صباح / مساء الخير
شو الاخبار؟ وش جديدكم يا ئمراات :27: ؟
?Miss me
الكتابه ماتجيني الا بعد الويكند .. اعتبر ايام الدوام خاصة وقت الليل وقت رايق بالنسبه لي .. مين مثلي ؟
امور كثيره ابي اتكلم عنها تخص حياتنا وحياة كل بنت ..
لكن دايم الانسان يحط بباله انه فيه وقت للكلام لاحقاً .. والتمهل زين .. و المواضيع الجديه او المليئة بالنصائح او صحوة الزمن قد تكون صعبة الفهم مرات .. مع ان اسلوبي يقاله سلس.. :42:
عموما .. الاعتراف حلو .. وخوش فكره .. و حاقه كويسه قدا قدا ولا ايه ؟
وش اعترافي ياترى ؟
اعترافي اني معجبه بنفسي ..
حقا حقا حقا .. كم احبك يانفسي ..:30:
مغروره ؟
هالكلام كل وحده لازم تقوله لنفسها وتحطه ببالها وقلبها.. مو تقوله للناس بيظنونها مجنونه .. :11retcher
حب النفس والرضا عنها يُنتج العطاء الصح .. والعطاء القوي والمفيد .. لما تحبين نفسك يعني بتثقين بنفسك ولما تثقين بنفسك بتكونين قادره على اسعاد نفسك والي حولك ..بأفكارك وقراراتك وحتى طاقتك الايجابيه ..
ترا الناس تنفر من الشخص الحزين مهما عطفوا عليه ..طبيعة النفس البشرية تبحث عما يسُر..مو ذنبهم :rolleyes:
حب النفس والاعجاب فيها للأسف بعالمنا ارتبط بالشر .. والخبث .. و النرجسيه ..
بس ليش ؟
لان الناس الخبيثه او الانانيه .. تسعى وراء مصالحها بسبب اول غريزه مستخدمه لارضاء النفس ..فصار اي شخص يبي يسعد نفسه يلاقي تهجم من الناس السلبيه وينقال له (انت اناني..ماتفكر الا بنفسك..غرورك مارح ينفعك الخ ..)
للأسف انفهم ان الخلق الجميل .. والطيب .. والحسن .. يأتي من التضحية .. والتنازل .. والاقتناع والاستسلام والخضوع للظروف ..
العالم والناس ومجتمعك المحيط صار تحكمه العادات والافكار حتى بمفهوم حب النفس وتدليلها بطريقه سلبية.. مع العلم .. ولله الحمد..وصلنا لمرحله بهذي الدنيا .. ان الانسان الذكي يخلق لنفسه تقاليد وعادات مُكمله او مُعدله لتقاليد وعادات مجتمعه ..
البنت الغير متزوجه .. والي الله مارزقها ذريه بعد .. و المضطهده بعائلتها .. او مجتمعها المحيط فيها .. او اي بنت تمر بأي ظرف غير مريح.. كل ذول حكم عليهم المجتمع انهم ناقصات .. لدرجة الوحده منهم بعقلها الباطن تصدق انها ناقصه .. او سعادتها ناقصه .. صارت الوحده منهم اسيرة لظرفها.. تاركه امر سعادتها للمستقبل .. ليش؟
امر تأجيل السعادة امر غريب جدا ..
وغبي بطريقة مستفزه ..
تأجيل السعادة يكون بامور عميقه.. او بامور سطحيه .. لكن له تبعات قويه مؤثره .
الكسل .. الانطوائيه .. الانعزال الطويل بسلبية بغير وقت الغضب او التعب ! .. البخل على العقل بالتفكير الايجابي .. وسوء الظن بالناس .. وجلد الذات .. و تسويف دراسه او عمل او تنظيف بيت او تجميل وتدليع لنفسك .. كل هالامور تدل انك ماتحبين نفسك .. :mad:
راجعي هالامور وادرسي اهم حاله با الكون .. الي هي حالتك .. فكري زين وطالعي ماضيك وحاضرك ومستقبلك .. كيف اثبتي حبك لنفسك فيه ؟
هل اجتهدتي ومازلتي تجتهدين لتحقيق احلامك البسيطه والمهمه او المضحكه او الغريبه حتى ؟ :16:
تكثرين من جلد الذات وعدم مكافاة نفسك مكافات روتينيه لو باتفه الامور .. ايسكريم .. قهوه .. شوكولاته ..جلسه رايقه ع الانترنت بما فيه من معلومات ,فيس بوك, الانستقرام الخ ..؟
صفيتي قلبك ونيتك من ناحية اهلك ومجتمعك ؟ مع العلم صفاء النية لا يعني الضُعف او انعدم الشخصيه او عدم الحذر منهم..
صفاء النيه يعني قلبك نظيف من سواد الظنون المتعبه لك ولحياتك الي تخليك حبيسة افكارك للابد .. والاهم تمنعك من الاستمتاع بالحياه .. ويطلع هالات سوداء بعد :35:.
نرجع لحُبي لنفسي :S_45:
حبُي لنفسي قوي .. حقوقي الي مااتنازل عنها قويه ..وسخيفه مرات من بساطتها .. :04:
الان وانا اقلب الصور بانستقرام واشرب هالشاهي الاحمراني المركز .. اعتبره حق قوي ممكن اسوي حرب اذا حدا فكر يعكرلي هالمزاج ويزعجني .. :024:
معجبه بنفسي وبقوة النرجسيه الايجابيه فيني ..
مرات اقبل واحرص اكون وحيده ..
لان وحدتي تخليني مع ذاتي الطيبه ..المتفائلة..القوية الي مرت عليها شدائد لكن صبرت..
احب وحدتي لما ادلل نفسي..مااهرب منها بالعكس احتويها واشوف متطلبات سعادتها..وطلباتها اوامر اذا كانت في حدود مايرضي الله ..
متى تحبين نفسك ؟ متى تعجبين بذاتك ؟ سواء امر سخيف او مهم كله له اعتبار .
نفسك مثل الطفل ..يبيلها عناية ودلال وتشجيع وفرص ..حتى تبدع وتنجز وتتقوى .
اتمنى لكم اجواء خاصة هادئة مع انفسكم ..
:26:
انا حاليا بفتره انتقاليه لاني كنت حبيسة افكاري السلبيه بمرضي والان احاول التغير واستعين بالله ومثل هالمواضيع تفيدني كثيير