السلام عليكم انا عضوه جديده
كنت اتردد كثير في هالقسم الحياه السعيده واقرا مأسيكم وحبيت اشارككم مأساتي
من وحنا صغار كان لكل يقول انا له وهو لي يعني كنا محجوزين لبعض وصرنا كل مانشوف بعض
هو يطالعني بهالنظرات وانا استحي لين ماحبينا بعض خلاااص لين ماسمعت الخبر الصاعقه
انه بيسافر بعثه وبيدرس عاد انا رحت لغرفتي بكييت وفتحت المسن عشان كنا نتواصل فيه
وادردش معه لين ماطلعني من دومة احزاني وكنا كلله نتوااصل لين مارجع لوطنه سالم
وبعد ماتوظف وكذا وحنا للحين علاقتنا مانقطعت خطبني من ابوي
ويوم رحنا نسوي التحاليل قالو بتطلع بعد كم يووم وانا فرحاانه واخيرا الحلم بيتحقق
بعد ايام جا ابوي ومعاه اوراق التحاليل وقالي ان التحاليل غير متطابقه انا خلاص صار فيني كئابه
وكلله في غرفتي ما اكلم احد والاكل يوصلونه في غرفتي وهو كان ياخذ اخباري من اخته كانت تزورني احيانا
وتقوله اني تغيرت وهكذا وبعد شهر قرر يخطبني ويتحمل العواقب عاد كل عايلاتنا كانو معترضين
الين ماخلاهم يوافقون وتم الزواج ويوم رحنا الدكتور عشان نحلل قال ان في خطوره ع الحمل يمكن يصير مشلول
او يمكن يموت او اسقط وهكذا وكانت اول شهور مثل الحلم بالنسبه لي كل شي ابيه يجيب لي اياه
وكان يحبني بجنوون من نظرااته لين قررت احمل وما اقوله الا بعد 4 شهور عشاني كنت اخذ حبوب
وبعد شهرين بدت اعراض الحمل تطلع لي وانا استانست ورحت للصيدليه مع اختي وشرينا فحص حمل
وفحصت وكان النتيجه حامل وقررت اقوله بعد 4 شهور وهو كان يلاحظ بروز بطني حتى انه توقع
بس قال لا ما اسويها لين بعد ماكملت ال 4 قلت له وهو اصفر وجهه وقعد يصارخ علي ليش وليش
وهذا فيه خطوره ومن هالكلام وانا اصيح واقوله لين اقنعته في ال 6 شهور الاولى كنت في البيت عادي
امارس حياتي اليوميه بس بعدين قالو المستشفى ان لازم اكون تحت مراقبتهم وتميت في المستشفى
لين الشهر ال 7 وفجأه حسيت بانقباضات وجاو النرس وقالو ان حياتي انا والجنين خطره
وبعد العمليات انا صحيت بعد اثر البنج كنت احس لساني ثقيل ورجعت نمت وبعد ماقمت
لقيت الاهل كلهم متجمعين علي واللي يعزي انا ماكنت فاهمه شسالفه جات امي قالت لي
عظم الله اجرك ****لله تجيبين غيره معافى انا ماتحملت وانهررت وقعدت في المستشفى اسبوع
عشان حالتي النفسيه والجسديه وبعدين رحت لبيت اهلي جلست شهر وهو يتصل بس انا ما ارد عليه مادري ليش
لين ماجى وقال انه بياخذني أنا اعترضت بس بعد اصرار ابوي وامي وافقت ورحت معاه وكنت اغلب الوقت
ساكته لين ماتحسنت حالتي وصرت اغلب وقتي اطبخ او اشوف النت لين ماجا زوجي وهو منزل راسه وقالي انه بيكلمني بشي
انا رحت له وقالي ان امه تبي تشوف احفادها وخيرته يا انه يطلقني يا انه يتزوج علي
وقالي انه بيعرس على وحده صغيره بالسن وجيب له ولد عشان ماتتعلق فيه واربيه معاها وانا حبيت الفكره
لين ماتزوج وحده عمرها 15 انا كنت مقهووره وماحظرت زواجهم كنت في بيت اهلي عشانها بتسكن معاي
وبعد شهر رجعو من شهر العسل ورجعني البيت وانا خلاااص حسيته تغير عني مو هو اللي اعرفه حتى اتصالاته صارت قليله بس مشيتها
له وقالي ان يوم لها ويوم لي وبعد شهرين ونص انتشر خبر حملها وانا كنت مبسووطه عشاني تعلقت فيها وصارت كنها اختي
وطيوبه معااي يعني صرنا اخواات واكثر وكل العايله تبارك له وانا حسيت باحساس بس تجاهلته
وبعد مده ولدت وانا كنت اساعدها ويعني اكيد الولد ينام معاها وصار زوجي يومين معاها ويوم معاي
قلت له ليش قال عشان الولد انا خلاااص انهرت بس مابينت له وحتى اذا صار معاي كلله مفهي ويوم
ورا يوم وانا ابتعد عنها وعن ولدها وهو يبتعد عني حسيتهم عايله وحده وحرام اخرب لين ذاك اليوم
اتخذت قرار واستخرت فيه وارتحت طلبت منه الطلاق وقلت له اني ارتحت وكذا وهو زعل مني
بس بعد ايام قالي حتى انتي تبغي تشوفي ظناك انتي طالق وانا رحت بيت اهلي وانا منهاره ومتحطمه
وقلت لهم انه بيطلقني وقلت حق امي اني انا طلبت واستخرت وحسيت براحه وبعد ايام وصلت ورقة طلاقي
وصرت كل ما اشوفه صدفه بالعزومات او الاسواق مع مرته وولده وكانت حامل مرته للمره 2 يتقطع
قلبي لين بعد ايام سبحان الله جاني خطيب
واستخرت هالمره وارتحت وسوو الفحوصات وطلعت متطابقه
والحمدلله مرتاحه معاه
alde7kh @alde7kh
عضوة جديدة
يلزم عليك تسجيل الدخول أولًا لكتابة تعليق.
تهونة 55
•
الله يسخر لك عباده ويعوضك بالزوج والذريه الصالحه
ميراج222
•
يا عمري الله يسعدك والحياة ما توقف واكيد احنا البشر ننسا الشيء الحلو الي سويتيه هو هذا طلبتي الطلاق عشان تشوفين نفسك شيلي طليقك من بالك واطلبي الله يسعده وهو سوا الي المفروش يسويه اي رجل
الله يسعد قلبك ويجعل حياتك مع هذا الرجل فرح في فرح ويرزقك الله الذرية الصالحة
الله يسعد قلبك ويجعل حياتك مع هذا الرجل فرح في فرح ويرزقك الله الذرية الصالحة
الصفحة الأخيرة