حبيبتي الغالية

حبيباتي هذا موضوع بس للفضفضة ،،، بنات أمي حبيبتي تتعب نفسها فوق طاقتها لأجل سعادتنا ،،،، ودي براحتها وأدور اللي يريحها لكن هي لا ، مثلا اخواني متزوجين وساكنين بأقسام معها بالبيت والحمدلله فيه خدامه لها بس هيه ما تثق في شغلهم يعني تكون معهم في الطبخ وتشرف ع كل الوجبات وشغل البيت واحتياجاته كامل لأجل تضمن راحة اخواني وزوجاتهم ، والحمدلله زوجات اخواني يحترموها ويحاولوا يساعدوها بس هيه تقدم اليمين في اغلب الوقت وتخلص كل شي بنفسها ،، اذا اخواني طلعوا وتركوا الاطفال عند الخدامة في القسم مالهم تروح تجلس معاهم مع انه احيانا وقت راحتها والتعب باين عليها لكن تحاول ما تبين انه تعبانه ،، انا اجي أزورها انا وعيالي كل يومين واتكدر اذا أشوفها تكلف ع نفسها ، لدرجة زوجي اللي لنا ١٣ سنه متزوجين وهي تعده واحد من عيالها لكن اذا زرناها تعامله كأنه ضيف الا تجيب وتخلي وانا احاول أقوم باللي اقدر عليه عشان ما تتعب نفسها وترضي ، وهذي حالها مع الكل ،، اذا كلمتها يالغاليه ارتاحي والكل يقدر يخدم نفسه ولا تتعبي نفسك تتضايق وتتكدر من كلامي وما ترضي أني اتكلم بحضور اخواني وزوجاتهم ،،، اليوم زرتها واشوف التعب عليها لكن تحاول ما تبين لي ونفسي اتكدرت أتمنى انها ما تشيل هم وراحة احد ،،، حاولت سنين أني أخفف واريحها من التكلف اللي متعبنها ولكن شفت نفسها ما ترتاح الا اذا الكل شافتها مرتاح ،،،،،
ربي يسعد قلبها ويريح بدنها ويرزقها الجنه بدون حساااااب ،، اللهم آمين
شي في القلب وحبيبت افضفض فيه😪