السلام عليكم ورحمة الله وبركاته
هاي أول مشاركة الي وان شاء الله رح اكتب بيها قصتي مع تأخر الحمل مع ذكر اسماء الدكتورات الي راجعتهم
بداية الرحله كانت سنه 2013 في مستشفى المركز التخصصي عند دكتورة نجوى(مارتحت لها ) وحولت من ثاني مراجعه عند دكتورة منار(طيوبه وتاخذ وتعطي معاك) طلبتني تحاليل ثاني يوم الدوره (fsh,lh,tsh ,هرمون الحليب )طلعت نتائج التحليل ولله الحمد ممتازه الا هرمون الغده ال tsh كان مرتفع وحولتني على دكتور غدد وسكري وصرت اراجع عند دكتورة علا جراد (طيوبه ومريحه وتسمعك حتى لو سألتيها عن خارج تخصصها وتنصحك) المهم سيطرت على الغده ولله الحمد وكملت رحلتي بالفحوصات وطلبتني دكتورة منار اشعة الصبغه للرحم (مؤلمه لكنها دقايق) وتكون بعد انتهاء الدوره مباشره،وطلعت النتيجه والحمد لله سليمه، طبعاً الدكتورة طلبت بنفس الوقت تحليل لزوجي لكن الله يسامحه راح سواه بمختبر رخيص وطلع وضعه جيد!! طبعاً بما إنه على أساس انه احنا سلمين تركنا الأطباء والمراجعات.
وبديت الرحله مره ثانية سنة 2015 لكن المره هاي بمستشفي المملكه وعند دكتورة فاطمة الدجاني(فاهمه بس سريعه بالتعامل معك) وتابعة ويايه الإباضة وقالت ممتازه وطلبت تحليل لزوجي والمره هاي طلبته انه يسويه بمستشفى المملكه وطلعت النتيجه وكانت نسبة التشوهات 73% ولما شافت دكتورة فاطمه النتيجه قالت انت سليمه والمشكله عند زوجك خليه يراجع عند دكتور.
وراح عند دكتور بمستشفى المملكه وقاله نتيجتك عادي!!واعطاه شوية فيتامينات من ضمنها الزنك وفيتامين e لكن زوجي ما اخذ العلاج!! وصحيح نسيت اقولكم انه زوجي مدخن بشراهة ويدخن اقل شي 40سيجارة باليوم!
المهم بآخر سنة 2015 زوجي بدا ياخد الفيتامينات وبعدها بثلاث شهور قررنا نسوي تلقيح صناعي واخترنا مركز ذرية (لانه مستشفى المملكة مافيها دكتورات ومستشفى المركز التخصصي ماتسوي تلقيح صناعي ) وفعلاً رحنا على مركز ذرية يوم 11 للدوره(كان يوم أربعاء ) والي كانت فاضيه دكتورة هند (طيوبه لكن ماحضرت يوم التلقيح كانت غايبه ولي سوت لي التلقيح دكتورة ثانية ) وسو لي سونار ولقوا بويضه وحده قياسها 19 واعطوني ابره تفجيريه اضربها الخميس الساعة 10بالليل والتلقيح الصناعي يكون يوم السبت الساعة 11 الصبح وسويت التلقيح الصناعي ( مو مؤلم ) وكانت عينه زوجي 91% مشوها!! وفشلت العملية ولله الحمد على كل حال.
رحت الشهر الي بعده على مستشفى دلة عند دكتورة لمياء(ما تتكلم وان تكلمت تتكلم من راس خشومها!!! ) وكان 7 يوم من اول يوم بالدوة(يعني لسا بدري على الاباضه ) وفحصتني وقالت ماكو اباضه معناته انت عندك ضعف بالتبويض!!!!! قلتها بس يادكتورة انا اراجع ومتابعة التبويض بمستشفى المركز التخصصي وبمستشفى المملكه درت عليه تقول كلهم غلط!!! لأنهم مراكز مو متخصصة ولما قلتلها طيب ومركز ذريه هم غلط ومو متخصص؟ سكتت وماردت عليه!
