حبيبي ماما يلا نام..... مشان الله نام يا ابني..... اللي عندها حل تساعدني

السلام عليكم

انا أم جديدة ابني عمره11شهر،
أولاَ ابني مغلبني و متعبني بالنوم(مش بس النوم طبعاً و أشياء آخرى) ما بنام كتير يا دوب 6 او 7 ساعات باليل و مش متواصل لازم يستيقظ من خمس الي عشر مرات باليل و يبكي مع انه بيكون شبعان و نظيف و كله تمام , مثلاً في هذا الوقت الساعة الآن الثانية و النصف صباحاً قسماً بالله ابني مستيقظ ولا يريد ان ينام ابدا .كان نايم الساعة 11.15 ليلاً و استيقظ مرتين و رجع نام و قولت راح يسحبها نوم , الآن استيقظ ولا يريد النوم ابدا و يبكي إن حاولت معه ان ينام يبكي بشدة و بدموع غزيرة و قرات قرأن و أدعيه و ابني معند بده يلعب!!!!!!!!!!!!!!!!!!! شو اعمل معه قولوا لي؟؟؟؟؟؟؟؟؟؟؟؟؟؟؟؟؟؟؟؟؟ و تقريباً كل ليلة علئ هدا الحال هلكني.
الله يعينه زوجي كيف مستحمل مو عارفة بس اكيد بيوم راح ينفجر منه

تانياً بنام بوقت متأخر بنام الساعة 11 ليلاً او 12 ليلاً . مع انه بفترات النهار ما بيكون نايم, طول الوقت مستيقظ و بيلعب، بس بنام بالنهار من 30 الئ 60 دقيقة.

ثالثاً صار له تقريبا شهر يرفض النوم بسريره و يريد النوم معي !! و بصراحة بتعب لما ينام بجانبي لأني ما بعرف انام و بكون قليقة عليه.

نفسي ابني ينام السابعة مساءاً او الثامنة و ينام بسريره ! هل يوجد طريقة معينة اتبعها معه؟؟؟

انا ليه فتحت الموضوع هل صحيح لأني بسمع من امهات انه اولادهم بينامو 12 ساعة و اكتر متواصلة و بغرفة الطفل - اما انا ابني سريره بغرفتي

حياتي مآساة ما في راحة ابداً
يا ريت تعطونا حلول و أكيد الكل بستفيد ،،اكيد في ناس متلي و لا بس انا؟؟؟؟

ملاحظة :icon33: الساعة الرابعة صباحاً و ابني الى الآن مستيقظ و يلعب و بغني