حبي لزوجي سوف يدمرني ويدمر اولادي

والله ماني عارفه من وين ابداء وش اقول لكن قلت مافي الاانتم بعد الله تقدرون تساعدوني المهم ياغاليات مشكلتي وهي حبي لزوجي واني مابي افارقه
انا متزوجه لي سنتين وست شهور هو يحبني ولا يرفض لي طلب وكنت اذا زعلت يراضيني لكن انا عيبي اني عصبيه شوي
المهم عندي ولد عمره سنه ونص والحين حامل بالولد الثاني ***** الله
المهم ياغاليات بدأت مشكلتي من يوم حملت طبعا نفسيتي تغيرت مع الوحم وهذا شي طبيعي
وتعبت
هلي صارو يرسلو لي شغالتهم علشان تساعدني في البيت وكانت تجلس عندي اسبوع وارجعها واذا كان عندي شغل اجيبها
المهم يابنات الحلال انا احس اني مو ادميه لان احس لما زوجي يكذب واحس لما يغلط انا زوجي يشيش وانا رافضه هالشي لكن مره صحيت من نومي اتصلت ع زوجي وهو في العمل قلت له رحت تشيش صح هذا ابسط مثال
المهم انا بس كان فيني ضيقه طوال ذيك الفتره بس ابكي حسيت ان ولدي بعيد الشر عنه بموت ولا بصير له شي ولا انا بموت يابنات ضيقه وربي خلتني مثل المجنونه
كل يوم الضيقه تزيد في قلبي صرت بعد ماينام زوجي وولدي اقوم واقيم الليل ذيك الليله الشغاله كانت عندنا ونايمه في الغرفه
اناصليت وكان باقي ع صلات الفجر نص ساعه قلت اريح شوي الين يأذن واقوم اصلي
والله يابنات مجرد اني حطيت راسي على المخده الا زوجي صحي بكل هدوء عكس العاده المهم وخرج من الغرفه راح الدوره المياه اكرمكم الله
انا قمت وخرجت بكل هدوء من الغرفه وجلست في المطبخ وجالسه اراقبه وخليت الانوار طافيه علشان لا يحس فيني واقول بيني وبين نفسي <والله اني مريضه نفسيا ولا احد يشك في زوجه>
المهم هو خرج وجلس واقف عند باب الحمام ساعه مطول الرجال ماادري وش فيه المهم شوي الاقيه واقف عند باب غرفه الشغاله بيفتحه عليها
خرجت انا من المطبخ وقلت وش فيك واقف عند هالباب الا هو جرى ع غرفة النوم وقالي والله مافي شي بس لخبطت:mad:
طبعا مادخلت مزاجي هالحكايه ونفس الوقت قلت زوجي انسان يصلي الفرض والسنه مستحيل يكون يلي في بالي
قلت خلاص علشان اصدقك جيب القران واحلف ورحت جبت القران لكن مارضي الرجال يحلف قال ربي مو لعبه تحلفيني ع شي تافه
انا وقتها الجن وشياطين ركبت راسي رحت عند الشغاله لقيتها نايمه
رجعت لزوجي قلت له لو ماتقول وش صار ورب البيت لااقتلك واقتل ولدك
عطاني كف وجلس يقول انتي موسوسه انتي شكاكه انتي مريضه
رووحي بيت اهلك وفكيني منك
انا ماكنت ابي ولا شي وقتها ابي اعرف هو وش بينه وبين الشغاله
المهم في النهايه قالي واعترف وياليت ربي خذا عمري ولا سمعت يلي سمعته
قالي انه له3ايام وهو معاها لكن ماكان يعاشرها لانها مازالت بنت بس بالمداعبه
وكان يستغل وقت صلاتي ويروح عندها
اه ودي امس ذاكرتي من كل شي
اه ياخواتي وقتها اسودت الدنيا بوجهي ولا ابي شي من هالدنيا الا ان ربي ياخذ عمري انا وولدي
انا يلي دخلت بيته مافيه حتى شرشف ننام عليه ولا ملعقه ولا شي حتى سيارته باعها علشان يكمل مصاريف الزواج كان يقول لي معليش سيارتي مو حلوه كنت اقول له عادي لو معاك حمار راضيه بس المهم نكون مع بعض
وتزوجنا وبعت ذهبي كله علشان اثث بيته واشتري له سياره مستخدمه والله يابنات ان كان ع قلبي مثل العسل لاني كنت احبه
بعد هالمشكله ماعرفت وش اسوي ارووح بيت هلي واعلم وش صار ولا استر بيتي وزوجي وولدي واسكت
وسويت الحل الثاني ماعلمت احد ابد ابي اولادي اذا كبرو يفتخرون بابوهم
لكن ع بالكم هذا الشي اثر فيه
بعدها باسبوع حسيت نفس الاحساس وجلست ع راسه وقالي انه كان يبغى يتعرف ع بنت لكن مااعطته وجه
لكن قالي انه الحين عقل ولا شي في باله غير انا وولده
انا خلاص سلمت امري لرب العالمين
وبعدين جاء واعترف لي انه يفكر يتزوج مسيار لان عنده طاقه مو قادر يتحملها الين مااولد لكن هون ع الفكره اه بس ياقلبي هذه نهايه حبي
وقلت له ياولدالناس لا تخليني اضيع عمري معاك وانت ماتبيني اذا ماتبيني خليني ارووح بيت هلي وانا باقي صغيره اقدر اتحمل مصيبتي وهمي وقالي انه يحبني لكن مايدري وش الافكار يلي جاته هاليومين لكن طلب مني اوقف معاه واساعد قلت له خلاص لكن بشرط ترووح تشتري كافور وتشربه الين ماولدواعوضك ووافق وجابه لكن شرب منه مره وحده وبطل معاد رضي يقول طعمه مو حلو
المهم يالغاليات عارفه اني طولت عليكم لكن انا في حيره من امري وش رايكم في يلي سويته صح ولا خطاء اخاف سكوتي يسوي البلاوي واخاف اتكلم بكره عيالي يلوموني ليه شهرة بابوهماخاف يتمادى عليه ويخطي اكثر واكثر حتى ولدي صارت عليه حركاات تخليني اشكانه شاف ابوه يسوي شي قدامه
ياجماعة الخير ارشدوني وش اسوي والله كل ليله اتذكر وش سواء فيني واجلس ابكي صرت اشكفيه كل لحظه وثانيه حتى اذا هو بالعمل ولا رد عليها شك انه مع احد قلبي يولع نار لما اتذكر وهالسالفه لها بس شهر والنار مو راضيه تنطفي من قلبي
طلبتكم ابي فزعتكم وش الحل يلي يخليه يعرف قيمتي انا في الشهر التاسع والله وتعبانه ونفسيتي بعد تعبانه وش الحل وماعندها حل تساعدني بدعاء لي وجزاكم الله الف خير