حبيبي يبي يشوفني على الماسنجر .. وش رايج ..

اختي نجود

بصراحه انا اتكلم مع شخص على الماسنجر .. هو شخص لطيف ومؤدب
وكلامه حلو ولا به شيء .. وبعد فتره اخبرني انه يحبني .. علما انه في بلد
وانا في بلد .. وتجاوبت معاه وتكلمنا في الحب والزواج والاولاد .. ووعدني
انه يجيني في بلدي ويخطبني .. الحين هو يطلب مني انه يشوفني في الكاميرا
ويريد هاتفي النقال .. وانا بصراحه خايفه .. ومتردده بين قلبي وعقلي
فشو رايج في هذا الموضوع

الجواب

اليوم بناتنا بايرات ومعنسات في ديرتنا وشبابنا في ديرتنا ولا حد ملتفت لهن وشلون تبين واحد في بلد وانتي في بلد يجيج ويخطبج ويتزوجج وهو لا شافج ولا سمع صوتج
ولا يدري من تكونين .. المسألة واضحه كل الوضوح ... لعب في لعب وربما المسألة
اخطر مما تتصورين ... وينبغي ان تعرفين ان للرجل لغة ولعقله لغه وولسانه لغه
وهوييستطيع انه يتلاعب بلسانه بينما عقله بعيد كل البعد عن كلامه ووعوده واحلامه
يتكلم وعقله يرسم لج مصيده .. يوعدج وعقله يقول انج هبله ..
الحل ... الغي اميله من ماسنجرج وانسي الموضوع نهائيا

سؤال
بس اختي نجود اهو يقول انه يحبني ومستعد انه يتزوجني

الجواب

نعم هو يقول هذا الكلام .. لكن لا تصدقينه ...

سؤال

طيب ممكن من فضلج تعطيني دليل يقنعني

الجواب :

شوفي الشخص اللي يحب بنت يحافظ عليها .. ولا يتكلم معها اي كلام يجرحها
او يمسها او يخدش حيائها ان كان صادق معها فعلا .. وهو يقول انه يحبج
ويريد الزواج منج .. اذن هو من وجهة نظرج صادق فعلا ..
الان اختبريه ... قولي له مثلا .. اليوم رحت السوق واشتريت ملابس تجنن
واسمعي رده .. ان تجاهل الموضوع ولم يعقب او عقب باي كلام بسيط وسكت .. فهذا جيد ولكن اذا وجدها فرصة وسألج شنو شريتي ملابس داخليه ..
فهذا يعني انه يريد ان يجرجرج لكلام خارج دائرة الادب وهذا يعني ان كل سوالفه
معج المقصود بها هذا الجانب
او قولي له .. اليوم صديقتي تطلقت واسمعي رده . فان عقب واخذ يجرجرج في الكلام
حتى يوصلج بان صديقتج اكيد مو معطيه زوجها حقها الشرعي .. فهذا يعني انه
يريد فتح مواضيع بها قلة ادب .. والمحب مستحيل يقول هذا الكلام .....
الخ الخ ....