لا ما يخلص بالعكس شوفي الجدات بيصيروا احن على احفادهم من اطفالهم

انا توقعي ان بنت اختك عارفه انها مش من مسؤوليتك طول العمر انتي رح تمسكينها ساعات او حتى ايام

ولكن بنتك جت بعد ولاده وتعب وهي مسؤليتك طول العمر

وهذا تحسينه عبء عليك ماتعودتي

لا بالعكس كنت احبها مررررة واتمنى انها بنتي حتى تطعيماتها كنت اروح معاها وأنا مواصلة ولكن لاجا تطعيم لبنتي اتململ ومرة ماودي اروح.
حتى الناس تشوفني أحب الاطفال يستغربوا وماذكروا الله مدري إذا عطوني عين حتى اني تطوعت فحضانة وكنت اشتغل دون راتب يعني وماتمللت منهم ولا اعصب وقت يتعبونني عكس بنتي ينابني ضميري لاني كذا ودي احبها زيهم بس مدري كيف احس كانه بنتي غريبة عني حتى لما اطالعها واشوفها مبتسمة او تبكي مابالي لها كانها مو مسؤوليتي وماودي بها حسبي الله ونعم الوكيل ع السبب😭💔
أما باقي الاطفال لابالعكس اضحي بوقتي كنت عشانهم بنت اختي لما تزوجت قتلت روحها من الصريخ لاني طلعت عنها وتركتها وأنا مدري إذا الله يعاقبني كنت اسمعها تصيح بقوة واطنش اطلع عنها مقدر اخذها معاي لانها مو بنتي وهي تبغى تجي معاي وابوها مايرضى وامي تقول بتتعود وأنا احترت وتركتها كانت مسكينة ماتسكت للفجر بسببي جاني اكتئاب وقتها لما شفتها كذا يتصلوا لي عشان تسكت وماتسكت متعلقة بي كرهت نفسي وقتها ليش الله يخليني تعلق باشياء ماهي لي وتتعلق بي وأنا اعرف ان مابتدوم ولكن هذا هو حال الحياة الفراق سنة الحياة بس الاطفال صعب يفهموا بدري ولو فهموا يكون شيء قاسي وصعب اني علمت طفلة هالشعور احسه شيء قاسي لانها ماتفهم كانت صغيرة كذا تقريبا ثلاث سنوات او اربع بس علاقتي بها من الولادة اختي جابتها لي لان ماشاء الله دوامها طويل . .ماكان عندي أي مشكلة خاصة آني اعاني من فراغ بسبب ترك الوظيفة ...
والناس لما يشوفوها عندي يقولوا واضح انها عارفة انك مو امها الله يعطيك حسسوني مسكينة و اني تزوجت ومخلفت ياشين اللقافة .
وهي أساس كانت تحبني اكثر من امها ومن تشوف امها تهرب بس في ناس يحترو من كل شيء الله يرزق كل ع قد نياته.
دعواتكم يارب يحببني ببنتي أنا مو اكرهها بس مدري كيف احس اني دائم معصبة عليها يعني مافي مودة بيني وبينها قسم بالله ساعات ابكي لاني كذا مع بنتي أتذكر الماضي وأقول ليش أنا مو كذا مع بنتي يانبني ضميري 💔💔😭
بس أنا اخاف عليها وكل شيء بس قاسية معاها كذا يعني لذلك أقول يمكن أنتهى حبي للاطفال