حبيت استشيركم .. بدي انقل انا وزوجي لبيت جديد ووافق بس في شغله

السلام عليكم
ان شاء الله تكونو بخير
الموضوع باختصار انو نحنا بدنا ننقل لشقه جديده ولما قرب يخلص اجارنا فضيت شقه بنفس العمارة الي فيها اهلي

الشقه الي بعمارة اهلي كتير مناسبه النا بسبب انو ارخص بالسعر واكبر وبنص المدينه
انا كتير حبيت انو ننتقل لهاي الشقه مو بس لانو جيراني اهلي لانو رخيصه وكبيره و اقرب شوي ع شغل زوجي
وامان النا بعد الله باهلي يعني لو تاخر بكون مطمنه


المهم وافق زوجي لكن مو مبسوط قلي خلص ازا انتي بدك هيك خلص انقلي انا كل الي بقضيه بالبيت كم ساعه بتعشى وبنام يعني انتي بتقضي وقت اكبر وكمان بيقلي انو حابب علاقتي مع بيت اهلك تكون عطول منيحه مع العلم انو هوه بيحب يروح عند اهلي اكتر مني وبيرتاح معهم كانو هوه ابنهم مو انا وامي كانت عم تقول يابنتي لو سكنتي وصار نصيب رح تكوني متلك متل الجاره ومارح نتدخل فيكم وهوه كمان واثق من هالشي

يعني انا صرت محتاره .. نفسي نفرح انا واياه ونطلع هيك سوا نكون
بس هوه متدايق وغير هيك لو لغيت فكرة هديك الشقه رح يدور على شقق تانيه و اجاراتها غاليه اغلى من الاجار الي عم ندفعو .. مو مطاوعني قلبي اخليه ينقل على اغلى

مع انو زوجي هون مالو اهل غريب ماعندو غير اخ وبس وزوجة اخوه الله لا يسامحها فرقت العيلتين و قاعدة بخلقتي جنبي بس تراقبني

قالي بالاخير (( وعسى ان تكرهو شيئا وهو خير لكم)) قلتلو انت عيني

الي عندها تجربه تقلي معقول بس نقلنا خلص يرتاح و ينبسط ولا رح يضل هيك زعلان ؟؟

مع انو والله يا جماعه صرلي من بلش الموضوع عم بدعي كل يوم وبقرا قران بنيه انو ربنا يخليه يوافق وهي وافق بس مو مبسوط