حب الشباب بدا يختفي والسر???

السلام عليكم ورحمه الله وبركاته
صباح الخير والورد والياسمين لكل اخواتي الغاليات اللي بالمنتدي
يارب اتكونووون مستانسين وما يعكر مزاجكم اي هم ويارب اتحصلون علي كل اللي تتمنووونه<< قولووووا اميييييييييييييييين يارب العالمين
اخواتي ما بطول عليكم

انا كتبت موضوعي عن تجربتي مع حبوب الروكوتين واللي انا لحد الحين اخذها كعلاج لحب الشباب اللي ملعوز ويهي فوق حدر
طبعا انا الحين كملت ثلاث اشهر من العلاج ولله الحمد وباقي لي ثلاث اشهر
بس والله انه ويهي اتحسن اكثر بكثير من الاول والسر هو
الروكوتين و مكعبات ماء الورد والمره
بالفعل الحمد لله الحبوب راحوا بشكل ملحوظ
هذي الاشياء اللي ساعدت بشرتي علي التحسن بشكل ملحووظ خاصه هالاسبوعين
لاني واضبت اكثر واكثر
اغسل ويهي بصابونه كركم مرتين باليوم
ومره لما اتروش اغسل ويهي بصابونه الطاووس
الصباح قبل ما اطلع من البيت امرر مكعب ماء ورد مثلج والله اني استانس لما امرره المكعب علي ويهي لدرجه اني ما ابي الثلج يذوب بسرعه ونفس الشي امرر مكعب الثلج العصر وبعد العشا او قبل النوم(يعني مرتين الي ثلاث مرات باليوم)


المره ادهن وجهي بعد صلاة العشا ولما انام



الله يجزا البنات اللي دلونا علي هاي الوصفات كل خير لان بالفعل النتيجه ملحوووظه جدا
بس شوي عندي جفاف بالويه>>>>> فاللي عندها حل لجفاف الويه الله يخليها لا تبخل علي وبدعيلها من كل قلبي



بنات ادري ان الموضوع اكيد مكرر لان وايد بنات تكلمو عن ماء الورد والمره بس والله اني حبيت انكم تستفيدون وتجربون بروحم لان احيانا الواحد يتشجع لما يسمع وحده من بنات المنتدي جربت شي وفادها وتتكرر التجربه عند اكثر من بنت والكل مستفيد





اتمني انكم تجربواااااااااا وتشوفوا النتيجه >>>>


بنات بالنسبه للمره انا اول اسبوعين كنت احط قطعه في ماء ورد وادهن ويهي بيها بس من يومين طحنت المره وحطيتها في ماء ورد احسن ان المفعول اقوي بس تحملوا تري شوي الوجه بيكون مشدود اليوم الثاني وجاااااااااااااااف


تحياتي لكم وربي يعطيكم اللي فبالكم وادعولي ان اللي يرزقني اللي فبالي
فديتكم