السلام عليكم اخواتي الحبيبات
انا عضوه قدييييمه وياما استفدت منكم انتوا بالذات (حريم حواء المتزوجات) فاليوم حبيت اجي واقدملكم الشيء البسيط اللي يمكن يجدد الامل عندكم ومايخليكم تياسوا من رحمة الله :42:
اطلب من المشرفات انهم يعطوا الاخوات فرصه انهم يقراوا الموضوع قبل ماينقلوه لقسم ذوي الاحتياجات الخاصه لاني ابى الخالات والعمات والاقارب يستفيدوا
واطلب من اللي توي ذكرتهم انهم يطولوا بالهم مع اطفال التوحد وانهم يعينوا الامهات، لانهم وربي عايشيين معاناه محد يقدر يتخيل وش صعوبتها! :(
انا مني متزوجه بس لاني اخر العنقود اخذت خبره لا باس بها من قربي لعيال اخواني واخواتي
بنت اختي حبيييييييييييييبة قلبي فديتها (شادن) عمرها الحين تقريبا 6 سنين
عندها اصعب واعلى درجة في التوحد واللي يسموه هنا
HIGH FUNCTIONING AUTISIM
بحكيلكم عنها بكل التفاصيل اللي اعرفها
شادن الله يحفظها هي الثانيه في الترتيب، اختها اللي اكبر منها الله يسعدها كانت مرررررررررررررررررررررره شقيه وماخذه كل اهتمام امها لانها كانت تضرب وتتدلع (البكريه) فمحد كان فاضي للثانيه
اختي كانت دااااااااااائما ترقدها على سريرها في الغرفه وتفتح لها اناشيد قناة المجد والمسكينه كانت تجلس بالساعات والله على هالتلفزيون ومحد داري عنها
كانت مررررره هادئه طبعا وايامها محد فينا كان يعرف شيء اسمه التوحد
يوم دخلت يمكن السنتين و .. امي كانت جايه من السفر ولاحظت انه البنت لا تطالع يعني ماتركز ولا تتجاوب مع احد
سالت اختي وهذه الاخيره علطول غيرت الموضوع الله يهديها مدري يمكن خافت ..بس حتى لو كانت شكت فكنا خايفين انه يكوون عندها مشكلة في السمع
المهم بعد ماكبرت البنت شويه كمان اخذناها المستشفى وخبرونا باللي عندها
انفجعنا وكل وحده فينا راحت تسوي بحث في التوحد لاننا ماكنا فاهميين شيء
صحبة اختي الكبيره عندها ماستر في علم النفس والاجتماع وكانت سبحان الله قبلها بكم سنه مسويه بحث كامل على التوحد فاعطتنا نسخه وجلسنا نقرا
والله يابنات البنت مسكينه تتعب بشكل فظيييييييييع
ماتجلس دقيقه
تكسر كل شيء قدامها مو انها تشيل وترميه لا، بس الله يسعدها تطلع فوق الاشياء وتتسلق فيقوم الشيء يطيح
تموت في شيء اسمه ثلاجه علطووووووول تكبكب في العصاير والاشياء
تشرد كثييييييييييير منننا..دائما تفتح الباب وتجرررررررررررررررررررررري ولولا انه الله ستر كان صارلها شيء من زمان
وش كمان، طبعا ماكانت تعرف احد فينا، مايهمها احد ولا تلاحظ احد غير اختها اللي اصغر منها..مادري لو حب هو ولا غيره ولا كره بس تحضنها احيانا بقوووووووووووووووووووووووووووووووووووووووووووه وعندها هوس شيء اسمه "حفاظ" دائما تحاول تشيلها من اختها ..
