ياقلبي خلي ايمانك قوي بالله واستخيري وصدقيني لو مكتوب لك بتاخذينة لو اجتمعت عليكم كل الدنيا ..الزواج قسمة نصيب ومحد يدري من نصيبة ومتى واذا بتتزوجين او لا.. لانه مكتوب وفي علم الغيب..وقبل ماتنولدين وتجين هذي الحياة مكتوب لك من بتاخذين ونصيبك وقدرك وكل شي.. ريحي بالك ياأختي

حبيبتي و حياتي

ماكملت قرايه كل الصفحات لاني كنت ملهوفه ارد عليج و اطمن قلبج .. فمادري شنو التطورات اللي صارتلج لكن اسأل الله تعالى ان تكون كلها خير و راحه و سعاده لج اللهم آميـــــــن


صدقيني انا اكثر وحده حاسه فيج .. لاني امر بنفس وضعج تقريبا لكن في اختلاف بوضعي و ظروفي ..

اصعب شي بالدنيا انج تضطرين تفارقين شخص ماشفتي منه الا كل خير و حب واحترام .. انا فاهمه عليج ...

لكن حبيبتي مثل ما تحبين هالشخص ابيج تحبين نفسج اكثر .. ما الومج على تضحياتج قبل .. مثل ما اقل الشاعر " ان العزيز في الحب ذليل" و اتحسين انج تسترخصين اي شي في سبيل حبيبج و الحب اللي بينكم .. ولكن اللي حبيتيه لما خلاج اتكلمين اهله تصرفه ماكان فيه سنع وطبعا انا افسر تصرفه بحسن نيه .. خانه التعبير و التصرف وماكان تصرف موفق بس نتج عنه انج انضريتي و تضررت نفسيتج و يمكن كرامتج .. بس ماعلينا اللي راح راح و كل شي كان بوقته له تفسيره و ظروووفه


انا عانيت وايد عشان اوصل لقناعه و اهي


لو كللللللللللللللل الدنيا اجتمعت على انها تفرق بينكم .. يعني مو بس ابوه لا طوايف طوايفه و يدانه كلهم لو طلعو من قبووورهم و منعوا زواجكم لكن رب العالمين كان كاتبه لكم راح تتزوجووون يعني تتزوجوووون


والعكس صحيح اذا الله ماكان كاتبلكم هالزواج ( وطبعا كل شي الله يكتبه للانسان فيه خير له لان الله سبحانه مايظلم عباده) لو كل اهله و الامه العربيه و الاسلاميه كلها باركت زواجكم و ذللوا الصعوبات و العوائق جدامن مارااح يتم هالزواج او يتم و تكون نهايته الفشل اسم الله عليج منه


فيا عمري طالما انج وكلتي امرج لله سبحانه و قاعده تستخييرين و تسئلينه علام الغيوب اللي يعرف خيرج من شرج صدقيييييييني رقدي وآمني و ارضي بأي نتيجه كانت لان الله سبحانه كاتب لج الخير فيها ولو كان هالخير مبطن بشي مايسرج ( وعسى ان تكرهوا شيئا و يجعل الله فيه خيرا كثيرا) واكيد حبيبتي انتي تحبين لنفسج الخير :) والانسان دايما نظرته ضيقه ومحدوده و مايفكر بالمدى البعيد فكل شي من رب العالمين فيه حكمه للانساان مايدركها الا بعدين


فانا اقولج حبيبتي لا تضيقين خلقج و لاتكدرين خاطرج ابد ابد والجئي لله سبحانه بالدعاء و التقرب وان الله يمسح على قلبج و يطمنج و يسعدج سواء مع هالشخص اذا فيه خير لج او مع خيره طالما كان فيه سعادتج و خيرج في الدارين


معناته طول هالفتره تستخيرين عليه ... اذا تقدملج رسمي قبلي فيه لانه بيكون اشاره من الله انه فيه خير لج والحمدلله .. واذا ماتقدم او زادت المشاكل كذلك استاااانسي و احمدي ربج لاني هذي اشاره من الله انه مافيه خير لج و الوحده ما يضيق خلقها على امر مافيه خير لها ..

كوني واقعيه حياتي و شوفي هالدنيا عمرها ماكملت لأحد من جذي الله سماها دنيا شي داني عمرها السعاده ماكلمت على وجهها .. و حطي في بالج ان هالدين محطه عبور للدار الاخره الابديه يعني مايسوى تضيقين خلقج على شي فيها


الامر في بدايته صعب لكن مع الدعاء ماااكو شي مستحييييييييل على رب العالمين



اتمنى اني اكون افدتج و لو بجزء قلييييييييل من كلامي و صدقيني ماراح انساج بالدعاء

اذا فادج كلامي ادعيلي ربي يريحني و ايسر اموري معاج ويييييييييين ماكان فيه الخير لنا يااارب :)

حبيبتي اتمنى انا تلتئم جروحنا وجرحك سريعاااا
بس انا ماحطول بس بقولك انو الشخص هذا ضعيف الشخصيه ومو قادر يتخذ قرار او موقف في حياته ويصر عليه انتي كنتي ضحية والي تزوجهاوطلقها كمان ضحيه مو سهل ان البنت تزوج وتتطلق عشان واحد مو قادر يتاخذ راي مرره في حياته يتحكم في قرارته حطها في موقف لاتحسد عليه وانتي عرضك لاهانه انتي الوحيده الي حاسه فيها لانها كرامتك انتي والانسان بدون كرامه مايساوي شي
انسان مو قادر يحمي نفسه من قرارت اهله كيف بيحميك في يوم من الايام........
فكري بنفسك اكثر شوي زي ماهو فكر بنفسه وخاااف عليها
هو ماضحى بشي على فكره انتي الي ضحيتي بكرامتك صدقيني لو تنازلتي مره ثانيه لايمكن يحترمك في يوم من الايام لاهو ولا اهله مو مهم نبكي ونتالم اهم شي نتعلم
واذا هو ولد ناس انتي بنت رجال وكفايه الي تعرضيتله بسبه من اقرب النا س له ابوه
المهم خليك مع عهديك مع الله ويريت انك تحسين بكلامي شوي........

عزيزتي لو كان بينكما نصيب لو تنقلب راسا على عقب لامور كلها سيكون لك نصيب معه اطمئني جانبه
والرجوا ان تطمنينا باخبارك ان شاء الله خير

وهذا هو مبدئي (وعسى أن تكرهو شيئاً وهو خير لكم)

جزاك الله كل خير أختي الغاليه لكلماتك الطيبه