السلام عليكم ورحمة الله
مساء الطاعات خواتي عليكم وعلينا
في سالفه بقولها لكم وابغى تعليقاتكم . . عندي بنت عم موب بس بنت عمي الا اختي وحبيبتي
كبرنا مع بعض ودرسنا مع بعض وتخرجنا مع بعض بحكم عيشتنا بعماره وحده
وبحكم ان شقتهم مقابله لشقتنا فتلاقونا 24 ساعه مقابلين بعض هي اكبر اخوانها وخواتها
وانا اكبر اخواني وخواتي واشياء كثير تجمعنا . . يتيمه توفى عمي وهي في اولى متوسط
عمرها 30 ماعندها الا اخت اصغر منها عمرها 25 واخ عمره 21 الله يخليهم لبعض
مرت سنوات عمرها مايخطبونها الا قليلين الدين والاخلاق الله يهدينا ويهديهم
الشاهد انها انخطبت قبل ثلاث اسابيع من شخص مقعد على كرسي متحرك هي من قبيله وهو من قبيله
كل شي فيه طبيعي بس ارجوله مايحس فيها
معيد بالجامعه ويدرس ماجستير لغه انجليزيه وعلى كلام اخته وامه لمن جو يخطبونها
انه شخص حنون ومحتاج انسانه حنونه وطيبه وملتزمه وانه محافظ على صلاوته بالمسجد وانسان ملتزم
وعنده سواق وخدام خاصيين فيه وانه مايبي الا زوجه فقط و و و
هي حلوه ماشاء الله وماناقصها شي علشان تاخذ مقعد
بس هي تقول مرتاحه له وتحس انه بيعوضها عن الشقى الي شافته بعد مموت ابوها بحكم انها اكبر اخوانها
وتتعرض لاأهانات كثير من عمتي امها ومن اخوها وحبستها بالبيت ويمكن تكون على ايده تتحقق احلامها
ومدري ايش من كلامها وفضفضتها لي
المشكله انا عارضت انها تتزوج وفهمتها عن الصعوبات الي بتواجهها
وانه يحتاج مساعده بكل امور حياته وبكره بيججيها عيال وبتتضاعف لها المسئوليات
لو مرضت من بيروح معاك ومن بيهتم فيها كيف اهلي واعمامي يتقبلون تعليقات اقاربنا ومعارفنا
واستهزائهم كيف امها بتتحمل كلام الحريم وتريقتهم على الطالع والنازل
وانت عارفين بعض الحريم لسانهم يوصل لاذونهم وكلماتهم سوط يذبح
لاتقولون لاتلتفتون لكلام الناس والله ليكسر قلبك خلونا واقعيين
بس هي ميبسه راسها مره وموافقه عليه تقول بصير انا ارجوله الي يمشي عليها وهو بيصير قلبي الي انكسر كل هالسنوات.. مدري كيف واثقه انه بيصير طيب
. . وانا احن على راسها انها تترك هالزواج والله مامنه الا وجع الراس والمسئوليه الزايده
صح ان ذوي الاحتياجات الخاصه بشر ويتمنون الزواج . . بس الحياه صارت تخوف
والبنت لو ما اخذت شخص قوي ويقدر يحميها والله لياكلونها القريب والبعيد
فاهمين قصددي انا ماقصدت التقليل من شأن ذوي الاحتياجات الخاصه بس البنت الضعيفه محتاجه شخص قوي لكن اذا اجتمع الضعيف مع ضعيف والله ما احسه زواج متكافئ
انصحوني انا صح ولا هي بموقفها الصح
لاني بخليها تقرا كلامكم ان شاء الله
هل زواج الفتاه السليمه من شخص من ذوي الاحتياجات الخاصه تشوفونه ناجح
وي ليت وحده من الاخوات متزوجه من ذوي الاحتياجات الخاصه تفيدنا بتجربتها
او اي وحده تعرف قريبه او وحده تزوجت منهم ياليت تفيدنا بخبرتها
انا خايفه على بنت عمي وابيها ترتاح بالباقي من حياتها :(
المشكله انو مو بس انا الي معارضه زواجها حتى امها تقول اجلسي اخدميني انا احسن من تخدمين ولد الناس
والله يسعد اي وحده ترد على موضوعي ويجزاها سعاده الدارين يارب :kiss:
هي لله @hy_llh
عضوة جديدة
يلزم عليك تسجيل الدخول أولًا لكتابة تعليق.
دامها تبيه الله يوفقها ويسعدها وامها تقول اخدميني اولى من تخدمينه!!!!!! لاتعليق .......الله يوفقها ويسعدها ويقر عينهم ببعض
بلعكس يمكن يعوضها اكثر من غيره
وسالفة الاقارب خلي واحد منهم تطلبه ١٠٠ ريال اقل شي ماتشوفي لهم نفس
الاقارب تسحب عليهم مافيه احد بيفيدها
وبلعكس الله يوفقها شجعيها وقوي من شخصيتها الي يقول الف ترد له صاع صاعيين
وسالفة الاقارب خلي واحد منهم تطلبه ١٠٠ ريال اقل شي ماتشوفي لهم نفس
الاقارب تسحب عليهم مافيه احد بيفيدها
وبلعكس الله يوفقها شجعيها وقوي من شخصيتها الي يقول الف ترد له صاع صاعيين
مالومه
•
بالعكس دام خذته ًوهو جذي يمكن يحن عليها اكثر عن اهلها ودام بيوفر سايق وخدم بعد شو تبا صج بتتضايق من اشياء معينه مثل طلعات وروحات وجيات وسفر بس شتسوي اذا تبيه ونصيبها
الصفحة الأخيرة
الإستخاره ستحدد الجواب ....
لكن بطريقه صحيحه وتسأل الله الخير