حبيت اعملهالو مفاجاة بس هو صدمني وحطمني

السلام عليكم ورحمة الله وبركاته
بالاول بشكر صديقتي samara اللي اعطتني معرفها مشان اكتب مشكلتي بعد ما حكت لي عن هالمنتدى وانكم مثل الاخوات ما شاء الله فحبيت اعرض مشكلتي بمعرفها لانو انا ما عندي نت
رجاء اخوات تتفاعلو معي وراح احكييلكم من البداية
انا ام ومتزوجة من 4 سنوات من رجال كان في نظري احسن الرجال محافظ متدين وسيم ما يدخن وما يعمل محرمات وسيرته احسن سيرة على كل الناس يعني كنت بعتبر نفسي من المحظوظات القلائل لاني تزوجتت هيك شخص
طبعا مرت السنوات بحلوها ومرها بس كل شيء تغير
صار شخص تاني
يا بنات انا صرت ما اعرفه كانو واحد تاني ما في مجاملات ولا حب ولا كلام حلو مثل زمان
زمان كنت عايشة كاني اميرة
والله على ما اقول شهيد كنت بحس حالي اميرة بنظره
بس هلا صار غير صرت اخجل من حالي صرت اكره نفسي كرهت كل شيء فيني
وجهي جسدي حتى جمالي كرهته كرهني فكل شيء صرت ما احس اني انثى معه صرت ما بعرف مين انا؟؟ ليش صار هيك
مرة حاولت كتبتله رساله قلتله كلشيء فيها بس هو شو عمل؟؟جابها قدامي وبدا يقراها علي وانا تفشلت مررة لاني كنت كاتبة كلشي بصراحة وانا زعلت منه كثير لانو ماجاوبني
بنات كثير حكي عندي بس ما بعرف شو بكتب وشو بخلي
تخيلو العلاقة بتصير مرة وحدة في الشهر ومرات ما تصير نهائي
بنات بحس بالندم بحس اني ما بستحق هيك عيشة لا تفهموني غلط وتقولو عني مغرورة بس الله العظيم احس اني لازم اعيش احسن من هيك دايما بقول براسي ليتك يا فلان..(زوجي) تعرف قيمتي ليتك تعرف قديش في ناس كانو يتمنون اكون زوجتهم وكانو شارييني ليتك وليتك....وانتا مو حاسس بقيمتي
وآخر موقف صار امبارح قلت بنفسي الله يلعنك يا شيطان وفكرت اني افاجئه وابتدي من جديد معه
رحت الكوافير وعملت شعري عملي هاي لايت كثير حلو والله انا نفسي انبهرت من مظهري قلت يا سالام لما يشوفني زوجي راح يتفاجا فيني
ولما دخلت عالبيت لقيته قلتله غمض عيونك وغمض ولما فتحهم شلت الطرحة وكانت المفاجاة
شو هاد شو هاد؟؟؟
قلتله عجبك؟؟؟
قاللي وش هالمسخرة وش هالذوق ؟؟؟ وانا سكت
ودمعو عيوني وقلبي كان راح ينفجر وما صبرت وانفجرت فيه وقلتله كل هالشيء مشانك وانت مو هامك اي شيء من هلا ورايح كل اللي انا راح اعمله راح اعمله لحالي ولنفسي وما راح استنى اخد رايك او استنى مجاملاتك خلاص انازهقت وطفشت
ولهلا احنا متزاعلين وما بحكي معه غير للضرورة القصوى
بنات وش العمل مع هالزوج ما بيهمه اي شيء مابهمه انا حلوة ولا قبيحة ولا بيضا ولا نظيفة ولا اي شيء
ما يهتم باهالاشياء ابدا مو مثل باقي الرجال
المكياج وهالاشياء اللي بتزين المراة كلو مو هامه
كرهت حالي معه
صرت احس اني رجال مو مراة
آسفة كثير طولت عليكم
بس اتمنى تتفاعلو معي