت

طارق فيه الضحكه ومبين على ويهه : neer , faaaaaaaaaaaaaaar , where ever you are

رغد تفشلت : مع ويهك هالاشياء تعرف تتذكرها

طارق ضحك وحط يدينه ورا راسه : في ناس ذاك اليوم كانوا بينامون في المستودع

رغد دفته : مالت عليك

طارق سكت شوي : رغد ؟

رغد : هلا

طارق ببرود : صوتج وايد حلو غني مره ثانيه

رغد : روح يبه حلت لك السالفه

طارق ضحك بعين رد يغني الين وصلوا الخيمه

تموا يسولفون ويتضحكون الين شالوا اغراضهم وردوا .. وكلهم سالموا على عبد الله لانه بيرد يسافر السبت مبجر من
الصبح

يتبع<<

يلاااااااااااااااااااا كملي

انطرج

سالم اول ماوصل البيت دق على امل وكان الوقت متأخر ماردت عليه , رد دق عليها السبت العصر

سالم : الو

امل : هلا

سالم : شنو ماعرفتيني ؟

امل : الا احد مايعرفك ؟

سالم : اموله سمعي بهديج اغنيه

امل : يللا

سالم بصوته : طول عمري بأول , لانا أد الشوق , وليالي الشوق , ولا ألبي أد عزابوا عزابوا , وابلتك انتا لأيتك بتغير كل حياتي معرفش ازاي حبيتك معرفش ازاي ياحياتي

امل تمت تسمعه بهدوء وهي ماتعرف شتقول

سالم : شرايج يالغاليه ؟

امل : وايــــــــــــــد حلوه , والاحلى صاحبها ( امل سكتت علطول شلون زل لسانها وقالت جذيه ) ؟

سالم : صج , يابعد عمري

امل سكتت

سالم : شفيج ؟
امل : لا ماكو

سالم : احبج احبج احبج احبج احبج احبج

امل : هاه ؟ انزين سالم اترخص الحين

سالم يضحك : الله وياج , بكلمج باجر انشاء الله

امل : على خير مع السلامه

سالم : فمان الكريم

طبعا سالم وامل ماياهم نوم ذيج الليله كل واحد مو مصدق عمره , سالم اخيرا اعترف لها انه يحلها


يوم الاحد الظهر :

طارق : فيصل تيي وياي ؟

فيصل : وين ؟

طارق : عند نواف رفيجنا , تعبان شوي بنروح نزوره

فيصل : بالمستشفى ؟

طارق : ايه

فيصل : انزين سالم بيروح وياك ؟

طارق : الحين بيمرني وبنروح

فيصل : انزين شحق ؟ الحين ظهريه وقايله نطروا للعصر ؟ وبعدين الناس توهم طالعين من مدارسهم يعني زحمة طريج

طارق : قوم قوم , مانقدر نأجلها للعصر اخاف يصيرون اهله موجودين مابنقدر ندش عنده

( تلبسوا كلهم وراحوا عند نواف رفيجهم وسلموا عليه )

طارق : حمد لله على السلامه نواف هاه شلونك الحين ؟

نواف : الحمد لله

فيصل : خطاك السو

نواف : خطاك اللاش

سالم : وماتشوف شر بعد , يللا عاد الى متى تتم منقع هنيه , قوم بلا دلع خنطلع نوسع صدرنا ( يضحك )

نواف : انشاء الله , كلها يومين وبرد البيت انشاء الله )

تموا الشباب يسولفون وياه ربع ساعه

سالم : يللا يبه احنا نترخص

نواف : زين قعدوا شوي ؟

طارق : لا يبه اخاف ييون اهلك ومعارفك نستحي بعد , يللا فمان الله

نواف سلم عليهم : فمان الكريم , مشكورين عالزياره

فيصل : يللا سلامات مره ثانيه , مع السلامه

( طلعوا الشباب من غرفة نواف وتتكّوا على الغرفه اللي مقابلها يسولفون شويه )