المهم قالتلي تعاليلي على الدوره الجاية ثاني يوم للدورة ورحت فعلاً عليها ولا طلبتلي تحاليل ولا سوت سونار وعلى طول كتبتلي 9 ابر فوستيمون 150 !! طلعت من عندها مو مقتنعة ورحت سويت تحاليل 2 يوم دورة وطلعت اموري ممتازة والحمد لله.
قمت ورحت بنفس اليوم على مستشفى سليمان الحبيب/العليا عند دكتورة زينت أبو طالب(طيبه وتسمعك بس ما تتكلم الا لما انت تسأليها ) وقبل دخولي عليها خلتهم يسوولي سونار ولما دخلت عليها شافت الصور وقالت امورك تمام لكن على عينة زوجك مايصير حمل طبيعي و طلبنا انها تسوي لنا تلقيح صناعي واعطتني 6 ابر جونال اف 75 وقالت اجيها بعد ما اخلصهم بيوم وفعلاً رحت لها وسوتلي سونار لقوا 3بويضات وحده 18 و10 ووحده اقل من 10وقالت عدنا وحده جاهزة رح نسوي التلقيح عليها بكره وتاخذي الابرة التفجيرية هسا وتجي بكره (الخميس 3/3/2016 ) نسوي التلقيح الساعة 3ونص العصر، انتبهوا زوجي اكد عليها اذا العينه سيئه لا تسوي لنا التلقيح وقالت اكييييد!!
وفعلاً الخميس زوجي سلم العينه وظل ينتظر يقولوله انها صالحه ولا لأ وبلغوه انه العينه صالحه وروح جيب المدام (صدقناهم لانه زوجي خلال هذا الشهر مستمر على خلطة العسل مع طلح النخل ولقاح النحل وحبة البركه القسط الهندي والجنسينج ) واجا اخذني وسوت لي دكتورة زينب ابو طالب التلقيح واثناء راحتي بعد العمليه جابو لي نسخه من فحص عينه زوجي وقريتها وكانت المفاجأة نسبة التشوهات 100%!!!!!!!!! ماصدقت عيني وقلت نادولي الدكتوره وقالوا الدكتورة بعيادتها وطلعت على زوجي لكيته مصدوم لانه ماخذ نسخه من التحليل وطالب الدكتوره او اي احد من المختبر وماحد رد عليه!!
وراح على دكتورة زينب على عيادتها قالها شلون تسوون تلقيح صناعي والتشوهات 100%؟؟ تقوله احنا نريد بس واحد!!!
طيب هذا الواحد يجي برحمة الله بالبيت مو بالتلقيح الصناعي
ومنقصين العينه ومو عارفين شنو الي فرزوه منها اذا التشوه 100% واحنا أصلا مو طالبين ترجيح للجنس.
ولا العينه كانت 3.5مل و154 مليون
حقنوا نص مل و 23 مليون!!!!
فوضت امري لله
انا اليوم الثاني من التلقيح وبانتظار النتيجه
بالنسبة التكاليف
تكلفة التلقيح الصناعي بمركز ذرية مع ترجيح الجنس 2000ريال
السونار 200ريال (احتجت مرتين )
وبالنسبة لمستشفى سليمان الحبيب
فتح ملف وكشفيه 315 ريال
سونار 210 ريال
ابرة جونال اف 450 (قلم احدد فيه الجرعة 75 لمده 6 أيام ) 445ريال
سونار مره ثانيه 210 ريال
التلقيح الصناعي بدون ترجيح الجنس 1156ريال
اتمنى اكون افدتكم
ولي عندها اي سؤال انا بالخدمه
وأرجو من الي زوجها مثل حالت زوجي تفيدني وتقولي وين راجع زوجها وشنو اخذ علاج وكيف كانت النتيجه؟
قوس أزرق @kos_azrk
عضوة نشيطة
يلزم عليك تسجيل الدخول أولًا لكتابة تعليق.
قوس أزرق
•
ماعندي خلفيه عن موضوعك لكن ماحبيت اطلع بدون ماكتب لك شي ومااقدر الا اني ادعي لك فيااارب ياااارب يارحمن يااارحيم انك ترزقها الحمل السليييم المعافى التام الخلق والخلقه يارب العالمين يارب ييسر امرها وفرج همهااااا واشفي زوجها شفاء من عندك ياارب اللهم ماعجز عنه الاطبااااء انت وحدك القاادر عليه ياااربماعندي خلفيه عن موضوعك لكن ماحبيت اطلع بدون ماكتب لك شي ومااقدر الا اني ادعي لك فيااارب ياااارب...