تحب الحلويات موووووووووووووت
تقريبا يوم دخلت الثلاث سنين ونص يمكن 4 بدات اختي تعلمها تدخل الحمام
في البدايه اتجاوبت وبطلت الحفاظ يمكن لمدة 6 شهور وبعدين فجاه كرهتها
وصارت توسخ على نفسها
يعني عادي الله يكرمكم تتبول في الحمام بس ماتقدر تطول
الله يهديها احيانا كانت توسخ وتكون مثلا لحالها في الغرفه وتقوم تخرب جدران الغرفه
والله مني جالسه اذكر هذه الاشياء الا لاني اباكم تفهموا عدل انكم مو لحالكم وانه في امهات عانوا وجالسيين يعانوا لين الحين باللي جالسيين تمروا فيه
سبحان الله داااااااائما نقول انه ربي حب اختي وعلشان كذا ابتلاها
اختي هذه وربي ملاك، ماعمرنا ابداااااااااااااااااا سمعنااها تتنهد او تشتكي
دائما نلاقيها مبتسمه ولا ترضى كلمه على شادن
تلبسها احلى الملابس وتشيكها والبنت بالفعل مشاء الله الله اكبر قمر قمر قمررررررررررر احلى وحده في العيله
حتى ابوها مع انه غثه الا انه يموت فيها وكل ماجلس في البيت يطلعها يشتريلها العاب وايس كريمات ويوم تصحي (لانها تنام الساعه 7 المغرب وتصحي قبل الفجر) يصحى معاها ومايصحي اختي الا وهو طالع الشغل
يغيرلها يروشها يمشطها ياكلها
وهذا اتوقع اللي بعضكم محتاجين له، هو سند قوي والا ماراح تقدروا
بالرغم من مرضها الا انه شادن ذكييييييييييييييييييييييييييييييييه
حفظت الحروف والارقام يمكن وهي عمرها 3 سنين
تقرا اي كلمه بعد ماتردديها لها 3 مرات
ما تردد معاك انشوده بس احيانا وهي تلعب بالمكعبات او اوراقها تسمعيها تردد كل الاناشيد بصوتها الحلووووووووو الله يشفيها يارب!
اليوم عمرها 6 والله يابنات انها اتغيرت كثيييييييييييييييير
كثييييييييييييييييييييييييييييييييييييييييييييييييييييييييييييييييييييييير
مشاء الله الله اكبر اكيد في مساحه للمزيد من التطور الا انه عمري في حياتي ماتوقعت انه حبيبتي شادن بتطالع فيني عيني عينك على قولتهم
تمشط شعري
تردد ورايه اي شيء اقوله من مره وحده
تعرف اسمي
تعرف اسم اي شيء!
تاشر على اي كلمه اقولها
بدات تدخل الحمام
تعرف تلبس لحالها (لو مااتدخلت)
ذكيه لابعد الحدود ماياخذ الشيء منها اكثر من دقيقه الا وتلاقيها حفظته صم
اطلب منها تودي الشيء توديه
يعني مثلا لو قلتلها شيلي ودي هذا الزباله الله يكرمكم تروح وترميه
لو قلتلها لمي الجزم وحطيها في الدولاب علطول تسوي نفس الشيء
لو قلتلها احضنيني او بوسيني تسمع الكلام
لو طلبت منها تمسح المرايه او تعطيني شيء تسويه
لو ابتسمتلها تبتسملي
مدري بالذات هذه الايام الحمدلله احسها عندها رغبه انها تستوعب اكثر
امس كنت شايلتها وبدات ااشر على المطبخ والحمام والصاله وكم شيء في البيت وامي واخواتي
ذكرت الاسامي مره وحده وعلطول بدات تاشر لحالها مشاء الله وتذكر الاشياء
ما اكذب احسها تتجاوب معايه انا اكثر شيء يعني دائما تطنش مثلا اختي اللي اكبر مني لانها عمرها ماعطتها وجه بس انا بالذات يالله.. الحمدلله مره متجاوبه
انا باقي لي سته شهور واخلص جامعه وقررت باذن الله اني اسوي كورس واتخصص اكثر في التوحد
نفسي اساعدكم ووالله
بس اماااااااااانه حاولوا تقراوا اكثر ولا تياسوا
صدقوني انه باذن الله ربي بيشفيلكم عيالكم ولا تنسوا انه اكبر العباقره كان فيهم توحد بس محد كان داري بالاسم ايامها
الله يسلملكم عيالكم ويحفظلنا بنوتتنا :26:
جزاك الله خيرا