حبيب قلبي ولدي الصغير كيف اسوي معاه برمضان

أنا من ولد ولدي اعطوني فيتامينات واستخدمتها لولدي والحمدلله وزنه مثالي
ولدي أكبر من ولدك بشهر يعني سبع شهور اعطيه زبادي وسيريلاك من يوم كان اربع شهور
اسوي له مع السحور خضار مهروسة وخلال اليوم اسويه له فواكه منوعه مهروسه
اعطيه من أكلنا شوي ذواقه بس
يعني افتت له عجينة المعجنات واحط معها نقطة شوربة تلينها وأكله
اعطي ولدك رز مصري مسلوق ومهروس انا ماعطيت ولدي لأني سمعت انه يسمن
سوي له عصير برتقال طازج وخففيه بمويه لو حامض

يعطيك العافية غاليتي
وش اسم الفيتامينات اللي استخدمتيها لولدك

يقلبش

ربي يفرحك فيه وتشوفين شنباته خاطه بوجهه

شوفي ياقلبي
نصيحه من قلب
عطيه حلبه ترم عضمه ويجبر ويكبر ويشب
انا مجربتها مع ولدي
خوذي ملعقة صغيره حلبه(حب او مطحونه) وحطيها بكاس وصبي عليه نص كاس مويه حار
وخليه ينقع ساعه تقريبا وعقب صفيه و حليه بسكر او عسل ورضعيه مره باليوم
ولاتقولي ريحه ماريحه.. صحة وليدك اهم
الشي الثاني
رتبي جدول الوجبات له ولصقيها على الثلاجه
اطبخي شوربة خضار(كوسه وبطاطس وجزر وشوي جريش او رز مصري) واهرسيها بالخلاط وعطيه وجبه يوميا
وخلي الكميه تكفي ثلاث ايام فقط مو اكثر
وقسميها بثلاث علب علشان ماتفتحين وتقفلين بالعلبه وتخرب


والله يسخره لك ويذوقك بره

اعطيه خضار مهروسة .. بطاس - جزر مسلووقة و اطحنيهاا

الفيتامينات تصرف فقط في المستشفى العسكري واعتقد المستشفيات الحكومية
اسمها : ميكسافيت