حبيبها السابق يهددها ساعدوها

السلام عليكم
حبيت اطرح عليكم مشكلة صاحبتي لاني عاجزة عن التفكير وإيجاد الحل

صاحبتي تعرفت ع شخص معها بالدوام وصار بينهم حب وتبادل رسائل بالجوال وتطور الامر وتبادلوا صور بعض ... وكان بينهم إيميلات للجنس..
المهم الشاب اصغر منها في السن وكانت تعاملة بكل ود وتعطية الحنان لانه يتيم الام وكانت وربي تعاملة بكل طيب وود وكانت تساعده فدروسه بالكلية

المهم بعد جاها صاحبتي ناس يخطبوها وما قدرت ترفضة لان اهلها اجبروها ع الزواج وما كان عندها اي عذر انها ترفضة وخاصة ان صار عمرها في 30.... المهم

حبيبها ما قدر يستوعب فكرة انها بتروح منه وبنفس الوقت ما حب ان يعملها مشاكل مع اهلها وزوجها فطلب منها انها ما تتركة وتساعدة تكون كصديقة له وخاصة انه يحتاج لاستشارتها في كل شي ويحتاج مساعدتها في الكلية

قبل عرسها بفترة هي احتاجت لمبلغ وطلبت منه طبعا 1500 ر س وخبرته بعد العرس بترجع المبلغ
بس هو صارت عنده مشاكل في غائلته واحتاج للمبلغ وبدا يتصل ويهدد انه راح يشتكي عليها طبعا هذا كله كلام بس يخوفها ... لان في كل مرة يهددها لما تكلمة يعترف لها انه ما يقدر يأذيها لانها كانت كثير طيبة معه وما شاف منها إلا الخير..

المهم هو تسلف من ناس فحل مشكلة عيلته ....

بعد كذا طلب من صاحبتي انها تعرفه ع اي بنت من اختيارها لان محتاج لوحده تعطيه حنان وتوقف معه وتواسيه... لما صديقتي عفت عن هالشي طلب منها انها تكلم زميلتها بالدوام ويتعرف عليها .. طبعا صاحبتي عشان تخليه يتركها كلمت زميلتها عنه وبعد كذا صارت بينهم علاقة حب وصاحبتي ما تعرف اي شي عن اللي بينهم.. ولما تعقدت الامور بينه وبين حبيبته الجديدة رجع لصاحبتي يطلب مساعدتها ع انها تكلم زميلتها ويرجعوا لبعض لانه حبها كثير.. صاحبتي قالت انها ما بتقدر تعمل هالشي .. وانقطع عنها

نسيت اخبركم بخصوص الدين صاحبتي رجعت له 1000 ر س بعد ما رسل رساله تهديد لصاحبتي وشافه زوجها وطبعا صارت مشادات بينها وبين زوجها والله ستر وعطاها زوجها المبلغ و باقي انها ترجع 500 ر س وزوجها يقول خليه ينتظر الححين ما عندنا

بس حبيبها اللحين يطلب منها اكثر من 500 لان محتاج وعيلته فأزمة وقايم يهددها برسائلها وصورها وإيميلاتها وانه راح يخبر زوجها وبيشتكي عليها بالادعاء .. وهالمرة ع حسب ما تقول صاحبتي انه غير عن كل مرة حتى لما تكلمة ما ينفع معه مصر ع التهديد وبدا يصارخ لها بالجوال
هي حاولت اكثر من مرة تطلب من زوجها ان نرجع له المبلغ وزوجها يقول الشهر الجاي .. واللحين هو يهددها اذا ما جابت الفلوس اليوم راح يتصل فزوجها .. وهي عشان تمنعه قالت له ان زوجها طلقها بعد ما عرف عن اللي كان بينهم ....

قبل يومين رسل رساله لصاحبتي يقول انه اشتكى عليها بالادعاء اذا ما جابت الفلوس اليوم راح يتصلوا فيها صاحبتي طلبت منه تفاصيل الشكوى رقم المللف و اسم الشخص الي استلم وووو .. رفض يعطيها وثاني يوم رسل لها انه الغى الشكوى وبيعطيها فرصة ثانية واللحين يهددها بالصور والايميلات
يقول بتصل فزوجك وبقول له زين انك طلقتها لانها ما تستاهل

صاحبتي حالتها حاله هي غلطت وحاسة بغلطتها .. كان ضعف منها وزيادة ثقة منها له اعطته صورها..مع انه كان حالف لها ان حاذف الصور ... هي مو متأكدة اذا هو بالفعل عنده الصور ولا لأ...

هي تقول ان هالشخص كثير طيب عقله مثل الطفل والمراهق ما يعرف كيف يتصرف فحياته دايمن مستعجل فقرراراته فكانت هي دايمن ترشده فقرراراته...
هي تقدر تروح تشتكي عليه بالمركز ع انه بيهددها بصورها ويطالب بفلوس بي هي تخاف من الفضيحة وان الموضوع بيوصل لزوجها
هي تعرف ان زوجها يحبها ولو خبرته بالحقيقة اكيد راح يزعل منها بس ما راح يتركها لكن اكيد بعد كذا زوجها ما راح يثق فيها...
وربي الشاهد هي مخلصة لزوجها من تزوجت قطعت علاقتها بيه بس هو ما راضي يتركها
وع حسب كلامها هو محتاج للفلوس عنده ظروف كثير صعبه.... بس عناده وتهورة بيخلوه يسوي شي بيضيع نفسه ويضيع حياة صاحبتي
وهو طالب انه يشوفها لما يستلم المبلغ

خبروني شو ممكن تسوي صاحبتي مع الشخص؟؟؟؟