حبيباتي في الله انا اجهضت اكثر من مره وكل تحاليلي كانت سليمه ماشاء الله ومش عارفين ايه السبب وفي الاخر حملت وكنت مرعوبه وكنت ابكي وخايفه ليحصل اجهاض تاني ولكني سمعت اراء اطباء كتير في هذا الموضوع ولقيت ان الاطباء دلوقتي توصلو ان السبب في الاجهاض المتكرر هو عدم وصول الغذاء للجنين فبالتالي بيموت الجنين وطبعا وقتها هتعملي تحليل دم تشوفي هل فيه تجلط في دمك ولا لاء والتجلط ده معناه ان الدم وهو ماشي في الجسم ومحمل بالغذاء وذاهب للجنين في الرحم ليغذيه فيتجلط وبالتالي لن يوصل الغذاء فالجنين يموت وده السبب اللي الاطباء دلوقتي استندوا اليه في اسباب الاجهاض المتكرر فعشان كده بيعطوكي ابر مسيله للدم وايضا لو التحليل اثبت ان مافيش تجلط في دمك وان دمك ذو سيوله كويسه يعني العيب مش من توصيل الغذاء برضه هيعطولك الابر المسيله للدم ولكن بنسبه خفيفه لان الحقن دي درجات وفيه ناس بتاخدها كل يوم مرتين في اليوم وبدرجه كبيره دي اللي دمها فيه تجلط وفيه ناس بتاخدها مره واحده في اليوم .الابر دي بتتاخد تحت الجلد يا اما في طبقات جلد البطن وده احسن مكان ومتخافيش بيبقي بعيد عن الجنين او بتتاخد في الفخد ولو تكرر الاجهاض مع هذه الادويه بتشوفي هل عندك اجسام مضاده في الرحم ولا لاء وسعتها بتضطري تاخدي مع الابر المسيله ةمعها كورتيزون
وفيه ناس بتجهض في اول يوم تتاخر فيه الدوره يدوب تحلل من هنا وتعرف انها حامل فتسقط علطول تاني يوم يعني مبتلحقش تفرح فالحل لهم ان بعد ايام التبويض تاخد الابرالمسيله للدم لان احتمال يكون فيه حمل وبدأيتكون في الرحم فالاطباء عايزين يوصلو الغذاء للجنين وبسرعه ومن اول يوم له في الرحم وعندما تتاخر الدوره عن موعدها المرأه تعمل اختبار حمل فاذا تبين ان هناك حمل فتكمل الابر الي نهايه الحمل او الي ان يقرر الطبيب واذا حللت ومظهرش حمل فخلاص توقف الابر المسيله وتعيد الموضوع الي مابعد ايام التبويض القادمه وعن تجربه بجد تصدقي كتير واستغفري كتيرجدا وهاتي كميه ماء كبيره وياريت تكون (ماءزمزم )واقري عليها الرقيه الشرعيه وطول الحمل وقبله اشربي منها وامسحي رحمك وبطنك بها وادعي ربنا كتيروصلي صلاه الليل وادعي فيها كتير فهو الشافي والقادر علي كل شئ واستخيري ربنا كتير قبل ان تاخدي اي علاج
اما الابرالمسيله للدم فمنهاانواع مثل
مثل (الاينو هيب)او(الهيبارين)او (الكلكسان )او اي نوع تاني يقرره الطبيب انا اخدت الاينوهيب وتاخدي معهااسبرين مثل( اسبرين اسبيكارد)او اي نوع تاني يقرره الطبيب وكل الانواع زي بعض بس بشرط تمشي علي الحقن والاسبرين طول فتره الحمل او الي ان يقرر الطبيب متي توقفيه انا عن نفسي وقفت الاسبرين في الثامن والحقن وقفتها قبل الولاده باسبوع او عشر ايام وخلي بالك لما تدخلي في الشهرالتامن خلي الدكتوره تشوفلك المشيمه