حبيت انبهكم ياحوامل
مساء الخير لاحلى حوامل انا ماني حامل والدة لي سنة عقبالكم بس اليوم تذكرت موقف حصلي بحملي حبيت انبهكم عليه اول الحمل كنت اتابع عند العيادات الاستشارية وتدرون بالوحام والغثيان ووصفتلي الطبية الحب نافيدوكسان على ما اعتقد كذا اسمه هذا الحب للتخفيف من الغثيان بس للاسف ما نفع معي ولا ريحني فخبرت الطبيبة تعطيني اقوى منه كتبتلي اسم الدوا ونزلت صيدلية المركز واخذت الدوا ومشينا وقلت لزوجي وقف اقرب بقاله عشان اجيب موية واخذ الحبوب عشان ارتاح وحنا بالطريق الا يدق جوالي رقم غريب وارد ويطلع الصيدلي اللي باعني الدوا وقلي لا تاخذينه في غلط بالدوا تصدقون والله على شوي كنت اخذت الحبوب المصيبة ما هي هنا لما وصلت البيت قلت خلني اقرا الوصفة اللي تجي بالحبوب وهنا كانت الصدمة الحبوب كانت لعلاج سرطان الثدي الله يبعده عنا وعلاج العقم :icon33:ايش رايكم تخيلو لو انيي اخذته من قبل ما يتصل وينبهني ايش كان حصلي بس الحمدلله ربي سلمني انا والبيبي :04:وعدت على خير اللي ابغى اقوله لازم تقروا النشرة اللي تجي مع الدوا قبل الاستخدام وربي يحمي الجميع وتقومون بالسلامه وتقبلوا مروري
32
3K
يلزم عليك تسجيل الدخول أولًا لكتابة تعليق.
انا من الرياض الصيدلية تابعة لنفس المركز وطبعا جابوا الرقم من ملفي واللي يكون عليه كل بياناتي ومن ضمنها رقمي وهذي كمان ربي رحمني فيها يعني لو كنت رحت صيدلية من برى المستشفى اكيد ما كان قدر يتصل بي
الصفحة الأخيرة
بس كيف عرف الصيدلي رقمك