حبيت افيدكم والله يكتب الأجر..

بسم الله الرحمن الرحيم

مساء الخير
كيفكم صبايا

حبيت افيدكم صبايا بعد تقريبا شبه معانه..
ع العموم صار زوجي قبل سنه وكان كمان زوج أخو زوجي قبل زواجي بيوم
المهم ماشاء الله حرمت اخوه حملت الشهر الثاني بعد الزواج وأنا ماحملت
طبعا كل شي بيد الله بس عمتي بدت تقلق عشان ما حملت وكانت تسال طبعا أساله محرجه
طبعا ع بالهم انه بيدي وأنا والله ودي احمل لأني أموت ع الاطفال ومشت الأيام وتعبت نفسيتي من كثر الأسئلة وكمان لاحظت زوجي لمن يشوف أطفال شوي ويبكي ويجلس يدعي لين دلنا واحد من أصحابه الله يجزاه الخير ع دكتوراه طبعا بعد 7شهور من زواجي ورحت لها
وأول ماجيتها سالت كم سؤال وطلبت تحاليل وقالت تعاليلي والدوره معاكي فعلا لمن جاتني الدوره
رحت لها سوت لي سونار للرحم وقالت رحمي صغير عشاني لسى صغيره
وعندي أكياس ع المبايض وكمان عندي هرمون الاستروجين مدري صح كذا اسمه ولا
وعندي هرمون الحليب كمان مرتفع واعطنتني حبوب قالت استخدميها وان شاء الله تحملي هذا الشهر ولا اذا نزلت عليكي الدوره تعالي اسوي أشعه داخليه لرحم طبعا زوجي كمان سوى تحليل سائل منوي وطلع سليم هو الحمدلله..
وفعلا ماحملت نزلت عليها الدوره ورحت لها وسوت لي أشعه وطلع الرحم مقلوب المهم أعطتني 3إبر استخدم كل أسبوع ابره ونادت زوجي وعلمتنا كيف طريقة الجمع الصحيحة للرحم المقلوب
طبعا الإبر لمن كنت استخدمها كان ينزل علي موية بس اليومين الأول بعد الابره
وكان يجيني الم فضيع في نهاية ظهري لمن سالت الدكتوراه قالت عادي هذا دليل جابت مفعول
والحمد لله تأخرت الدوره قلت يمكن عشان هرمونات متلخبطه بس بعد أسبوع حللت منزلي طلع خطين خط واضح والثاني يادوب ينشاف ع طول ع المستشفى وحللت وطلعت حامل الحمدلله
وهذا كله بفضل الله أولا ثم الدكتوراه الحمدلله

وحبيت افيدكم باسم الدكتوراه ( الهام العربي) في مستوصف الظافر في السليمانية جده...

طبعا هذا الدكتوراه حملوا ع يدها كثير وهذا أكيد كله بفضل الله لدرجة وحده راجعت عند أكثر من دكتوره وقالوا لها انتي شبه عقيم وبعدين راحت عندها بس شهراستمرت معاها ونظمت لها وقت الجماع وفهمتها ع كل شي والله حملت وعندها الحين ولد وبنت ماشاءالله..
وشي حلو في الدكتوراه أنها ما تخبئ شي تقول كل شي وتتقبل أي سؤال ..
حبيت افيدكم ..
دعواتكم بثبات حملي والله يرزق كل محروم الذريه الصالحه..

أي سؤال انا جاهز..