كويس هل حدث بها تكلسات ام لا التكلسات (التكلسات) دي معناها ان المشيمه في مناطق بها حدث بها عطل ولم تعد قادره علي توصيل الغذاء للجنين وبالتالي يموت فلو حصلك تكلسات لاقدرالله بتبعي بالسونار عند الطبيب كل يومين او تلاته الي ان يري الطبيب ان خلاص التكلسات نسبتها بتزيد فلو جالك الطلق وقتها اولدي طبيعي و لكن اذا لم يأتي فبيولدك قيصري بس متستنيش علي نفسك الي ان يجيلك الطلق وتقولي هستني اولد طبيعي وافرضي مجاش الطلق يعني تستني لما التكلسات تعطل المشيمه كلها والطفل يموت ولا تولدي بدري بالقيصري بس تضمني حياه الجنين ياجماعه لازم وانتي رايحه للطبيب تكوني قريتي كتير وتكوني عارفه وفاهمه حالتك وتتنقشي معه في حالتك والادويه اللي بيعطيهالك ياجماعه والله دي قصتي ومعلوماتي والله علي ما اقوله شهيد ويارب اكون افدتكم ولو عرفت اي معلومه تانيه هقولكم لكن ياريت اللي استفادت تفيد غيرها وتدعيلي كتير
ليمون وبرتقال @lymon_obrtkal
عضوة جديدة
يلزم عليك تسجيل الدخول أولًا لكتابة تعليق.
a7llaa
•
كلامك سليم ماشاء الله الله يجزاك خير
انا نفس الشيء والى الان ماشية على الابر كلكسان بدرجة قليلة جدا 20 ملجم بس
بس مرات افوت يوم يومين لي تقريبا شهر زي كذا اول لا منتظمة
ماادري يضر او لا..؟؟
انا نفس الشيء والى الان ماشية على الابر كلكسان بدرجة قليلة جدا 20 ملجم بس
بس مرات افوت يوم يومين لي تقريبا شهر زي كذا اول لا منتظمة
ماادري يضر او لا..؟؟
حبيبتي al3abeer81 انا جربت تثبيت بس حصل اجهاض و مره اخدت حبوب تثبيت واسبرين حصل اجهاض وبرضه بدون سبب ولما اخدت تثبيت واسبرين وحقن اكتمل الحمل ودكتورتي كانت تقولي انتي مش محتجاها لان انتي مش عندك تجلط بس خديها برضه احتياطي وقالتلي انها عملو اختبار ل9 سيدات كانو مثل حالتي بيجهضوا بدون سبب وادوهم الحقن مع الاسبرين 7 منهم اكتمل حملهم يعني نتيجه معقوله ولما ذهبت في منتصف الحمل لدكتوره اخري لانها قريبه من منزلي وقلت اجربها وقلتلها اني باخدالحقن وشافت الحقن واستغربت وقالتلي هي الحقن دي عشان ايه ومكنتش تعرفها اصلا ولا تعرف بتستخدم ازاي ففهمتها ومشيت من عندها ومن بعدها مرحتش لها تاني ده معنها ان مش كل الدكاتره عارفين الحقن واهميتها توكلي علي الله واستخيري كتير ولماتروحي للطبيب لازم يكون استشاري او اخصائيه شاطره ومعروفه ,واساليها ايه رايك في الحقن وعرفيها انك عايزه تاخديها والدكتوره او الممرضه بتعرفك ازاي بتستخدميها
الصفحة الأخيرة
انا اجهضت مرتين من غير اسباب وفى المرة الثانية كنت اخد الاسبرين وحبوب التثبيت ووقفتها فجاءة واستمريت بالاسبرين بس للاسف النبض اتوقف
الان انا خايفة احمل وتحصل نفس المشكلة مع العلم انه كل فحوصاتى سليمة الحمدلله
بس ولا اى دكتور اقترح انى اخد حقن بس يقولون الاسبرين كفاية ل حالتك