انا ياحوائيات حبيت اشارك واوضح مثل ماوضح بعض الاخوات
انا لما اقوم الصبح الساعه خمس ونصف
انزل وعلى فكره بيتي مجالس خارجيه وحمامين الله يعزكم
ابدى يومي بالاستغفار والتسبيح وابدى اسوي شاي اوحليب وكورن فلكس لبعض الاولاد لان عندي بنتين وولدين
المهم اقوم البنات وافطرهم والبسهم واودعهم واستودعهم الله
وابدى بابو الشباب اجهز له فطور رايق لان زوجي حساس كل شي ينتقده يبغا كل شي مرتب حتى الاكل مايحب الاكل المعتاد ويمل ب
بسرعه لازم اشكل له منيو منوع :angry:
المهم نشوف انا وياه الاخبار ونتبادل النقاش وبعدين يطلع
وابدى يومي الله يعزكم بالحمامات الداخليه اما الخارجيه الظهر لاني اخاف اطلع وبعدين اغسل مواعين الفطور واروح ارقد الين 11 ونصف واكون مطلعه اللحم وحاطته في الفرن علشان لما اقوم يكون راح الثلج
ووقت الذروه عندي الظهر ارتب الصاله وامسحها واركب الغداء
واطلع للاحواش واكنس واغسل الحمامات
وادخل واصعد فوق الدور الثاني تكون الساعه 1ونصف اغسل الحمامات
وارتب الغرف وانزل واكمل الغداء واكون حاشيه سميوسه اقلي شوي
واسوي سلطه على السريع حتى لو كانت حبوب فقط
من العلب اغسلها واتبلها بصوص السلطه او اسوي له كريمه او جل اوكاسترد لانه من انوع الملول يبغى دايم نشكل له
وبعدين اخلي العصر راحه لي مهما كان نجلس مع العيال ونعلق ونضحك وننبسط مع القهوه وحلى اين كان لو جلكسي اذا ماسويت المهم حلى والمغرب ارتب الصاله بعد الجلسه واراجع مع البنات دروسهموبعدين اسوي لهم اساعه8 سندوتشات وكوب حليب وينامون واجلس مع ابواشباب والاولاد لان اولادي كبار الي في الجامعه والي في الاتصالات
ونشوف فلم ان وجد والساعه 12 كلن في فراشه
نسيت اقول لكم الغسيل اخليه يوم الاثنين وسط الاسبوع لانه مناسب والجمعه كوي والحمد لله بنسبه للمواعين وكثرتها انا دائما اختصر المواعين استعمالها لكي تخف عني تكون محدده والحمد لله فبل ماانام اكون حاطه عند راسي كتيبات الاذكار وبعد كريمات العنايه بلبشره واليدين واسفه على الاطاله
برق الحياة @brk_alhya_1
محررة
يلزم عليك تسجيل الدخول أولًا لكتابة تعليق.
مدمنة زنجبيل
•
الله يعطيكي العافيه بس لو تحاولي الصبح تكملي كل شغلك وتنامي بعد الغداء لو ساعه اريحلك
الصفحة الأخيرة