حبيب قلبي منعت القلب لكنه .........؟؟قصه قصيره

مدري من وين ابتدي ؟

ومدري وش ابتدي فيه ؟

الدنيا تحلى بقرب الاحباب
مهما كان فيها فقر
جوع
وحتى مرض ؟؟؟

ممكن اكون انانيه لو اكتب قصتي من وجهت نظري ؟؟

لكن بحاول اني ارضي جميع

بما فيهم انا ,,,,,

من صغر سني وانا احلم اني اكون اسره واتزوج واجيب عيال
وادرسهم وااكلهم واهاوشهم وابكي معهم واضحك معهم

شوفتو كيف احلامي بسيطه """

كل سنه تمر اشيل معاي حاجات حلوه في ذاكرتي :::

ماكنت اترك للحزن مجال انه يتوسع

عندي بالرغم من ظرووووف كثيره

تمر بحياتنا العائله

ممكن مرات حالتنا الماديه هي السبب اللي اخليني اتمنى اني اتزوج واهرب بعيييييد من الفقر ؟؟؟؟
كنت اشوف حالت عمي الماديه ماشاء الله كانوا عايشين في قصر ما اشوف اخره
خدم وحشم وسيارات وفلوس

يااااااااااااااااااااااااه

عالم خيالي

حياتهم واكلهم وطبايعهم غييييييير

لما تجي الاجازه سفرات ودنيا
واحنا في بيتنا واذا كشخنا رحنا بيت خوالي في الشرقيه """

امنيتي الدراسه لكن امي اااااااااااااه

يالغاليه الله يسامحك حرمتيني

كنت اكل في نفسي كل يوم الف مره

ومره ياليت كملت دراستي وتعلمت


بدال قعدت البيت والكرف بس لا لا

امي اغلى عندي من الف شهاده

كنت اشجع العنود على المذاكره

وحاول اني اهي لها جو المدرسه

على الاقل لما نروووح بيت عمي

نرز شوي بالعنود ااااااه يابيت ذا العم اللي ذابحني
لما نرووووح زياره لبيت عمي قبلها بيوم ازيت شعري واكوي ملابس واتعدل واتزين واغسل عباتي وابخرها في الصبح اتروش وادخن شعري والبس وعمري ما رحت ويدي فاضيه لازم اسوي فطاير او كيك

انتم طبعا ماتدرون ليش ؟؟؟؟


انا ذابحني الشوق
صدق لا قالوا
احب ديره عشان بيت واحب بيت عشان مخلوق

فهد حلمي الصغيييير وكبر معي سنه ورى سنه

كل دمعه تنزل على مخدتي يزيد تعلقي في فهد
مرات اقول يابنت الولد مهب داري
عنك ومرات اقول لا يستحيييييل

يفوتني عمي وزوجته انا بنت الكل بنت سنعه ونظيفه اااااااااااااااه يالبساطه

نرجع لزيارتنا ذيك الليله بالتحديد رحت اناوالعنود وامي
واخواني مع الوالد في المزرعه داخل الفيلا

احاول ارضي مرت عمي بكل الطرق ولو تقول طبي في النار اقول ااااامري
مسكيييينه ياحلو الحب النظييييف الطاهر الشريف
احلام اااااامال بسيطه >>>
قبل نطلع رحت غرفت البنات عشان البس عباتي فتحت الشباك وانا امني نفسي نظره ولو بسيطه
شفته اي والله ياسبحان الله كان فاااااااااااااااارق عنهم
غيييير اخوانه غيييير اخواني فيه جاذبيه مدري عاد هذا من الغرام ؟؟؟؟

ييييييوه امي شغلت المنبه قامت تصارخ شويخااااااااااااااااه ووجع امشي

سبحان الله هذا طبع امي لا سهره ولا وناسه
بس والله من الشغل والهم والحاله حاله
عكس مرت عمي تقولون بنت ام عشرين >>>>
مريت انا واختي نسلم على عمي وانا احس قلبي في بطني احس بيغمى علي مريت جنب فهد
ياربي اشم الهواء اللي يشمه ومشيت على الزرع اللي مشى عليه .....
يابساطه احلامي
طول الطريييييق وانا في عالم ثاني كسرته الغاليه بصراخ طبعا قائمه طلباتها

مارررررررررررررا ح اطول اكثر واكثر واكثر لان اللي في قلبي لفهد يعجز مؤرخ انه يكتبه
مرت الايام والشهور ودخلت العنود الكليه وكان اول كورس لها ونجحت وبتفوق ؟؟؟
ياكبر فرحتي لاختي وطبعا لا نعرف حفلات ولا خرابيط
لكن ما قصرو بنات عمي عزمونا على اساس انه عشى عادي تفاجانا انها حفله للعنود امي دمعت عيونها وانا عارفه ليش ؟؟؟