فيصل : ياحليله نواف والله ونعم الرفيج يوسع الصدر

طارق : ايه والله , الله يقو ........
( توه بيكمل حجيه الا بجية النرس تقطع كلامهم )

النرس : لو سمحتوا اللي بالغرفه هذي تعرفونها ؟ ( تأشر على الغرفه اللي وراهم )

طارق : لا بس احنا واقفين هنيه , ليش شنو فيها ؟ نقدر نساعدج بشي احنا حاضرين

النرس بحزن : مانعرف الا اسمها , اهلها ماقدرنا نوصل لهم ولا ارقام تلفوناتهم , كانت طالعه من مدرستهاا ودعمتها سياره

طارق بتعاطف : لا حول الله وشلونها الحين ؟

النرس بحزن : عطتكم عمرها

فيصل وسالم وطارق : انا لله وانا اليه راجعون

النرس : عن اذنكم (وفتحت باب الغرفه اللي كان فيصل متكي عليه )

فيصل طل للغرفه بفضول وشاف شي ماتمنى بحياته انه يشوفه

فيصل بخوف : سالم , طارق اقربوا شوي

طارق : حرام والله كسرت خاطري هالمسجينه

سالم حس ان اكو شي بالموضوع وراح عند فيصل

فيصل بخوف ودقاته اسرع من البرق .. وسالم صار يخاف زياده من نظرات فيصل , طارق واقف مستغرب ومو مستوعب

طارق : شنو ؟ شفيكم ؟ تعرفونها البنت ؟ شايفينها من قبل ؟

سالم وفيصل دخلوا الغرفه علطول وطارق دخل وراهم .. لاحظتهم النرس

سالم بخوف وكلام مقطّع : ممكن اشوف جنطتها ؟

النرس : هذاك هي , شكلكم تعرفونها

سكتوا كلهم وتقدم سالم للجنطه بخطوات ثجيله , فتحها بارتباك , شال كتاب قرا الاسم اللي عليه ( امل حمد الفلاني )

سالم طاح الكتاب من يده ويا فيصل وراه شال الكتاب وقراه

فيصل بخوف وصوت مبحوح التفت لطارق اللي كان متسمر مكانه

فيصل : ط طارق ش شنو اسم امل الكامل

طارق : امل حمد الفلاني

سالم قرب من السرير بشوةيش , يقرب ويتراجع , لايمكن تكون هي , اكيد تشابه اسماء

فيصل بخوف وحزن : لا ياسالم مو اهي مو اهي امش خلينا نطلع مو اهي ياسالم مو اهي

سالم وقف عند راسها والتفت عليها وكأن حد كب فوقه ماي بارد

سالم بصوت هز المستشفى : امــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــل

النرس واقفه ومندهشه

طارق : شنو سالم وفيصل مو وقته تمزحون

فيصل دموعه تنزل بسرعه : طارق تعال اقرب بوريك شي

طارق قرب من فيصل وفيصل سحبه ناحية امل : ه هذي مو مو رفيجة رغد , امل حمد ؟

طارق باستنكار : لا لا مو اهي مو اهي , هذي وحده تشبهها

سالم حاول يدورشي واحد يثبت انها مو امل اللي يحبها ,,

فيصل وهو يبجي بهدوء رفع يدها اليمين ومسك اسواره كانت على يدها

فيصل : هاذي رغد معطتها اياها يوم طلعنا ويا بعض

سالم ماسك يد امل وبدا يبجي بهدوء : والله مايسوى اعيش الدنيا دونك لا ولا تسوى حياتي بهالوجود ,, دامك انت اللي رحلت وكيف بصبر عالبعاد وكيف بنثر هالورود

فيصل : سالم انت كنت تحبها ؟

سالم يبجي : ........................

فيصل : سالم انت كنت تحبها سالم رد علي

سالم يبجي : بس حسافه الموت كان اقرب وارحم , حسبي الله وحده ونعم الوكيل

النرس : اهي شتقرب لكم ؟ ساعدونا نحتاي رقم أي احد من اهلها او رفيجاتها

فيصل صرخ بكلمه وحده : رغد !

