حبيت افيدكم قليل من خبرتي في التعامل مع النزله المعويه

السلام عليكم ورحمة الله وبركاته

في هذا الوقت من السنه تكثر النزلات المعويه للاطفال
فحبت افيدكم بما اني مريت بتجربتين مريره معها وعانيت مع اطفالي
الاولى كانت مع ولدي والثانيه مع بنتي بس الحمد الله ما عانيت معها زي ولدي ولا ااحتجت الى تنويم

اولا اعراضها
سخونه واحيانا تكون طفيفه في البدايه صعب ملاحظتها
خمول شديد وهذا يوضح على الطفل من اول ما يبدى يتعب
اسهال شديد اي شي يشربه او ياكله على طول يسهله (الله يكرمكم)
استفراغ يمكن يبدى معه اليوم الثاني

ثانيا علاجها
اول ما تشوفي هذي الاعراض
كثري لطفلك المويه والسوائل عشان ما يصيبه جفاف لان اكثر تنويم الاطفال بسبب الجفاف
واذا لاحظتي تجعد يدين طفلك او باطن اقدمه
لا تهملي على طول على اقرب وحده صحيه يعطوه مغذي
لان اغلب الاطفال يرفضو المحلول الجاهز من الصيدليه
ابعدي عن عصير البرتقال والعنب لانها تزيد الاسهال
حاولي تشريه موية الرز المصري

ثاني شي اذا كان ولد يلبس حفاضه
استخدمي له كريم
وافضل الكريمات (ميدو او سودو) او اي كريم مركب من اوكسيد الزنك
غيري له الحفاضه باستمرار


واذا كان يرضع
غيري له الحليب بحليب خاص للاسهال من نفس النوع اللي يستخدمه
يعني اذا كان يستخدم (بروميل اطلبي من الصيدلي بروميل خاص للاسهال)

كثري لطفلك زبادي جدا حلو للبطن
وتفاح

واحذري تعطي الطفل خافض حراره عن طريق الشرج (تحاميل)
اعطيه عن طريق الفم فقط
ولابد من زيارة المستشفى

واتمنى تفيدكم المعلومات واي استفسار انا حاضره ان شاء الله