قبل العشاء كنت انا واختي نتعدل عند المغاسل حقت الضيوووووف وفجاه الا فهد داخل علينا
يااااااااااااااااه شي ما كنت اتوقعه اعتذر بسرعه وطلع انهرت بكيت ضميت اختي
خوف او حب او مدري وش اسمييييه

بعد العشاء باسبوع بالظبط كانت الطااااااامه

وش تتوقعون ؟؟؟؟؟

فهد



جاء



وتقدم



لخطبتي,,,,,,,,


مانمت بكيت سجدت شكر لربي
حلمي وحبيبي روحي
تحقق حلمي
حلمي اللي كبرته معي

داريته وحافظت عليه

فهد حبي الاول والاخير
اقول للعنود لا حظي اول حب
واول خاطب
مانمت كانت ليله ولا في الاحلام ؟؟؟

جاء ابوي ياخذ الرد مني
كنت اضحك اقول ليش يعني ما يدروووون اني احبه وابيه ؟؟؟

خذوا الرد من ابوي بعدها جابوا

الشبكه طبعا بدون ملكه يعني حفله بسيطه عششان الشوفه وعدلنا البيت على قدنا

تروشت وتعدلت ولبست فستان

زهري وفكيت شعري كله وما


اعرف طبعا احط مكييياج فحبيت اكون على الطبيعه
دخل فهد كنت ابكي ما ادري هل هو خوف هل هو وله ماادري جلس بجنبي وقصينا الكيك واعطاني الشبكه بس ما لبسني امه قالت له وما رد وتعذرت قالت فهد ولدي يستحي بسرعه طلع
كنت اشم ريحت في كل مكان حلفت لصوووم شكر لربي
راح تتغير حياتي
بجيب لامي خدامه وبغير اثاث بيت اهلي وبشتربي لخواني جوالات جديده
وابوي ااااااااا ه ياحياتي بجمع من هنا وهناك واساعده في تزويج اخواني ؟؟؟؟؟

شفتو الاحلام كييف بسرعه نفكر فيها لكن تحقيقها يبيلها سنييييييييين

بعد يومييين جات مرت عمي الضحى واستغربت جيتها جبت

القهوه وما خلتني امي اجلس طلعت مرت عمي ودخلت على امي الا هي في دنيا من الدمووووع
صحت عند امي وش صار ضمتني امي وتقول الله يرزقك احسن منه اصلا هم ناس ما يقدررررون


فهد

ما اعجبته ؟؟؟

وقفت قدام المرايه اكثر من ساعتين واشوف ملامحي وش الشين فيني

كل حاجه فيني حللللوه

بيضاء عيوني كبييييره شعري ناعم فمي روعه مدري ليشش رفضني

حاووووولت ابين لامي اني بعد ما بيه واني متردده واصلا ما ارتحت لفهد

قبل العشاء دخلت المطبخ بحضر
عشاء للغالييين اخواني طبعا امي

متاكده اني ما راح اطلع من الغرفه
الا اسمعها تقول لبوي الولد يبي العنود ما يبي شيخه
تدررررون وش راح تفكييري له تذكرووون الحفله
ها ذي الحفله شاف العنود وانهبل عليها
العنود عقب دخوووول الجامعه ما شاء الله صبغات وقصات ولبس وجماااااااااااااااال

دخلت عليهم قلت خليه ياخذها
انصدمت امي وش تقولييين

دست على قلبي وتكلمت بعقل فعلا يمه الزواج نصييييب الله ما كتب لي فهد خلااااااااص

شاوروا العنود وتوكلو على الله

مرات الصدمه تنتج مواقف واحكاااام خارج ارادتنا

باختصااااااااااااار فهد تقدم للعنود واللي جاء في خاطرررري العنود وافقت على طول وانا كنت واثقه انها بترفض

لكن الحاجه مرات ؟؟؟؟؟؟؟

راح فهد وحبه باقي
الجررررح قوي ويستحيييييل اني انسى
تعاااادل حبه مع جرررحه لي
صارفي داخلي نزاااع كبير بين كرامتي وذكرياتي
حبببي وجرحي
عشقي له والمي


فهد صحيح انه رااااااااا ح لكن ترك في داخلي فرااااااااغ كبيييير

التفت لنفسي شوي وشفت عمرررري
اول حاجه قصيت شعرري اللي قاعده اعتني فيه كله لعيونه العنود تتزين عروس وانا اتزين مدرررري لمين ؟؟؟؟

صااار الجرح داخلللللي جرحين
هل هي الكرامه
او فهد
او العنود
وكل الماضي الحلو اللي تعرفه العنود( نصفي الثاني )

