حبيت واحد

السلام عليكم عزيزاتي ..
والله حبيت هالمنتدى رغم اني اول مره انزل به لكن صديقاتي شجعوني انزل مشكلتي هنا ويارب الاقي احد يحس فيني خصوصا ان مشكلتي صعبه اقولها لامي او ابوي او اي احد.من قرايبي وجيت هنا ابي مساعدتكم بعد الله

انا لي علاقه مع شخص من قببل الزواج كنت احبه موت وهو نفس الشي يوم تزوجت ماعاد كلمته رغم محاولاته للوصول لي لكني كنت اقطع جميع السبل وصارت مشاكل كثيره وماتوفقت بزواجي طبعا استمر زواجي سنتين تقريبا لكن كلها ماحسيت بطعم الراحه اقسم بالله احس اني بسجن بعدها الحمدلله تطلقت منه وانا في العده الا الانسان اللي حبيته قبل الزواج يكلمني ويبكي يقول انا جنيت من دونك ويعاتب ويقول ليه تركتيني رحت قلتله انا بالعده ورقمي تمسحه ماجاوبت على ولا شي طبعا هو من عائله بعيده عن عايلتنا ومادريت كيف طلع رقمي اقسم بالله عشت صراع مع نفسي هذيك الايام من اول مادق علي بعد الطلاق وقفت بكى على زوجي الاولي وو ذكرياته تلاشت من بالي صار كل تفكيري هالحبيب ودموعه اول مره شخص يبكي عشاني بديت افكر فيه وبايامه قبل الزواج وحنيت له كثير اخر شي وانا رايحه المستشفى الصباح اخر اسبوع بالعده لقيت له مسج يقول انا بجي اتقدملك رسمي انا ماني مصدقه اللي قريته اقسم بالله يابنات حسيت اني بحلم وودي اطلع من المستشفى بسرعه واكلمه ولا اراسله بس قلت هالشي حرام وانا بالعده وانتظرت لين ماخلصت عدتي كيف اوصفلكم يابنات اليوم بشهر طول هالفتره قاعد يدق وانا مارد يوم انتهت العده ارسلتله كنت قبالك قبل ماتزوج ولا حبيتني الا يوم رحت لغيرك والحين تقول بتتقدملي يالله لو انت صادق تعال انا خلاص ماعاد يهمني شي
قال لي كلام كثير بس اللي مهم انه ناوي يجي يتقدملي لكن يقولي ترى بجي لحالي اهلي مابيحظرون لا خطبه لا ملكه ولا عرس انا سيكيت بالموضوع قلت ليش ماخذني بدون علمهم اكيد وراك شي قال اهله بينهم مشاكل يقول امه وابوه مرضى وكبار بالعمر وخواته واخوانه يبون ورثهم وهو راح ودى امه للمحكمه وخلاها توقف كل شي سبيل لها ويقول اصلا اذا تزوجنا بسكنك في بيتهم لك شقه فوق وحزني كثير يابنات يقول عمره 35 وللحين ماتزوج كلها بسبت هالمشاكل اللي بينهم ويقول مابي اتزوج اجنبيه انا ماقدامي الا كذا بس يقول ابيك لكن اهلي مايبون يخطبون لي ولا شي يقول حالته الماديه كويسه ابو ابوه كان امير محافظه بالافلاج وعطاني قبيلته واسمه قال اسالو عني اللي انا خايفه منه اخاف يكون كذاب واخاف بعد لاجا يخطب لحاله ابوي مايستقبله بيقوله رح جيب اهلك والله يابنات التفكير اكلني ومصدعه كثير مدري اصدقه او لا ومدري اخاف يجي ويطلع صادق بس خايفه من رده فعل ابوي انا والله ماخفي عليكم احبه كثير واكثر من زوجي بعد عسى ربي يفرج همي وهم كل وحده ترد علي اعتبروني اختكم من قلب صادق وانصحوني ماعندي احد والله اشكيله غير انتو بعد الله