اللهم آمين
تسلمين والله انه دعائك أبكاني
ربي يرضا عليك ويعطيك لما يرضيك
تسلمين والله انه دعائك أبكاني
ربي يرضا عليك ويعطيك لما يرضيك
اغانيد
•
الله يرزقك بالحمل التام السليم
اول شي زوجك ضروري يتعالج وتشوفون نتايج العلاج كل فتره
ويبتعد عن التدخين لانه مشاكله كثيره بهالامور
وبددال مايعالج يكون ياثر على نفسه
والله يرزقكم تابعو فحوصات زوجك بمختبر البرج افضل لانه مختبر متخصص ماله دخل بعيادات وبعدين منها تعرفون نتايج الفحوصات وتشوفون تاثير العلاج وتكملون مع دكتور شاطر
اول شي زوجك ضروري يتعالج وتشوفون نتايج العلاج كل فتره
ويبتعد عن التدخين لانه مشاكله كثيره بهالامور
وبددال مايعالج يكون ياثر على نفسه
والله يرزقكم تابعو فحوصات زوجك بمختبر البرج افضل لانه مختبر متخصص ماله دخل بعيادات وبعدين منها تعرفون نتايج الفحوصات وتشوفون تاثير العلاج وتكملون مع دكتور شاطر
اولا الله يرزقك بالحمل السليم المعافى التام عاجلا غير اجل ثانيا انا زوجي كانت الحركه عنده ضعيفه والتشوهات كثيره واستخدم فيتامينات من ضمنها الزنك وماستفاد شي واخذ خلطة العسل مع اللقاح من وادي النحل والحمدلله تحسن وحملت ولكن اجهضت وبعد الاجهاض بفتره رجع سوا تحاليل لقى الحركه والتشوهات متحسنه بس العدد قليل طبعا المره الاولى دكتورتي اللي عطته الفيتامينات ولا مو متخصصه في علاج الذكوره المره الثانيه راح مركز سمير عباس واعطاه فيتامينات وبرضو بعدها بسته شهور ماحملت رجع استخدم الخلطه وحملت والحمدلله اجهضت في ثلاث شهور قبل اسبوع وماسويت لا تلقيح ولا شي بس اول شي لازم زوجك يترك التدخين ثانيا ياكل الاشياء المفيده ويستخدم الخلطه من وادي النحل ويستمر عليها وربي يكتبلك الحمل السليم واذا مانفع معك التلقيح الصناعي فمافي حل الا الانابيب وان شاء الله تبشرينا بحملك من غير تدخل من الاطباء يارب
قوس أزرق
•
اغانيد :
الله يرزقك بالحمل التام السليم اول شي زوجك ضروري يتعالج وتشوفون نتايج العلاج كل فتره ويبتعد عن التدخين لانه مشاكله كثيره بهالامور وبددال مايعالج يكون ياثر على نفسه والله يرزقكم تابعو فحوصات زوجك بمختبر البرج افضل لانه مختبر متخصص ماله دخل بعيادات وبعدين منها تعرفون نتايج الفحوصات وتشوفون تاثير العلاج وتكملون مع دكتور شاطرالله يرزقك بالحمل التام السليم اول شي زوجك ضروري يتعالج وتشوفون نتايج العلاج كل فتره ويبتعد عن...
تسلمين
وجعلها ربي بميزان حسناتك
ان شاءالله نسوي التحليل عند البرج
وجعلها ربي بميزان حسناتك
ان شاءالله نسوي التحليل عند البرج
الصفحة الأخيرة
لكن ماحبيت اطلع بدون ماكتب لك شي
ومااقدر الا اني ادعي لك
فيااارب ياااارب يارحمن يااارحيم انك ترزقها الحمل السليييم المعافى التام الخلق والخلقه يارب العالمين
يارب ييسر امرها وفرج همهااااا واشفي زوجها شفاء من عندك ياارب
اللهم ماعجز عنه الاطبااااء انت وحدك القاادر عليه يااارب