كنت اخاف انها تقوله عني وعن حبي هي صغيييره وجاهله

مرت الايام والششهور حملت العنود وجابت احلى بنوته وكانت مكافحه تدرس وتجتهد ادري عشان مين ؟؟
عشان دموعي منت اقولها الدراسه اهم من اي شي في حياتك
الله كتب وتحمل للمره الثانيه وتجيب العروسه الثانيه كانوا بنات العنود احلى شي في حياتي
نسيت اقولكم كانوا الخطاب يتقدموا لي لكن الرفض كان الجواب بدون تفكييير ما ادري هي الصدمه من خطبت فهد او ما زااااااااال للحب بقايا ؟؟؟
تخرجت العنود واخذت الشهاده وراحت العنود في رمشت عييييييييييييين ؟؟؟
قدر رب العالميييييين وتوفت الغاليه في حادث اليم

مارااااااااااح اكتب عن وفاتها لان وفاتها مانت بالنسبه لامي نهايه الدنيا وبالنسبه لابوي انكسااااااار
وبالنسبه لي اكبببر هزيمه

ضياااااااااااااع اختي واخر العنقود صديقتي وانيستي رااااااااااااااحت
تاثر فهد كثيييير زوجته وحبيبته وام بناته >>>
ظل سنه وهو ما دخل غرفتها ولا حتى سال عن بناته
كان يحبها فعلا

بس العنود ماكانت تقولي عشان ما تجرحني ؟
بناتها عندي تعلقوا فيني بزياده
بعد السنه بكم شهر تغير فهد قام يجي وياخذ بناته ويمشيهم ويطلعهم وشوي شوي تعلقق فيهم وبغاهم انا انجنيت

الاسبوع الماضي جاء عمي وزوجته يتقدمون رسمي لي وبعذر صريح للغايه بنات فهد مالهم الا انتي ؟؟؟

كانت اكبر صدمه في حياتي
وطحت بين ناررررين
ارضي مين والا مين
العنود رااااحت بناتها بناتي ما استغني عنهم

فهد لا يستحييييل ما اقدر اتزوجه
لا ما اقدر حتى خطبته لي قالها عشان البنات ؟؟؟
شفتو جرررررح اكبر من هذا الجرح
شفتو الم اكبر من كذا

لا مين يرحمني انا ياناس انهت اهانه كبيييره
ما اقدر اعيش معه في بيت واحد وغرفه وحده واكون زوجه ثانيه وهو حبي الاول تعرفون وش حبي الاول
كيف اتزوج واحد كان حلمي واجمل حلم وفجاه صار كابوس

الاكييييد ان امي ابوي عمي الكل ترجى فيني

بعد تفكييير طويييل وافقت اتزوجه بشرط اني مع البنات وبس
وافقت اخته تنقل شرطي له وصدمني للمره الثانيه انه جهز الشقه على ها لاساس غرفتي منفصله عنه بس هو تعلق في البنات وهم تعلقوا فيني لدرجه ان الصغيييره تناديني ماما ما تتذكر المرحومه

فهد معااااااي في الشقه مفصوووله عن الفيلا
اهتم في البنات ارتب غرفت فهد وملابسه عايشه حياه غريبه
فهد يسافر باستمرار عشان العمل انا في الظل نفسي يوم افوق من حلمي المزعج واكون زوجه طبيعيه مع زوجي لكن اذا دخلت غرفت المرحومه وشفت صوررررها اتحطم وادري انه ؟؟؟

حياتي رااااحت ليش ؟؟؟
استحي اتكلم مع احد وش اقول ....
المهم ان غيداء كانت تلعب بالجواااال ودق وهو معها وفهد كان نايم الا صوت حرمه على الخط رديت الا هي تسالني مين انتي قلت انتي اللي متصللله
قالت انتي اخت فهد ققلت ايييوه ؟؟
قالت مبررررروك فهد جابت زوجته ولد


انا كانت هذي صدمتي الا انهرت انهيااار كامل بعدها

فهد متزوج وحده برى العايله امه عندها خبر وخواته بس مكتوين على الموضوووع

وان الخدامه اللي راح عمري وانا اعد خطوات فهد
اييييه والله عاد حبه في قلبي
رااااح عمري ررراح وانا مغفله

شليت نفسي وبناتي ورحت لبت اهلي طلبت الطلاق
جاءءءءء وهددني بياخذ البنات قلت اخذهم انا بتزووووج
راااح عمري في رجاء واحد ما درى عني
ياكبر جرحه لي يالله لذا الدرجه كنت احبه انتظاااار وجرح
ابوي زعل وامي الكل يبي عمري يروووح مع واحد ما يبيني


ياناس الرجااااال ما يبيني انا في عالم وهو في عالم
حافظت على قراري قلبي تقطع يوم خذوا البنات لكن وطيت على قلبي شوي

ابي حب ابي ولد ابي رجل في حياتي يحبني يهتم فيني
ما ادري هل اقول ان فهد ظلمني ؟؟
او انا ظلمت نفسي ؟؟
هل ظلمت بنات اختي ؟؟؟

طويت هالصفحه من حياتي صرت في نظرهم جاحده وظالمه وقلبي حجر
انتظر الان فاررررس احلامي صحيح اني داخلي الف جرررح وجرررررح لكن توني في بدايه الثلاثين باقي العمر ان شاء الله قدامي