السلام عليكم ورحمة الله وبركاته
اخواتي يالله يرزقني ويرزقكم بالذرية الصالحة البارة عاجل غير آجل اخواتي انه صارلي ست سنوات ماحملت وانه اشوف النظرة الغريبه في عيون الاطفال كل ماروح او اطلع مع زوجي احس الاطفال يطالعوني لمدة حته انه نفسي استغرب نظراتهم البريئة لي وحته اعيال اخواني واخواتي وعيال الجيران الصغار يقولون لي ماعندج ياهل تخنقني العبره ماقولكم انه بعض الاحيان اتناسه بس لازم الانسان يمر بلحظات يضعف فيها ويتذكر الواقع :icon33::icon33::icon33:
انه يا خواتي بعد زواجي بسنتين رحت حق دكتور حق اسوي التحاليل اللازمه فأول شي سوالي ادرسوند وقالي الدكتور عندك بويضات مال ثلاث نسوان يبي يضحكني ونسبة الحمل بتوائم كبيرة بس ماتفدرين تحملين بهل العدد من البويضات لازم البويضات تكون قليلة عشان تتغذى وتكبرويصير حمل فعطاني الجلكوفاج وقالي يوم ثاني سوي فحص دم عشان بجيك الهرمونات وعقبها الاشعه حق الانابيب وفحص زوجي طبعا ماقولكم انقهرت وقعدت اصيح ليل نهار حاطه بقلبي :44: بعدها سويت التحاليل وطلع الهرمونات سليمة لكن الانابيب مسدوة وفي نفس الوقت افتحوهم وتحاليل زوجي :arb:سليمة واصلت العلاج لين قرر الدكتور التلقيح الصناعي سويته وباءت بالفشل وبديت بالانهيار والبكاء وانب ضميري واقول انه ماسويت شي في دنيتي بس يمكن امتحان من رب العالمين خله اصبر
قلت بعدها بفترة خله اجرب عند دكتورة وان شاء الله يكتب لي الخير وسويت تلقيح صناعي وتعرفون طبعا المراحل الابر وغيره ومن زود الحاله النفسيه في شهر خسيت 10 كيلو والله بعدها فشلت العملية وتدهورت ازيد من المره اللي قبل وابتده مسلسل الصياح والانين ليل نهار والله تعبت يا خواتي وكل وحده مرت مثلي تحس باحساسي ولما الناس يشوفون يقولون شلك باليهال وعوار الراس استانسي المشكله محد يحس اللي الي مجرب في هل الوقت قلت بوقف شوي عن العلاج عشان النفسيه تستقر وانسه اللي مريت فيه وضروري اخذ فتره بين كل عمليه والثانيه جسميا او نفسيا وفي هل الفتره طبعا البويضات الحمدلله الحمدلله كانوا تمام بقدرة الله سبحانه وتعالى بعدها اخذت فترة راحه وقلت خلاص بعدها رجعت حق دكتوري لاني انه عندي الدورة منتظمة فمن الحبوب والابر تلخبطت سوالي ادرسوند انصدم قالي شسويتي قلت له ماسويت شي قالي وين البويضات قلت له الحمدلله رب العالمين بفضله سبحانه شفيت الحمدلله
بعدها بسنه ونص رحت الاردن وفحصت الانابيب والبويضات وبطانه الرحم والهرمونات كل يوم يسون لي الفحص سبحان الله كل شي سليم الحمدلله على كل حال بس سووو فحص حق زوجي وطلع حركة الحيوانات ضعيفة 50% وقال الدكتور عشان جي تموت في نص الطريج لانها بطيئة ماتوصل فسوالي اطفال انابيب وبعدها بيومين رجعت الديره بعد اسبوعين حللت وانه اتخيل الطفل وشنو باسميه وشنو باشتري له لكن المسلسل بعده ماخلص ما اقدر اوصف الشعور لانه دموعي تنزل وانه اتذكر الايام والعمليات حته بغرفة العمليات اقره وادعي انه ماتمنه اي اخت او مسلمه تكون في ذي المكان وانه من ذاك الان موقفه علاج ولحين ماحملت ترى زوجي وحته اخوه اللي اكبر منه ماعنده اعيال بس حبيت افيدكم بتجربتي والله يرزقني ويرزقكم بالذرية الصالحة البارة عاجلا غير آجل ادعولي يا اخواتي :)
روووزه @rooozh_1
عضوة جديدة
يلزم عليك تسجيل الدخول أولًا لكتابة تعليق.
الله يرزقناااااااااااااا قريب ياااااااااااااااااااااربالله يرزقناااااااااااااا قريب يااااااااااااااااااااارب
يا قلبي (لكل أجل كتاب ) واحنا ما نعلم شو مخبيلنا ربي بعلم الغايب كاني يالغالية 13 عملية انابيب بالله ايش ممكن او نقدر نسوي لا حول لنا ولا قوة الا ان يرحمنا رب رحيم انا كل تفشل العملية والله احب ربي اكثر تعرفي ليه لاني اشوف اللي حواليني من اول وثاني مرة يحملوا وانا 13 ومحلك سر ربي ما يحب عبد الا ابتلاه والحمدلله اني صابرة وحامدة وشاكرة يكفينيي ان ربي رزقني لسانا حامدا شاكرا ودائما يا رب احب ابتلاءك وامتحانك غير ان عافيتك هي اوسع لي
الصفحة الأخيرة
يارب ياكريم لا تحرمنا الضنى الصالح المتعافي