فيصل التفت على طارق اللي متسمر مكانه وواقف يطالع امل وهو مو مصدق

فيصل : طارق رغد شبيصير في رغد شبيصير في رغد شبيصير فيها ؟

طارق تم يتلفت مو مستوعب , يلتفت عل سالم يلقاه حاط راسه على السرير وماسك يدها وهو يبجي يغني : حرمتينا من الغالي يادنيانا حرمتينا , بقت كلمه بخواطرنا بعدنا لا ماقلناها ..

وفيصل يهز طارق : طارق روح لرغد روح لها , رغد محتاجتنا روح لها

طارق علطول فتح باب الغرفه وطلع توجه للمصعد وركب السياره وشغلها ومشى بيت عمه عبد الله

النرس خذت من فيصل رقم رغد ورقم اهلها وخبروهم

طارق في السياره ماكان مخه يعطيه لحظه للتفكير ,, كان خايف ان رغد يصير فيها شي اكثر مانه حزين على امل , اكيد المستشفى خيروها اكيد , الله يساعدني يارب

طارق دخل البيت : تاني تاني , وينها فيه هذي ماترد , خاف يعلي صوته تصحى يدّته وتدري يصير فيها شي .. وهو في الصاله سمع صوت تكسير قزاز وصوت صراخ وكل الاصوات اللي خلته يرقى الدري باسرع قوه امتلكها في حياته

طارق راح عند غرفة رغد , بابها كان مسكر مو مقفول

مادق الباب من كثر خوفه علطول فتح الباب

رغد في حاله هستيريه . بعيده عن الواقع , كل شي بالغرفه ماهو على حاله .. القزاز مكسور , مرايه , تحف , كاسات , براويز صور , عطور مرميه على لارض , مخدات السرير على الارض

طارق : رغد رغد شفيج

رغد تصرخ ومستمرة تكسر وترمي وماترد عليه


طارق علطول راح عندها ومسكها من ذراعينها : رغد يبه شفيج ؟

رغد رفعت راسها تطالعه .. وسكتت .. كان الصوت الوحيد هو صوت التلفزيون , كانت تتابع عهد الأصدقاء .. وكانت اليوم بالذات الحلقه اللي مات فيها الفريدو صديق روميو

رغد تمت تطالع في التلفزيون وروميو يغني : نحن الاصدقاء نعرف مامعنى الوفاء , مامعنى الصديق , مامعنى الاخاء , كلنا نبغي الهنا , وعيوننا الحزينه تحاول الابتسام , تقاوم الاحزان والالام

رغد تركت طارق وراحت ناحية الباب
طارق لحقها

طارق : وين بتروحين

رغد تفتح الباب : بروح حق امل

طارق مسكها : شنو انتي مينونه ؟

رغد : ليش انت جاسي جذيه ؟ الله يخليك خلني اروح

طارق سكر الباب ووقف وراه وطالعها بحنيه : رغد امل راحت خلاص

رغد بدت عيونها تدمع : صج ؟

طارق : صج يبه صج

رغد بدت تبجي وعلطول قطت بعمرها عند طارق , طارق تم فاتح يدينه ومو مستوعب ان رغد يات عند صدره تبجي , ارتعش كل جسمه , وحس ان رغد محتاجه له

طارق : خلاص يبه لاتبجين البجي مايرجعها

رغد رفعت راسها وتلتت حولها وصدقت الموقف , بعدت عن طارق مو مصدقه انها كانت عنده , وطاحت من طولها عالارض
ياترى شو الي صار لرغد وهذا رح نعرفه في الجزء الرابع

كملي بليزززززززززززززززززززززززززززززززززززززززز

بكيت عند موت امل ذكرتيني بجدتي الله يرحمها

كان في حلم ما كلن في حقيقة الله يرحمهم ويغفر لهم

وعليكم السلام ورحمة الله وبركاته

كمليييييييي بسررررعه