.. وش جابرك على هالحياة الي بتحطين نفسك فيها انتي صغيره وتو الناس الجاي بيكون احسن ..
.. واتركي هالشي لله سبحانه وتعالى وربي بيعوضك احسن منه وبالحلاال وبيتقدم لك لحسبك ونسبك مو من معرفه سابقه ..
.. من رايي ان الزواج بالطريقه هذي فاااااااشل لان اهم شي معدوم ثقتكم ببعض وش بيبقى !!! ..
.. انتي الحين تفكرين بقلبك انسي قلبك شوي وفكري بعقلك بترضين بالعيشه هذي ؟؟ ..
.. بالنهايه مالك الا رب العالمين استخيري وهو بيختار لك الصالح ..

اختى السلام عليك ورحمة الله وبركاته
سوف اقول كلماتك ربما مثل ماقالت الاخوات
تخيلى انك مكان زوجته كونى فى احساسها اشعرى بنبضات قلبها تألمى بالمها واحزنى بحزنها هل ترضين لنفسك
ادعى الله ان يحنن قلبه على زوجته ويرزقه محبتها فى طاعة الله واعلمى ان من ترك شيئا لله عوضه الله صدقينى مشاعره ثورة وبعدين راح يرجع لزوجته لا ن الرجل لن يعطيك ثقة بل ربما يتعبك بعدين
والله يوفقك والله معك حبيبتى

اخواتي العزيزات .............الاغلبيه تقولي فكري بزوجته الاولى .... انا واثقه ان الرجل مايفكر يتزوج الا اذا كان فيه حاجه ناقصته مع زوجته وهذا مو عيب مافيه بنت كامله .. بتقولوا المفروض يصبر عليها يحاول يعالج مشاكله ...فيه بعض الاشياء الانسان ينفطر عليها يتربى عليها ما تتغير .. مهما حاول ... و بعدين ليش نحط الخطا عليه ... لانه فكر يتزوج ماهو كان بامكانه انه يكون علاقات ايش كثرها وماهو محتاج يتزوج ..... .... وتقولوا بكره بيتزوج عليك .... اذا صار هذا الشي معناته اني قصرت بواجباتي ..... وشكرا للجميع

أختي مثل ماقالوا أغلب البنات.. لا تلتفتين بس للحظة اللي تعيشينها.. فكري في العمر الياي.. في مستقبلج.. في حياتج بشكل عام

لأنه اللحظات هذي بتمر بسرعة لاكن العمر الياي.. بيكون عمرج كله فيه..

وثاني شي انتي ماعرفتي شي عن الطرف الثاني.. يمكن يطلع اللي مايعجبه فيها فيج بعد.. لأنه فترة الحب وهالمشاعر تخلي الأشياء اللي مب حلوة.. رووووعة.. والانسان مايشوف عيبها الا بالعشرة.. وبعد انج تسمعين من طرف واحد مايصير.. وحطي ببالج انتي اليوم وباجر غيرج وأكيييييييييد مابترضينها صح والا لا؟؟

عالعموم انتي قلتي الصدق والحمدلله انه تقدملج.. شوفي راي أهلج ووالديج أهم شي.. واستخيري بالأمر لأنه الرسول عليه الصلاة والسلام وأصحابه كانوا يستخيرون.. والله يسوي اللي فيه الخير.. بس والله واعتبريها نصيحة من خوات لج في الله.. لو ماتوافقين يكون أحسن لج وللزوجة الأولى.. واللي كاتبلج اياه المولى عزوجل بيصير رضينا والا ابينا.. وانشالله بييج الأحسن بس بدون هالعلاقات المشبوهة من النت وغيره.. وفكري دايما بعقلج بدل قلبج.. والله يهدي الجميع انشالله..
تحياتي